Sunday, June 15, 2008

I saw the sign ....


It's a sign

كتير لاقيتني بردد الكلمة دي في حياتي مواقف كتير اوي حسيت اني اللي بشوفه قدامي رسالة ليا ..عشان اعرف طريقي ...عشان افتح عنيا اشارات حياتي تضمنت اشخاص عابرون ....كلمات ....ايات من القران ..احاديث ...حكايات ...نظرات...مواقف على صغرها كانت كبيرة جدا في المعاني ...واحيانا اغاني
ممكن ناس تعتبرها صدف ...ولكن لاني لا أؤمن بالصدفه نهائي انا اعتبرتها اشارة من الخالق عز وجل رسالة بيلحقني بيها وبيقولي الحقي نفسك ....
اذكر مرة في لحظة يأس اخدتني رجليا بعد صلاة الفجر للبلكونة ...ودي حاجة ما بعملهاش خالص وشفت الشروق ... لحظة الشروق كانت لحظة عشقتها عمري كله ..ونسيتها في زحمة الحياة اللحظة دي صحتني ...وصحت جوايا امل جديد ...رجعتني سنين لورا ...افتكرت حبيت اللحظة دي قد ايه وافتكرت ان اللحظة د كانت طول عمرها مصدر الهام ليا ولروحي يمكن صدفة اني اطلع البلكونة اليوم دا في اللحظة دي بالذات بس انا بعتبره قدر ....

اصحابي عارفين حكايتي مع الاشارات حصل كتير اننا نكون سوا ويحصل حاجة تخطفني ...الاقيهم بيبصولي ويضحكوا ويقولولي كلمتي
It's a sign
احيانا بنسد ودانا ونغمض عنينا ونرفض نستقبل الاشارة ونرجع نندم ونقول انا كنت عارف اللي هيحصل ...انا ليه عملت كدا
وفي ناس فشلت انها تستوعب حكاية الاشارات اساسا ...عجزوا انهم يصفوا روحهم ويسمعوا صوتهم الداخلي ويستقبلوا الاشارة لان الاشارة دي لازم تستقبلها بقلبك وباحساسك ربنا بينبهنا بدل المرة الف ...واحنا احيانا بنرفض نستجيب التأمل بيساعدني كتير اني اكتشف نفسي ...واسمع الاشارات المبعوتة ليا كل حاجة حوالينا اشارة لينا ...كل حاجة حوالينا بتعملنا حاجة..وبتلفت نظرنا لحاجة ...بس مش دايما احنا بنسمع وبنستوعب
انت بتسمع وبتشوف وبتستوعب وبتحس بالاشارات ؟!....

4 التعليقات:

mostafa rayan said...

اولا اناعايز احييك لأمرين
1- اانا برج الحمل زي بعض وطبعا زي مانت عارفة ان اتلربج دة برج العظماء وكبارالنجوم اللامعة
2- عايز اقولك ان انا متفق معاك تماما في موضوع الأشارات دة ربنا بيديلنا الشارت دي علشان نفكر ونعيد حسابتنا ونراجع نفسنا وكان بعض السلف يقول ( اني لأذنب الذنب فأري ذلك في ساوك دابتي وزوجتي )
فعلا لازم ناخد بالنا من الأشارات دي
تحياتي ليكي ودمت بخير

- لو سمحتي شيلي تأكيد الكلمة لسهولة التعليق

Founoon said...

مصطفى
اكيد دا برج العظماء حد يقدر يقول غير كدا :)

انا مؤمنة جدا بموضوع الاشارات

والنماذج كتيرة في التاريخ حتى

في قصة قابيل وهابيل

لما الاخ قتل اخوه

ربنا سبحانه وتعالى بعتلهم غرابين قتل واحد فيهم التاني ودفنه

ارسال الغراب كان قدر من الله سبحانه وتعالى

بس بالنسبة ليهم ..كانت اشارة

شاف قدامه غراب عارف يدفن غراب تاني

وهوا مش عارف يعمل ايه بجثة اخوه

ندم ...وحس بضالته

قصة الغراب كانت اشارة فتحت عينه على حاجات كتير

خليته يندم على فعلته

في اشارت بتمر في حياتنا بتكون قدر ربنا سبحانه وتعالى مقدره لينا عشان نفهم ونستوعب ونقف لحظات نتأمل

ونعيد حساباتنا تاني

بالنسبة لطلبك الاخير ..حاضر :)

الشارده said...

انا برده من المؤمنين بالاشارات وبتحصلى كتير خصوصا لما بكون زهقانه ومش طايقه نفسى والاقى ربنا يبعتلى حاجه تخلينى اقول الحمد لله

Founoon said...

ياااه يا ايمان

الاشارة دي بالذات بتحصل كتير جدا

لان الانسان بينسى

من رحمة ربنا بينا انه بيفركنا والله