Saturday, September 06, 2008

مصر على صفيح ساخن!!!

برائة ممدوح اسماعيل
القبض على هشام طلعت مصطفى
طراطيش كلام عن تورط محمد فريد خميس في قضية رشوة
مجلس الشورى اتحرق
المقطم وقع ع البني ادمين وفي 500 واحد تحت الانقاض
في ايه يا بلد !؟

19 التعليقات:

amr said...

ربنا يستر .... و مايكونش غضب من ربنا او ابتلاء .... مش عارف والله . .

بس دة ممكن يكون نتاج طبيعي جدا للعشوائية اللي معششة في دماغ المسؤلين - او معظمهم - و اللي برضة معششة في دماغنا - او في دماغ بعضنا -

ادعي يا فنون ,,, اخنا في ايام مفترجة..
ربنا يتقبل منك . . .


تحياتي

Maga said...

والله ريسنا المفروض يدخل موسعة الارقام القياسية

الريس اللى فى عهده شعبه مات كل الميتات المختلفة

محروقين غارقانين مدفونين ولسة

Founoon said...

والله يا عمرة انا مش عارفه اللي بيحصل دا حاجة كويسة ولا حاجة وحشة

بجد مش قادرة احدد

يمكن دا عنق الزجاجة والنقطة الفاصلة عشان الناس تفوق بقى ولا ايه

اتشرفت بردك

Founoon said...

احمد

ما طبيعي في عهده يحصل كل حاجة لانه بقاله سنييييييييييييييييييييييييييييييييييييييييييين

طبيعي نكون شوفنا كل حاجة في المدة دي

الطبيعي تكون كل الكوارث دي حصلت في عهد 4 على الاقل مش واحد !!!

blue-wave said...

واذا اردنا ان نهلك قريه امرنا مترفيه ففسقوا فيها ف حق عليها القول ف دمرناها تدميرا
صدق الله العظيم
ربنا يستر

Founoon said...

بلو ويف

لسه قايلة الاية دي في حوار على موضوع مشابه في مدونة تانية :)

اتشرفت بزيارتك ..

banouta masreya said...

يا لهوى هو فريد خميس بجد؟!!
تفتكرى ده له علاقة بقرنا على فرح بنته :D

على فكرة انا لا مستغربة ولا متدايقة من اللى حصل..ايه الجديد يعنى
حكومة قذرة و شعب جاهل و مهمل و رئيس زى قلته و يمكن قلته احسن و ناس نايمة و هتفضل نايمة
و بيقولك عملية الانقاذ بتتم بشكل يدوى بلا خيبة هيطلعوا 400 واحد بشاكوش و جاروف زى ما طفوا مجلس الشورى بجردل..ايه الجديد؟

dr.lecter said...

ايه ده انتم لسه واخخدين بالكم اننا علس صفيح ساخن؟ ده انا خلاص اتشويت واتلسعت من زمان يالا هانت خلاص كلها ايام والكرب ده ينفرج بس المشكله انها هتيجي علي دماغنا كلنا فاعملوا حسابكم من دلوقتي والمشكله ان ربنا هيستجيب لدعوه60 مليون مصري تعبان

المره الجايه عاوز البوست بتاعك يكون مصر علي شاطيء الصدمه اللي ماحدش متوقعها خالص

هانت ياخواننا خلاص العد قرب يخلص

appy said...

انا جيت لكي هنا
بصى ابن عمتى هيكلمني الصبح ويقول ليه على الوضع ويقولى كام اسره وايه اللى ممكن ناخده ومكانهم فين لان فيه ناس مشوهم اوك وهقول لكي كل حاجه اتفقنا

amr said...

انا اسف بس اتمنى انة يمكون حد شاف القاهرة اليوم .....


مهزلــــــــــــة

banouta masreya ....

انا ممكن اختلف معاكي في كلمة شعب جاهل دي ..... انا اسف بس لما يكون في جزء عريــــــــــــــــض من الناس مش لاقية قوت يومها .... اوعي تستني منهم ثورة ولا صرخة .... انا اسف .. بس بجد ... انا كفرت بالبلد دي :((

متاسف ... مكنش قصدي اضايق حد

appy said...

فنون نفس القصه اتقالت ليه برضه انه صعب جدا الناس كمان حالتهم صعبه
بس الجمعيات الخيريه قايمه بالواجب علشان دول شباب حتى اتوجهت دعوة علىالفيس بووك بس للشباب لانهم قالوا البنات صعب مش عارف نستنى يوم كمان

relove said...

كنا علي صفيح ساخن واصبحنا علي فوهة البركان
ومن ده لده يا قلبي لاتحزن

احنا اللي الي حد ما متفرجين حاسين بكل الالم ده

الله يكون في عون اللي عايشين المصايب دي

انا لما شوفت فيلم حين ميسرة حبيت اطلع منه حاجة مفيدة ولقيته فيلم رائع جدا

في مشهد لما كان قاعد الراجل علي النيل كدة او ترعة ؟؟؟

المهم مكانش بيخلف وقال كلام بجد خلا كل اللي بيتفرج يتجمد

ازاي احنا حنتجوز ونخلف ونجيب عيالنا يعيشو في كل ده

الواحد بقا خايف يخطي قدامه خلاص

Founoon said...

فولتي العزيزة

اكيد طبعا من كتر النق

ريكي مارتن في الفرح :))))))

طب ماله عمرو دياب ماهو مش رخيص بردو وبياخد 150 الف جنيه

لازم الاحداث

انا الفرح دا كان هيشلني ..واللي شلني اكتر ان يومها نص مصر كلمتني تسألني انتي رايحة الفرح ولا لأا وبيندهشوا جدا لما اقولهم لا

حسسوني ان دا حدث الموسم وما ينفعش يفوتني

عموما موضوعه لسه فيه حظر نشر وهيبان فجأة زي الاخ هشام

Founoon said...

دكتور

العد قرب يخلص ونقطة الصفر قربت ...ماشي

الصفر دا بقى بداية ولا نهاية ولا ايه وضعه بالظبط

Founoon said...

ابي

وانا روحتلك هناك :)

Founoon said...

محمد

انا فاكرة المشهد دا

من اكتر المشاهد المؤثرة في الفيلم

مش دا مشهد الدبدبات :)

relove said...

الفيلم كله مشاهد بتحكي عن واقع اليم عايشينه

المشهد لما كان بيقول تقريبامن يوم ما اتولدت وانا مش باين اجيب عيال وهما كمان ميبانوش
مش فاكر بالظبط عشان دخلته وقتها ونسيت الكلام بالنص
بس كان مشهد ساخر مبكي بشكل فظيع

ياتري هي دي مصر
وهو ده احساس ولاد مصر

Maga said...

هشام طلعت مصطفى جاب مرتضى منصور يترافع عنه ....

فبعد أن وقف أمام القاضى ...

وشتم أحمد نظيف وحسن صقر لمده نصف ساعه ..

بدأ المرافعه وأكد أن سوزان تميم كانت ست فاضله .. ومحترمه ..

وأنه عنده مستندات

تؤكد أن القاتل واحد من اثنين .... ياشوبير ... يا ممدوح عباس

relove said...

انا القاتل