الخوف من الالم مؤلم اكتر من الالم نفسه ومهم جدا انك تعرف ان الحاجة جابت اخرها لما تجيب اخرها وماتعيشش مغيب ولا بتضحك على نفسك سيب اللحظات دي تبقى ماضي وماتحاولش تفسر احساسك المطلوب منك انك تعيشه بس
الاحساس نعمة محروم منها كتير ....فعلا في ناس فقدت القدرة انها تحس !
ماتخافش من غلطاتك ..ماتخليش خوفك من الغلط يخليك ما تعملش حاجة خوفا من انك تغلط تعمل وتغلط احسن ما تفضل كدا مالكش لازمة
ما تستكبرش تسمع تجارب الغير وتتعلم منها ..مهما كنت حاسس انك متميز ومختلف كان في حد قبلك حس كدا بردو وحلم نفس حلمك ومشي في مشواره ووقع في غلطات وعدى حاجات لو عرفتها ممكن تخلي رحلتك في الحياة اسهل
تجارب الاخرين بتنفع كتير
وفي المقابل احكي حكايتك للناس ..خلي نفسك مثال يمكن كلمة صغيرة تقولها تفرق كتير في مشوار حد تاني !
Law of attraction
الكلمة دي او النظرية دي جننتني ..لسبب بسيط اني عيشتها قبل ماعرفها
في ثانوية عامة قعدت طول السنة في مخي حاجة واحدة بس ..اني عايزة اجيب اكتر من 98 % وعايزة اطلع من ال 5 الاوائل على المدرسة
طول السنة بذاكر وادعي وكلي يقين اني هعمل كدا واني هقدر واني هوصل لحلمي الصغير ( اللي اكتشفت بعد كدا قد ايه كان حلم تافه بس مشكلة ) واخر السنة نجحت وطلعت الخامسة ع المدرسة وكان مجموعي 98.2% بالظبط !if you really want something and truly believe it's possible, you'll get itلو عايز حاجة بجد ومؤمن تماما انه حلم مشروع وممكن تنفيذه هيجيلك وهتوصله
بعد كدا النظرية دي اتألف عليها كتب كتير وانتشرت وناس كتير اقتنعت بيها واستخدمت بسخافة وتم تتفيهها جدا بس ببساطة تفكيرك بيتحكم في الاحداث اللي بتحصل في حياتك ..لو بتفكر بايجابية هتجذب ناحيتك كل الحاجات الايجابية وبتفكر بسلبية هتجذب ناحيتك كل واي حاجة سلبية وانك لوفكرت كتير في حاجة كويسة وركزت وعملت كل اللي تقدر عليه هتحصل عليها في الاخر ..ولو فكرت كتير في حاجة وحشة هتحصلك بردو !
خاف من تفكيرك بجد ..لانه بيحدد كتير من احداث حياتك ..
( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
(الظانين بالله ظن السوء عليهم دائرة السوء)-قرآن
( لا يموتن أحدكم إلا وهو يحسن الظن بالله ) -حديث
( إذا أحب عبدي لقائي أحببت لقاءه ، وإذا كره لقائي كرهت لقاءه) - قدسي
حياة الانسان مش قدر ومكتوب ومش هيتغير ..لا بيتغير لو انت عايز
خد وقت لنفسك مع نفسك ابعد عن اصوات الناس عشان تعرف تسمع صوتك الداخلي بوضوح من غير تشويش..صفي قلبك وروحك وعقلك ..ركز في كل حاجة حلوة نفسك فيها وخليها تسيطر عليك ..انسى كل حاجة وحشة وابعد تفكيرك عنها ..تأمل ...وادعي ..وابتسم
وافتكر ...
Nothing is excluded from the law of attraction. Your life is a mirror of the dominant thoughts you think
الاحساس نعمة محروم منها كتير ....فعلا في ناس فقدت القدرة انها تحس !
ماتخافش من غلطاتك ..ماتخليش خوفك من الغلط يخليك ما تعملش حاجة خوفا من انك تغلط تعمل وتغلط احسن ما تفضل كدا مالكش لازمة
ما تستكبرش تسمع تجارب الغير وتتعلم منها ..مهما كنت حاسس انك متميز ومختلف كان في حد قبلك حس كدا بردو وحلم نفس حلمك ومشي في مشواره ووقع في غلطات وعدى حاجات لو عرفتها ممكن تخلي رحلتك في الحياة اسهل
تجارب الاخرين بتنفع كتير
وفي المقابل احكي حكايتك للناس ..خلي نفسك مثال يمكن كلمة صغيرة تقولها تفرق كتير في مشوار حد تاني !
Law of attraction
الكلمة دي او النظرية دي جننتني ..لسبب بسيط اني عيشتها قبل ماعرفها
في ثانوية عامة قعدت طول السنة في مخي حاجة واحدة بس ..اني عايزة اجيب اكتر من 98 % وعايزة اطلع من ال 5 الاوائل على المدرسة
طول السنة بذاكر وادعي وكلي يقين اني هعمل كدا واني هقدر واني هوصل لحلمي الصغير ( اللي اكتشفت بعد كدا قد ايه كان حلم تافه بس مشكلة ) واخر السنة نجحت وطلعت الخامسة ع المدرسة وكان مجموعي 98.2% بالظبط !if you really want something and truly believe it's possible, you'll get itلو عايز حاجة بجد ومؤمن تماما انه حلم مشروع وممكن تنفيذه هيجيلك وهتوصله
بعد كدا النظرية دي اتألف عليها كتب كتير وانتشرت وناس كتير اقتنعت بيها واستخدمت بسخافة وتم تتفيهها جدا بس ببساطة تفكيرك بيتحكم في الاحداث اللي بتحصل في حياتك ..لو بتفكر بايجابية هتجذب ناحيتك كل الحاجات الايجابية وبتفكر بسلبية هتجذب ناحيتك كل واي حاجة سلبية وانك لوفكرت كتير في حاجة كويسة وركزت وعملت كل اللي تقدر عليه هتحصل عليها في الاخر ..ولو فكرت كتير في حاجة وحشة هتحصلك بردو !
خاف من تفكيرك بجد ..لانه بيحدد كتير من احداث حياتك ..
( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
(الظانين بالله ظن السوء عليهم دائرة السوء)-قرآن
( لا يموتن أحدكم إلا وهو يحسن الظن بالله ) -حديث
( إذا أحب عبدي لقائي أحببت لقاءه ، وإذا كره لقائي كرهت لقاءه) - قدسي
حياة الانسان مش قدر ومكتوب ومش هيتغير ..لا بيتغير لو انت عايز
خد وقت لنفسك مع نفسك ابعد عن اصوات الناس عشان تعرف تسمع صوتك الداخلي بوضوح من غير تشويش..صفي قلبك وروحك وعقلك ..ركز في كل حاجة حلوة نفسك فيها وخليها تسيطر عليك ..انسى كل حاجة وحشة وابعد تفكيرك عنها ..تأمل ...وادعي ..وابتسم
وافتكر ...
Nothing is excluded from the law of attraction. Your life is a mirror of the dominant thoughts you think
32 التعليقات:
إنتي كاتبة لحوظة مش ملحوظة :D
هههه اتلخبطتي :D
شفتى سما مصر مركزة ازاى..سابت البوست كله واتشعلقت ف اخر كلمة:)
عجبتنى اوى الفكرة اللى بتتكلمى عنها..ان الانسان يحوّل المستحيل لممكن..طول ما فيه إلــه قادر على انه يساعده بالتغيير ده..
زمان كنت فعلا بشوف حاجات كتيرة اوى مستحيلة..بس مجرد ما نويت واتكلت على الله..لقيتها كلها حاجات ممكنة..
يا فنونة الناس فاكرة المستحيل ده موجود ف الماديات بس..يعنى فلوس عربية فيلا..او حتى سفر لبلد اوروبى..
قليل اوى اللى عارف التغيير النفسى والمعنوى الغير ملموس..
تصدقى النظرية دى اتطبقت معايا من قبل ما اعرفها...:)
كلامك حليوة يا بت
وحشانى يا به:)
نسيتى تكملى كلامك بانك تهزأى المتشائمين .. ما كل دا مينفعش و الشخص متشائم .. علشان كده سيدنا محمد صلى الله عليه و سلم قال فيما معناه أن المسلم مينفعش يكون متطاير ..
ما التفائل يعنى حسن الظن يعنى العين اللى عايزة تشوف الحاجة حلوة .. مينفعش حسن الظن و الحلم مع التشائم ..
فكرتينى ببوست كنت عايز اعمله من زمان و نسيته .. :D
أنا ليا طلب..ممكن تشيلي اللون الأسودبتاع المدونة وتحطي تصميم جديد :)
اختاري اعدادات ..واختاري من فوق تقريبا قوالب او html
وامسحي اللي فيه وحطي اي تصميم قالب من موقع البلوجر نفسه بتيجي من الاعدادات
او موقع زي ده :)
اي موقع تحت اي تصميم مكتوب مصمم ب :) اضفطي اللينك :)
ممكن :)
بلاش اللون الأسود :)
وفلة كمان وموني وكلكم :) ولين مغيرة اللون شوية بس غامق:)
مش عارفة هو النت عندي وحش..اضغطي اللينك جنب كلمة designed by لو عاوزة تصميم مختلف غير تصميم البلوجر نفسه:)
مش عارفة ليه يا محما كلامك بيوجع:)
حساه متوجه لحد معين:)
لا لا لا احنا ما اتفقناش على كده :D
فين الجملة اللى نصحتينى بيها ده انا قعدت اقولها لنفسي انهاردة كتير..اى نعم ما جبتش نتيجة اوى بس دى خطوة :)
بعيدا عن اى حاجة بقى..the secret ما قالش حاجة عن حالات الاكتئاب اللى بتجيب معاها حالات اكل هستيرية و shopping مش طبيعى :D
اصل باولو كويلو ما قالش عليهم حاجة دول..
بجد لازم تتفرجى على اللى بعمله فى نفسي عشان تعرفى انك كنتى واخدة عنى فكرة غلط تماما :D
بالنسبة للتفاؤل فان شاء الله اسبوع كد ولا عشر ايام و هبقى اجى اكلمك عليه :D
اقسم بالله النهارده قبل مارجع البيت واشوف الموضوع كنت فعلا بفكر في تاثير اهم كتابين قراتهم السنه دي
alchemist ولا تحزن
انت غالبا قلت كل الكلام اللي يتقال عليه ومش هزود حاجه
انا مش هانكر اني ساعات بابقي متنيل علي عيني شايف الدنيا سوده وساعات بابقي حاسس اني ممكن احقق المستحيل واوصل للافق معرفش ليه انا كده متقلب دايما
بس عاوز اقولك ان اللي عايز يعيش في تشائمه وحزنه وانهزاميته واستسلامه للظروف بيموت كل لحظه وكل ثانيه
واللي بيعيش من غير امل لا مؤاخذه يعني مايستحقش يعيش لان كده وجوده زي قلته يحاول لغايه اخر لحظه وبعد كده يسيب امره لربنا
مستنيين بوستك ياستي ربنا يستر ( جلوب) ده صوت بلعان الريق
ماتخافش من غلطاتك ..ماتخليش خوفك من الغلط يخليك ما تعملش حاجة خوفا من انك تغلط تعمل وتغلط احسن ما تفضل كدا مالكش لازمة
وجووووووووون عارفه فيه ناس بتقرا لكى وهما اليومين دول فى ظروف منيله يا ريت يستفيدوا لما يقروا الكلام ده يا ريت
طب تصدقي و تآمني بايه
انا عاملة بوست مشابه جداااااااااا
و بحاول اطبق the law of attraction
في حياتي الايام دي
و بيحصل ساعات كتير
حوريكي وحدة من نتايج law of attraction
وحشتيني
ايمان
صلحتها :)
بالنسبة للون المدونة انا بحب الاسود الحكاية مش كآبة انا بشوفه بس لون شيك :)
موني
الفلوس وسيلة لحياة مريحة دا شيء انا مقتنعة بيه بصراحة بس مش وسيلة لحياة سعيدة
مش دايما الراحة فيها سعادة على فكرة :)
المشكلة لما الفلوس تبقى غاية ..بيصعبوا عليا الناس دي بجد
وانتي وحشتيني اكتر بجد
كوبري
في جملة بتأثر فيا اوي بتقول
اذا ضاقت بك الدنيا لا تقول يا رب عندي هم كبير بل قل يا هم عندي رب كبير
بتعجب من انسان ييآس وهو عارف ان في رب وان ممكن بالدعاء والصبر والجد والاجتهاد يحقق اللي نفسه فيه
المتشائمين مش محتاجين حد يهزأهم ..المتشائمين محتاجين بس يصحوا الصبح ياخدوا نفس عميق ويبصوا في السما :)
فلة
الكلمة جاية البوست الجاي :)
وهي على فكرة مش متضادة مع الفكرة اللي في البوست دا بالعكس هي بتكملها وهبقى اقولك ازاي :)
لا تحزن و the secret وكتاب كمان اسمه الكنز لماجدة المفتي اتكلموا عن حالات شبه الحالة اللي بتتكلمي عليها على فكرة :)
اسبوع كتير يا فلة ..هو العمر فيه كام اسبوع عشان نسيبهم يضيعوا كدا
لكتر
لا بوستي الجاي هيعجبك جدا انت بالذات على فكرة :)
محمد عايزة اقولك حاجة احيانا بتبقى فاكر انك بتفكر بايجابية وبتكون في الواقع جواك افكار سلبية جدا بتحاول تتجاهلها ودي بتأثر على فكرة اوي
بمعنى مثلا انك نفسك في حاجة وبتسعى ليها بس جواك من جوا في حتة مخفية انت حاسس او متأكد انك عمرك ما هتعرف توصل او ان الموضوع مستحيل
صدقني الحتة الصغيرة المدفونة دي بتخلي الحاجة دي تبعد
حاول تتخلص من الحتة دي جواك يا محمد
ابي
يمكن تستغربي لما اقولك ان تعليقك دا اثر فيا فوق ما تتخيلي
بجد اثر فيا اوي :)
الكلام اللي في الموضوع انا بقوله لنفسي قبل ماقوله لحد
وياريت يفرق مع اي حد في اي حاجة لاني وقتها هحس بسعادة لا تتخليها حقيقي
لينو
وحشتيني اويييييييييي
اديني لينك الموضوع دا انا ماقرأتوش للاسف
وياريت لو تكتبي التجربة بتاعتك هنا
موضوع رائع وفكره مميزة مع اختلافي في بعض الأشياء،
هذا ال Law of attraction ممكن ناخده كدة من باب (اهي حاجة تساعد على التفاؤل والتفكير بإيجابية)، وده شيء جميل جدا ومطلوب، بس لو حبينا نتكلم بواقعية شوية فالحكاية مابتمشيش كدة، فنون.. انت استدليتي بآية واحاديث تتحدث عن حسن الظن والتزام الدعاء لله في كل الاحوال وهذا هو الصواب وليس له علاقة بال Law of attraction ..ليييييه،
لأن القانون ده بيقول ان الدنيا هاتستجيب لإيجابية تفكيرك او سلبيته وتجذب "attract" وتجذب ناحيتك العوامل اللي بتساعد على حدوث الشيء الإيجابي او السلبي ده وده مش صحيح ومش هو ده المقصود بالأحاديث،
فالاحاديث مؤداها ان اللي ممكن يغير مش تفكير الانسان ولكن استجابة الله سبحانه لدعاء هذا الانسان،فإن استجاب الله لدعاء هذا حدث ما يريد وان لم يقبل دعاءه او اخر الاستجابة لحكمة يعلمها سبحانه فلن يحدث شيء ولو انطبقت السماء على الارض مهما كان تفكير هذا الانسان ايجابيا ومهما كان متفائلا الا اذا اراد الله ان يحدث هذا،
اذا فليس تفكيري او افكاري تحرك الدنيا وتجذب نحوي عوامل النجاح او الفشل ولكن استجابة الله لدعائي، وفي مثالك الشخصي انت قلت :"طول السنة بذاكر وادعي وكلي يقين اني هعمل كدا واني هقدر واني هوصل لحلمي الصغير"
وده دليل على انك استعنت بالدعاء فاستجاب الله -وطبعا اخذت بالأسباب-
ممكن لو مادعيتيش ماكانش ربنا وفقك، ولذلك يجب ربط الأمر بالدعاء وليس ب
Law of attraction
اما النقطة اللي بتقولي فيها: وماحدش يقولي حياة الانسان قدر ومكتوب ومش هيتغير ..لا بيتغير لو انت عايز بعد مشيئة ربنا سبحانه وتعالى طبعا.
فطبعا الدعاء يرد القدر ولكن لازم نفهم الاول ولازم نوضح حاجة مهمة جدا ،
وهي الفرق بين القضاء والقدر،
فالقضاء هو ما قضى الله ان يكون وكتبه عنده في الكتاب وهذا لا يتغير ابدا ولا يرده شيء حتى الدعاء فقد قضى الله بحدوثه وكتبه عنده في الكتاب...،
أماالقدر فهو ماقدره الله تعالى ولكن لم يكتبه عنده في الكتاب وجعل للعباد الفرصة في ان يردوه وجعل مفتاح رد القدر في الدعاء.
فإذا قضى الله امرا فلايرده شيء وهوسيحدث سيحدث ، اما اذا قدر الله امرا ففد ترك الباب مفتوحا لرده بالدعاء واللجوء اليه.
انا عايز اقول ان دعوتك للتفكير بإيجابية وللتفاؤل هي دعوة رائعة واتفق معك تماما فيها واشكرك عليها مع اختلافي معك في ربط تغيير المقدرات بها فالتغير لا يحدث إلا من عند من يملك ان يغير ولقد فتح سبحانه لنا باب التغيير هذا برحمته وجعل مفتاح التغيير في الدعاء.
مرة اخرى اهنئك على البوست الرائع وعلى الدعوة الايجابية المهمة.
يا مرحبا يا مرحبا ليث ابن عمي عندنا :)
اقولك حاجة
الدنيا هاتستجيب لإيجابية تفكيرك او سلبيته ..طبعا الدنيا هتستجيب لأن رب الدنيا هيستجيب ولما رب الدنيا يستجيب هيأمر الدنيا بكل ما فيها انها تييسر الامر دا للبني ادم دا
رب الدنيا هيستجيب لما قلبك يبقى نضيف وبتحسن الظن بالله وبتدعي لان رب العباد وعدنا بالاجابة اذا دعينا وكلنا يقين ان مافيش حاجة بعيدة على ربنا ووثقنا في القدرات اللي ربنا حطها فينا
احنا علينا الدعاء والايمان واليقين وحسن الظن وعلى الله بإذن الله الاجابة
موضوع القضاء والقدر مش هفتي فيه لاني بصراحة مافهمتش الفرق اساسا :)
قال الحكماء قديمآ:
- اذا اردت شيئا بشدة فاطلق سراحه..فإن عاد اليك فهو ملك لك إلي الأبد و ان لم يعد فهو لم يكن لك من البداية! (احمد حلمي عن فيلسوف انجليزي قديم)
- سيبها تحبك يا قلبي..حبها تسيبك (هشام عباس)
- لو كنت اعلم خاتمتي ما كنت بدأت. لو كنت اعلم ان الريح قويآ جدآ ما لبست مايوهي و بلبطت (عبد الحليم حافظ)
- عملنا اللي علينا علينا و الباقي علي الله. محبة و إخلاص إدينا ولا قصرنا معاه (حكيم)
- هوصلك حتي لو عارف انني ممكن اموت (تامر حسني)
انا متفق معاكي ان لو الإنسان كان مؤمن بحاجة من جواه هيقدر يوصل لها..
لان تفكيره كله بيتركز في استخراج الايجابيات من كل المعطيات المتاحة امامه من اجل بلوغ هدفه المنشود دون النظر عن ما قد تقوده سلبيات تلك
المعطيات..
لان احيانآ ده بيقود البعض للميكافيليه و نظرية "الغاية تبرر الوسيلة"..
مبرر الحرامي اللي سرق مرتب موظف اول الشهر..كان لازم اسرق عشان اعيش
هو شايف ان هدفه اول الشهر يكون معاه مبلغ محترم..
كان قدامه اختيارات..اختار اخطرها و اسهلها..انه يوم 1 يروح يسرق اى موظف..
بدل ما يختار اامنها و اصعبها..انه يشتغل اي شغلانة شريفة طول الشهر..
الانسان المؤمن باهدافه و مبادءه بيوصل في اغلب الحالات..بس لو عاش للهدف ده بس و تجاهل البيئة المحيطة به..ساعات لحظة مابيوصل للهدف بيبص حواليه و يكتشف انه ضيع الكتير..
صحيح..عملتي ايه لما جبتي 98.2%؟ و هل كنتي علمي ولا أدبي؟
ليث ابن عمي عندنا...!!!!!
مااااشي ...ماشي .....ماهو ليس على (المفنون) حرج،
ماعلينا .. بصي يا ستي
الكلام جميل بس ما ينفعش يبقى قانون،
يعني ما ينفعش اقول رب الدنيا هايستجيب وابني الفرضية على كده،
لأن ما فيش حد يملك انه يعرف ربنا هايستجيب ولا لأ، ممكن واحد ياخد بالأسباب ويفكر بإيجابية ويعمل اللي عليه ويدعي ربنا بإخلاص وربنا ما يعملش اللي الواحد ده دعى بيه لأسباب كتير منها انه مثلا شر وهو مش عارف او ان ربنا مأجل الاستجابة لحكمه يعلمها وحده،
هنا يبان ان التفكير بإيجابية مانفعهوش وما جذبش النجاح ليه ،
لأن الأمر كله لله .. ان اراد شيئا فسيكون وان لم يرد فلن يكون مهما تضافرت كل مستلزمات نجاح القانون ده
يعني ارادة الانسان لوحده ماتنفعش وماحدش يقدر يربط ارادة الله بإرادة الانسان ،بمعنى "انه لما الانسان يريد يبقى ربنا هايريد"... ماينفعش حد يقول كده لأن ارادة الله ليست تابعة لإرادة الانسان .. لما الانسان يريد يمين يبقى لازم ارادة ربنا تبقى يمين والعكس...
ماينفعش حد يقول كده اصلا
ولذلك انا بقولك القانون ده جميل قوي لو اننا اعتبرناه دعوة للتفاؤل والايجابية.. وده شيء طيب جدا ،
لكن نعتبره قانون اللي ينفذه ينجح واللي ماينفذوش ما ينجحش .... ما ينفعش
اما موضوع الفرق بين القضاء والقدر فهيحتاج تفصيل شوية ابقى اكلمك فيه بعدين...سلام
سلطان
كلامي ممكن يتفهم انه صيغة اخرى للميكافيلية بس الحقيقة ان دا شيء في منتهى الروحانية ودا شيئ مغرق في المادية
انا قلت يؤمن والايمان مفتاح السعادة ..يؤمن بقدرةعظيمة قادرة تحققله مراده وهي الله سبحانه
وتعالى
يؤمن بان اللي خلقه خلق فيه قدرات عظيمة
وان الاشياء بتنجذب لمثيلاتها مش حتى بيقولك النوم بيجيب نوم
كن ايجابي تجذب ناحيتك كل ماهوايجابي وكن سلبي مكتئب متنكد مش هتلاقي غير النكدوماتلومش غير نفسك
بالنسبة لاني عملت ايه بمجموعي مش بقول في البوست اني اكتشفت انه مالوش لازمة :)
درست الحاجة اللي انا كنت عايزة ادرسها مع انها بتتدخل بمجموع اقل من كدا بشوية صغيرين :)
بس انا سعيدة باختياري ولو رجع الزمن بيا هختار اجيب نفس المجموع وادخل نفس الكلية وادرس نفس الدراسة
ليث
ايوا انا مفنونة في حاجة ان شاء الله :)
يا سيدي القانون دا قانون من وجهة نظري لان الاحاديث القدسية اللي انا كتبتها في البوست بتؤيد نفس الفكرة بالنسبة للنعيم والعذاب في الاخر حيث ان ربنا سبحانه وتعالى قال انا عند ظن عبدي بي
لما رب الكون يقولك لومستني مني خير هتلاقيه ولو مستني شر هتلاقيه يبقى قانون ولا مش قانون ؟
كلامك ماحدش يقدر يعترض عليه وفي الاول وفي الاخر كل حاجة بأمره سبحانه بس دا مايمنعش ان ربنا بيحب التفاؤل وبيجازي المتفائل غير على تفاؤله لانه ما يأسش من روح الله ودا صميم الايمان والرضا
انتى عارفه اكتر حاجه شدت انتباهى فى كلامك ايه
هى انك حلمتى وجاهدتى لحد ما حققتى حلمك وطلعتى من الخمسة الاوائل
لكل مجتهد نصيب
:)
القطة
على تفاهةالحلم بصراحةالا اني سعيدة اني حلمت حاجةواتحققت
وقتها ماحستش انه حاجة تافهه بس لحد دلوقتي مش هننكر انها حاجة بتسعدني
احساس حلو اوي تحقيق الحلم خصوصا لو الالنسان بذل مجهود فيه
ربنا يحقق لك كل احلامك :)
سطان ..نسيت اقولك اني كنت علمي :)
فنون....
مش عارف ليه بتخلطي الأمور، (:
انا ماعترضتش خالص على ان التفاؤل جميل وحسن الظن بالله مطلوب .. بل واجب، وبعدين انا وضحت ان دعوتك للتفاؤل حاجة جميلة وبأيدك فيها، جميل؟؟!!
نحط نقطة ونبتدي من اول السطر...وبما اني قلت ده في سطر لوحده بلاش ترجعي تردي عليا وتقولي ان التفاؤل حلو وانه ربنا عايزنا نحسن الظن بيه لأني ماعترضتش على كده اصلا.
امال اعتراضي على ايه....؟
انه حسن الظن والتفاؤل ده مش ملزم لله انه يحقق لنا اللي احنا عايزينه، وهقولك مثال، وهستعين بمثالك،
ممكن واحد يجتهد ويذاكر ويتفائل ويحسن الظن بالله ويدعيه انه ينجح بتفوق علشان يدخل الطب مثلا، اهو الرجل عمل كل حاجة ودعى واجتهد وفكر بإيجابية واحسن الظن بالله .. وممكن في الآخر ربنا مايكتبلوش النجاح او ينجح بمجموع ضعيف مايدخلوش الطب ، ليه... حكمة ربنا ، ربنا اراد كده لحكمة لا يعلمها الا هو ، وهايكتشف اخونا ده في الاخر انه ده كان احسن له رغم انه في الاول هايزعل و يتضايق.
انا عايز اقول ايه؟
عايز اقول ان مع اكتمال عوامل القانون ده برده مانجحش ، لأنه القانون ده اصلا مش موجود وماحدش يقدر يقول لو عملت كذا هايحصل كذا لانه مش من حقه ولا يعرف اصلا،
الانسان لا يملك ان يجذب عوامل النجاح بتفكيره فيها بإيجابية ، لا يملك اصلا ،
لأن الموضوع ده في يد الله، ولأن ربنا مش شرط ينفذله اللي هو عايزه او فكر فيه بإيجابية حتى لو دعى او احسن الظن ، لان ممكن اللي فكر فيه بإيجابية ده اصلا مش خير وهو مش عارف ،فمرجع الامر مش لتفكيره ولكن لارادة الله اللي مش شرط انها تأتي موافقة لارادة هذا الانسان.
قال تعالى:
(وعسى ان تكرهواشيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون) البقرة
وبفكرك تاني اني مش معنى كلامي انه ضد التفاؤل ولا حسن الظن، بل العكس تماما فالانسان يجب عليه دائما ان يتفائل وان يحسن الظن بالله وينتظر ويرى ما يصنع الله ويقبل به حتى لو لم يكن مقتنعا بأنه الافضل.
ليث
انت قلت
انه حسن الظن والتفاؤل ده مش ملزم لله انه يحقق لنا اللي احنا عايزينه
مش ملزم انه يحقق لنا اللي احنا عايزينه بس ملزم انه يدينا الخير جزاء لينا على حسن الظن صح ولا لا؟
ماهومش دايما الانسان بيعوز الخير لنفسه على فكره
قال تعالى : ويدعو الإنسان بالشر دعاءه بالخير وكان الإنسان عجولاً
مش معنى ان اللي احنا عايزينه ماتحققش ان ربنا ماستجابش لا ابدا نهائي ممكن نكون اللي عايزينه دا مصيبة لينا اساسا بس عشان احنا بنحسن الظن بالله ربنا ماستجابش لدعوتنا دي
انا مقتنعه تماما ان الانسان بامكانه جذب الاشياء الكويسه ناحيته لو احسن الظن
لو لاحظت الناس المتشائمة وسيئة الظن بالله دايما بيجيلهم مصايب على مصايبهم
والناس المتفائلة حسنة الظن بالله المجتهدة اللي راضية بقضاء ربنا ومستنية الكويس ومعتبره اي حاجة وحشة بتحصلها مجرد ابتلاء وبتصبر ربنا بيجزيها خير وبيفرجها عليهم من حيث لايحتسبوا
انا مش ضد كلامك على فكرة انابس بوضحلك وجهة نظري
وهتكلم باستفاضة اكتر عن ان ازاي الانسان يجذب ناحيته السعادة ويبعد عن نفسه التعاسة في بوستات قادمة :)
رابع مرة عشان البيه،
وان مافهمش الحق علي انا
..... بهزر على فكرة (:
للمرة ال... مش عارف كام ، انا مع حسن الظن بالله ، وانت يمكن بتسمعيني باستخدم الكلمة دي كتير ، مش عارف ليه انت مصرة تفهمي اني بقول العكس، مع اني انا بدعو دايما لحسن الظن بالله،
عموما انت متفقة معايا في ان الانسان مش دايما عارف الخير فين ... صح ؟!
وممكن يمشي في طريق حاجة هو شايف انها خير(بالخطأ) وياخد بالأسباب ويفكر بإيجابية ويدعو الله ويحسن الظن وما تتحققش لأنها مش خير ،
قوليلي بقى فين عوامل النجاح اللي جذبها ناحيته دي الله يكرمك،
وياريت ماتقوليليش انها هي الثواب اللي هاياخده على حسن الظن والدعاء لأنه هايخدهم برده في حالة ان الحاجة دي اتحققت او ما تحققتش ، ده اجر وثواب على اتباع الامر بالدعاء وحسن الظن ومالوش دعوة بالنجاح من عدمه.
مستني الرد ،
وعلى فكرة لو قلتيلي حاجة تانية عن اني لازم آخد بالي واعترف واقر بحسن الظن هاعيط و ألملم حاجتي و اقول مش لاعب ... ):
لا متعيطش انا اللي هعيط :(
انتحر حادفة نفسي من ع السجادة انا يعني
لا انت معترض على كلامي ولا انا معترضة على كلامك نقطة الخلاف نقطة واحدة وهي ؟..هي ايه مش عارفه :)
اه هي ان الانسان مش هو اللي بيجذب عوامل النجاح من ناحيته وانا بقول ان هو اللي بيجذبها
اي انسان مؤمن بوجود الله (لاني مش مقتنعةان الملحد انسان ايجابي حسن الظن اصلا فهو برا الموضوع )
اي مؤمن بوجود الله ايا كان دينه لو احسن الظن وبقى ايجابي وقوي ايمانه هيجذب ناحيته السعادة ولو العكس بالعكس
من رضي فله الرضى ومن سخط فعليه السخط
دي قاعدة عامة للبشر كلهم
انت اللي حددت هل هيجيلك رضى ولا سخط بناءا على هل انت راضي ام ساخط
بعد مشيئة الله طبعا لاننا لا نشاء الا ان يشاء الله
حلو كدا يا ريس ولا ايه ؟!!
اه حلو امال ايه..
انت قلت:
لو احسن الظن وبقى ايجابي وقوي ايمانه هيجذب ناحيته السعادة ولو العكس بالعكس
من رضي فله الرضى ومن سخط فعليه السخط
دي قاعدة عامة للبشر كلهم
انت اللي حددت هل هيجيلك رضى ولا سخط بناءا على هل انت راضي ام ساخط
كلام جميل ، بس ايه دخله بالموضوع..؟!!!!
اقصد ايه دخله ب Law of attraction
الرضا والسخط حاجة و النجاح حاجة تانية خالص،
فكم من الناس هم ساخطون على الدوام سواء كانوا ناجحين ام فاشلين، تلاقيه موفق في كل شيء ودايما ساخط ويقول "ده اي الحظ الزفت ده، لو كان حصل كذا كانت النتيجة هتبقى غير كدة".
ده الكلام ده وهو ناجح وبرده ساخط...
وفي العكس ...ناس راضية بنصيبها طول الخط رغم البؤس اللي هي عايشة فيه.
يعني برده الرضا والسخط مالهومش علاقة بعوامل النجاح.
بصي... احنا متفقين زي الدنيا كلها ماهي متفقة على ان التفاؤل جميل والايجابية مطلوبة ويا سلام على حسن الظن، لكن مافيش داعي ناخد تفاسير الآخرين للحالة الايجابية اللي بيعملها التفاؤل و نعتبر اللي بيقولوه قوانين،
هما بيفسروا الاشياء على مزاجهم وبدون ادلة ، واحد يقول جذب عوامل النجاح والتاني يقول طاقة او هالة مشعة حواليه والتالت يقول كذا وكذا وكله بيعجن من غير دليل ،
طب احنا ليه نلزم نفسنا بتفسيراتهم اللي من غير دليل ،
كفاية نعرف ان دي حاجات ايجابية وبتفيدنا وان الرسول (صلى الله عليه وسلم) امرنا بيها ، وهو ده المطلوب
ان احنا نتفاءل ونفكر بإيجابية.
مش كده ولا ايييييييه
يارب بمليون خير دايما يارب,يارب بمليون مليون خير يارب
عزيزتى
موضوع جميل ومفيد
هحاول استفاد منه فى حياتى
اتمنى اعرف
تحياتى
سلام
Post a Comment