Wednesday, February 18, 2009

صبــاح مريــم



تستيقظ من نومها ..تبقى ممدة على السرير مفتوحة العينين تتأمل اللاشيئ ..تجول بنظرها في الغرفة كأنها تحاول استيعاب من هي ..واين ..وماذا يحدث ..
تبدأ في الادراك ..آه نعم ..أنا مريم ..عمري 30 ..أعيش مع أبي وأمي ..و..وماذا أيضا ..آه ..أنا اعمل ..ولي أصدقاء ..و. ..ووحيدة
عند بلوغ هذه النقطة تحديدا ..تقفزمريم من سريرها كالعادة محاولة طرد احساس سيئ انتابها ..قررت مريم منذ زمن ليس بقليل أن لا تسمح لأي مشاعر سلبية بالسيطرة عليها
في السابق كانت مريم اذا فرحت فكأن كلمة الحزن حذفت من قاموس الحياة ..فهي تفرح كما لو أن الاحزان لم تزرها يوما
وإذا حزنت ..فكأنها لم تعرف الفرحة من قبل قط
أما الآن فهي لا تفرح ولا تحزن ...ليست سعيدة ..ولكنها أيضا ليست تعيسة ..لم تعد عيناها تعرفان الدموع بمعناها التقليدي ..فدموعها اليوم لا تتعدى كونها لمعة عابره ..وكذا أضحت ضحكتها ..مجرد ابتسامة تحمل شبح ضحكات الماضي
ربما أصبحت مريم اليوم أكثر نضجا من ذي قبل ..فهي على الرغم من كل الأحاسيس المختلفة الغريبة التي تعتريها ..الا انها تشعر بسلام داخلي لم تعهده في نفسها

اعتادت مريم كل صباح وفور استيقاظها أن تذكر نفسها بمن تكون في كلمات مقتضبة ..فلسبب ما لا تعلمه تمر اللحظات التي تلي استيقاظها مباشرة عليها وكأنها لحظات هاربة من الزمن ..لحظات تفقد فيها الإدراك تماما
تخشى مريم دوما أن تنجح هذه اللحظات في ان تسرقها من واقعها ..فتسافر معها ناسية اومتناسية كل ما مضى

تفتح الشباك لتسمح لأشعة الشمس الدافئة في صباح يوم بارد بالتسلل الى غرفتها حاملة معها نسمات الصباح الباكر
احساس الماء الدافئ ..فنجان القهوة ..رائحة بخور الفانيليا ..صلاة بإخلاص ودعاء من القلب بأن يحفظ الله من تحبهم ويحميهم من الشرور ..تكوَن هذه الأشياء مجتمعة صباح مريم .

تأخذ رشفات صغيرة متتابعة من فنجان قهوتها وهي تمسك بكتاب ( فارس النور) تضع فنجان القهوة جانبا وتغمض عينيها وتختار بعشوائية احدى الصفحات لتقرئها ..
اعتادت مريم أن تختار كتابا كل فترة يحوى حكما اوكما تفضل هي تسميتها ( علامات) تعطي روحها دفعة طاقة إيجابية تساعدها على الإستمرار
تغمض عينيها ..وتمسك بالكتاب ..تجعل الصفحات تركض وتركض بين يديها وتتوقف عند احدى الصفحات وتقرأ( العلامة) او حكمة اليوم ..
كل فارس نور قد شعر بالخوف من دخول معركة
كل فارس نور في وقت ما من الماضي قد كذب أو غرر بشخص ما
كل فارس نور قد سار في درب لم تكن دربه
كل فارس نور تألم لأكثر الأسباب سخفا
كل فارس نور قد اعتقد ولو لمرة واحدة على الأقل أنه لم يكن فارس نور
كل فارس نور قد أخفق في واجباته الروحية
كل فارس نور قال "نعم" عندما أراد قول "لا"
كل فارس نور قد آلم شخصا ما أحبه
ولهذا فهو فارس النور ...لأنه مر بكل هذا ومع ذلك لم يفقد الأمل إطلاقا من أن يكون أفضل مما هو عليه

تيتسم ....تغلق الكتاب وتستمع الى فيروز ... احدى ضروريات صباح مريم
لا تعتقد مريم أن هناك شيئا غنته فيروز لم تسمعه وتحفظه عن ظهر قلب ..
تستمتع مريم بجارة القمر وهي ترتدي ثيابها استعدادا للذهاب الى العمل ..
تتمايل على النغمات في هدوء بإبتسامة بسيطة
تتوالى الأغاني ...تغني فيروز

يا ريت أنت و أنا بالبيت
شى بيت أبعد بيت
ممحي ورا حدود العتم و الريح
و التلج نازل بالدنيي تجريح
يضيع طريقك ما تعود تفل
و تضل حدي تضل
و يزهر و يدبل ألف موسم فل
و تضل حدي تضل حدي تضل
و ما يضل بالقنديل نقطة زيت

تبتسم مريم ..
فكلمات الأغنية نكأت الجرح مرة أخرى ..

51 التعليقات:

Yasmine said...

قبل ما ارد عايزاكى تدخلى عندى فى البلوج و تشوفى الموضوع اللى كتبته النهاردة فى الdrafts مش مصدقة نفسي بجد!!!!

soly88 said...

اعجبنى فارس نور
لأنه لايمكن ان نكون نحن بلا اخطاءنا وخطايانا
ومن الجميل ان يذكر الأنسان نفسه بمن يكون
والى اين يسير
التصالح مع النفس مهمه صعبه ان لم تكن مستحيله فما نحمله داخلنا احيانا يصعب
غفرانه
اسم مريم جميل

مواطن مصري said...

كل فارس نور قد شعر بالخوف من دخول معركة
كل فارس نور في وقت ما من الماضي قد كذب أو غرر بشخص ما
كل فارس نور قد سار في درب لم تكن دربه
كل فارس نور تألم لأكثر الأسباب سخفا
كل فارس نور قد اعتقد ولو لمرة واحدة على الأقل أنه لم يكن فارس نور
كل فارس نور قد أخفق في واجباته الروحية
كل فارس نور قال "نعم" عندما أراد قول "لا"
كل فارس نور قد آلم شخصا ما أحبه
ولهذا فهو فارس النور ...لأنه مر بكل هذا ومع ذلك لم يفقد الأمل إطلاقا من أن يكون أفضل مما هو عليه


رائعة

محمد فوزي said...

مريم صارت أكثر نضجاً لأنها أنست نفسها وتناست ثورة الرغبات وحرائق النفس المشتعله بالآمال , حولت حياتها من إنتظار المفقود إلى عيش الموجود ونجحت بذلك في أن تتصالح مع ذاتها ولمعة البكاء في عيني مريم ليست إلا سمه يحملها كل النبلاء في هذا العالم .....

كلي أمل أن يسعد الله كل مريم على وجه الأرض كما أسعدني جدا ما نقلته مريم من كتابها عن فارس النور فكم هي رائعه وبديعه تلك الكلمات

ونفسي اسألك يا فنون يا صاحبة مريم هذه العبارات من أين أتيتي بها وهل يمكنني أن أنقلها على مدونتي ؟

كل التحيه على تميز لم يعد جديدا عليكي

leeno said...

انا اعرف مريم دي باين :)

Fatma said...

فلة

هههههههههه هدخل اقرا دلوقتي

Fatma said...

Sloy

نجحت مريم فإنها تتصالح مع نفسها وانا معاك انه شيئ صعب مش بالبساطة دي بس ان الانسان يتقبل نفسه زي ماهي وما يفقدش الامل فانه يكون احسن دا سر التصالح مع النفس من وجهة نظري

اشكرك

Fatma said...

مواطن

آه طبعا رائعة :)

دا من كتاب فارس النور ل باولو كويلو

الكتاب مش رواية هو اشبه بدليل كل صفحة بتحمل حكم اللي انا نقلته دا كان من احدى الصفحات

Fatma said...

محمد فوزي

اسعدني تحليلك جدا جدا فعلا

العبارات الخاصة بفارس النور منقولة من كتاب فارس النور
the warrior of the light

ل باولو كويلو

هو زي ما قلت لمواطن جمل قصيرة عن تقبل الفشل واخلاق الفرسان في التعامل مع المصاعب والناس الوحشة وانك تمشي ورا حلمك وتنجح

هو اصلا مسميه The manual

مش رواية خالص هو كله quotes

وطبعا ممكن تنقل اي حاجةانت عايزاها دا شيئ يشرفني يا فندم :)

Fatma said...

لين :)

كلنا نعرف مريم دي

او بالاصح كلنا مريم بشكل او بأخر

dr.lecter said...

فاكره يافنون انت كنت كتبتي في ايجي حاجه شبه كده
زماان


احنا في الاخر بني ادمين مش خارقيين مافيهاش حاجه لما نقع في السكه

انا مش عاجبني حال كتاباتك اليومين دوول حاسس كده ان طعم فنون اتغير فيهم اووي مش زي فنون بتاعه زمان فيهعا حاجه مختلفه

يمكن انا بخرف بس حبيت اقولك بس

Fatma said...

لكتر

انا كنت كاتبه حاجة شبه كدا ؟ قصدك على مات المحارب تقريبا صح ؟ بس مات المحارب ماكانتش قصة دا غير انها كلها يأس دا دي مليانة تفاؤل انت مش شايف التفاؤل ولا ايه :)

طب ايه كتاباتي زمان كانت ازاي وبقت دلوقتي ازاي ؟
مش بتخرف ولا حاجة اكيد في حاجة مختلفة لاني انا نفسي مختلفة وحياتي بقت مختلفة اشمعنى يعني كتاباتي اللي مش هتبقى مختلفة جات عليها يعني :)

قلقتني على نفسي على فكرة :)

dr.lecter said...

ايوووان عليكي نوور

هو فيه محارب برده هههههههه


انا شايف دي فيها تفاءل طبعا بس جايي من ياس يعني طالع من جحر الياس واحد شاف تفائل ونور فيكتب عنه في وسط الظلمه اللي بيتخبط فيها
ده خيالي طبعا اصله واسع زياده عن اللزوم وانت عارفاني اكبر خرفان


يعني كتاباتك بقت عامله زي الوااد ماجا فيه كده جو مغيم وبررد وانت دجايما كانت كتاباتك كلها شمس ودفء انا لا حظت ده في بوستتين في الفتره اللي فاتت يمكن هي صدفه او تغيير من عندك لكن انا بس حابب اطمن او يمكن كل البنات بقوا كده بيكتبوا زي سيندريللا قبل ماتممسح مدونتها فيها نفس الجو ده او يمكن بقي حاله عامه علي كل الناس

نفسي كده في كام بوست محسش فيهم بالجو ده لان اللي فيا مكفيني اصلا

اما معرفش ايه اللي اختلف بس بقول ملاحظاتي بس عامه ماتقلقيش بس يمكن كلها تهيؤات من عندي انا بس حابب اطمن عليكي وعليكم كلكم مش عاوز حد من اصحابي واخواتي يكون كاتم حاجه جوااه ومداريها واحنا مش حاسيين به


معلش رغيت كتيير

Fatma said...

لكتر

ولا رغيت ولا حاجة

فيه كده جو مغيم وبررد وانت دايما كانت كتاباتك كلها شمس ودفء

الجملةدي اثرت فيا اوي :)يمكن في برد جوايا بيطلع غصب عني في اللي بكتبه ؟

يمكن :)

Fatma said...

بس انا مازلت مصرة ان الموضوع فيه حاله سكون وهدوء وسلام وتصالح مع النفس بالرغم من مسحة حزن ماعرفتش اداريها :)

ليث said...
This comment has been removed by the author.
ليث said...

رائع.... كالعادة

اجمل ما فيه القدرة على التعبير عن حالة موجودة جوه من غير ماتقلب ملل او نكد،
فارس النور....
الكلمات رائعة فعلا مع تحفظاتي الكثيرة على كثير من كلمات الكتاب.
.............
فوزي متألق كالعادة ولم ينسى ان يرمي through pass ماكرة.

Fatma said...

ليث

والله فرحتني :) انت اصلك ذوقك صعب وما فيش حاجة بتعجبك اساسا يعني دا غير كرهك الرهيب للملل و النكد فشهادتك اعتز بيها الحقيقة :)

تحفظات ايه تاني بقى ؟! ماهو مش كل كتب لباولو كويلو فيها تحفظات :)

لا يا سيدي انا ماعنديش اي تحفظات على الكتاب دا تحديدا خالص :)

ليث said...

فنون
انت عارفة ان تحفظاتي على الكتاب ده تحديدامن الصعب جدا انك تعتبريها انت شيء يتحفظ عليه،
وبعدين ايه ذوقك صعب دي،
مش عارف ليه محسساني اني معقد و مابيعجبنيش العجب..... :)
عموما ماشي... الله يسامحك :)
بس الحالة اللي انت موصلاها فعلا جميلة

ده غير ان فيها سنة تحرر من شيء كان مسيطر عليكي وخصوصا في المقطع ده:


لم تعد عيناها تعرفان الدموع بمعناها التقليدي ..فدموعها اليوم لا تتعدى كونها لمعة عابره ..وكذا أضحت ضحكتها ..مجرد ابتسامة تحمل شبح ضحكات الماضي
ربما أصبحت مريم اليوم أكثر نضجا من ذي قبل ..فهي على الرغم من كل الأحاسيس المختلفة الغريبة التي تعتريها ..الا انها تشعر بسلام داخلي لم تعهده في نفسها


بجد حلوة

Fatma said...

ليث

آه عارفه كويس :)

بعدين ايه معقد دي لا والله ما قصدت كدا خالص بس هو انت فعلا ما بيعجبكش العجب على فكرة :)

انا مش شايفة في المقطع اي تحرر من اي شيئ على فكرة

يمكن الحالة بشكل عام فيها تحرر من الانفعالات ..مريم ما بقتش تنفعل زي الاول وان كان احساسها لسه موجود بس بقى اهدا بكتير ..زي ما قولت في القصة يمكن دا نضج بس انا مش شايفاه تحرر بصراحة ..بالعكس كمان انا شايفه انها مقيدة جدا والدليل ابتسامتها على كلمات اغنية فيروز في الاخر ..لو كانت اتحررت فعلا ماكانتش الكلمات دي لمستها

Fatma said...

فلة

يا لهوي يا لهوي

ازاي كدا

نزليها بليز

توارد خواطر مش طبيعي انا بجد مذهولة
نفس الصحيان من النوم نفس الشباك نفس القهوة نفس فيروز حتى لما الاغنيتين اختلفوا كانوا بنفس المعنى

نزليها يالا

Superman said...

جالي إحساس واحد بعد ما قريت كل ده..
مريم كإنها سايقة عربيتها في نفق و بتخرج منه..بس انتي عارفة المرور ساعة نزول الموظفين للشغل بيبقي واقف!

في حياة كل واحد مننا فترة مائية..لا لون..لا طعم..لا رائحة..
كله عادى..انا لا فرحان ولا زعلان..لا زهقان ولا مستمتع بوقتي..عادى

و ساعات بتيجي نسمة هوا باردة -و معندهاش دم كمان- تحرك الميه الراكدة..زي اغنية فيروز ما عملت في مريم..
بس بتطلع الشمس في الاخر و الميه بتنشف و بيبقي في ارض صلبة..و خصبة اننا نزرع فيها حاجات جديدة..

حاجات تخلي مريم كل يوم تصحي بدون لحظات التشويش..ولا اغنية حلوة لفيروز تغلس عليها..

Fatma said...

سلطان

انا مش عارفه ارد اقولك ايه
قريت ردك كذا مرة
رائع ..رائع رائع فعلا

شكولاتة said...

ان شاء الله يجي يوم ويجي صباح مريم صباح تاني غير اللي بتعيشه دلوقتي :)

وتبقا حياتها فرحه

لمريم اللي كتبتي عنها
وكل مريم عشنا معاه

بوست جميل يافنون وده مش جديد علي فنون

Yasmine said...

بعد خامس او سادس قراية مش لاقية تعليق..يخرب بيت كده بجد :D

عجبتنى اوى الحتة بتاعت لمعة عينيها دى..اصلى اعرف واحدة شبه مريم قررت تبطل تعيط عشان عينيها وجعتها..و اكتفت بلمعة عينيها لما تقرر تطلع دمعتين محشورين من غير ما حد ياخد باله عشان ما تنفجرش

و الجزء بتاع باولو كويلو رائع كالعادة..ادانى شوية امل كويسين..حلو انك تكتشفى فى نفسك قدرة انك تحولى اى فشل لنجاح..و لوحدك

بوسيلى مريم اوى و قوليلها ترحمنى عشان انا ابتديت اخاف :)

Superman said...

أخجلتم تواضعنا :)

Anonymous said...

دخلت مدونتها,بحسبها مدونتك

Anonymous said...

فنون,و كمان الفلة

هقولكم حاجة

انا مش عارفة هي حالة حزن أو لا

لكني فعلا..الحمد له الأيام دي مش حزينة أبدا..ولا حاسة بده


لكن..


عاوزة أقولكم حاجة

أتمنى تبقوا كدة


لكن إلللي لاحظته.,حالة الحزن,لما بخلو بنفسي

حاولوا,,متكونوش لواحدكم :)

متفكروش كتير وانتم وسط الناس :)


ولا تنعزلوا بتفكيركم بعيد :)

و....


مش أنا إللي أنصح :)

Anonymous said...

آه,,هي البتاعة دي حلوة والله والصورة :)

أنا إللي مش بركز

قريت مرة واحدة:)

Anonymous said...

معرفش وربنا طنشوا

نصيحة بقى للي بيكتموا العياط:)


عيطوا بقى,محدش كبير والله على العياط,كانت مرة صاحبتي..جايبة موضوع عن أهمية البكا..وضرر كتمانه :)

.......


فنون..

جميلة حالة السكون والسكينة ماشي..


لكن,من غير اللون الأسود بتاع المدونة :)

Anonymous said...

من غير زعل وبخرف وكأني مقلتش حاجة,ماشي :)

Empress appy said...

يعنى يا فنون فارس النور دهه عمل كل البلاوى دى ومستنيه منه اصلا انه يتغير وانه ميفقدش الامل فى التغير
لاااااااااا
بجد صعب مش فاهمه المره دى خالص
يا حبيبتى ده لو بصيتى على غلطاته هتلاقيه مكررة بطرق مختلفه
ده فارس بلا جواد وحرام يتقال عليه فارس
بس عموما حياه مريم شبيه مع بعض الاختلاف بحياه كتير مننا اوى

dodda said...

اذا فصباح مريم زى الفل...

صباح ومسى شى ما بينتسى
تركت الحب اخدت الاسى...

blackcairorose said...

أنا دائما ما تشتعل اغنيات فيروز فى ذهني فى المواقف المختلفة، بل أحيانا أجد نفسي أردد بعض مقاطع اغنياتها فجأة دون سبب ظاهر

بجد أرى اغانيها غطت كافة المشاعر والاحاسيس التى أمر بها ـ وأكيد غيري كثيرون يشعرون نفس الشء ـ ومريمك واحدة منهم

خالص تحياتي

leeno said...

enty feeein ya 7aggaaaaa????

mony said...

اعرف مريم دى..اللى دايما بحس ف صوت ضحكتهاألف دمعة بينزلوا جواها

اعرف مريم دى اللى بتحارب عشان توصل للناس فكرة "ياجماعة انا مفيش حزن ممكن يفرض سيطرته عليا"

اعرف مريم دى اللى دايما بتكابر وتقول انا كويسة اهو وتمام..بس من جواها...بيخرج صوت جريح

كلامك فكرنى بواحدة كده اعرفها من بعيد لبعيد يا...فنون:)

بس صدقينى مش كلنا مريم..

Rania Lelah said...

التصالح مع الذات
و الدوس على الاحزان و النظر اماما دائما
قمة الروعه عزيزتى

Yasmine said...

انتى فين يا حلوة؟؟؟
هو احنا اى نعم لما بنظهر سوا بنعمل قفلة و بنخوف الناس :D
بس مش معناه اننا هنلعب tom and jerry يعنى
ارجعى بقى وحشتنى مواضيعك :(

Anonymous said...

إيه بقى :)

فينك بقى :)


انتي عارفة,كتير قلقانين عليكي :)

Fatma said...

شوكولاته

متشكرة جدا على الدعوة الحلوة ...آمين

Fatma said...

فلة

طبعا مش عارفه اقولك حاجة :)

سلطان

لا دا بجد فعلا

ايمان

الاحساس بالوحدة بيزيد اوي وسط الناس على فكرة
كل ما يكتروا الناس بيزيد الاحساس لانك بتحسي ان بالرغم من وجود كل دول انا لسه حاسة بالوحدة فيقوم ايه بقى الاحساس يزيد :)

Fatma said...

أبي

فارس النور مش اكتر من انسان عادي او اقرب لانه يكون سيئ
مليان اخطاء وذنوب بس ما يأسش من روح الله وحاول واتغير وبقى كمان حاجة كويسة
اللي بيعمل حاجة غلط مش لازم يفضل يقول انا وحش انا مافيش مني امل
لانه بكدا عمره ما هيقدر يبطل يغلط
الفكرة انك تكره الغلط مش تكره نفسك ..تكره الغلط وتحب نفسك فتضايق ان نفسك اللي بتحبها تبقى بتغلط كدا
فبالتالي تخليها تبطل الغلط

ضحكتيني موووت بحكاية فارس بلا جواد دي
:)

Fatma said...

دودا
وصباحك احلى من كدا ان شاء الله
:)

Fatma said...

روز

نفس احساسي تجاه اغاني فيروز
بحس انها خلفية موسيقية لكل الاحداث اللي مرت في حياتي
كأنها الموسيقى التصويرية للاحداث

Fatma said...

لين وايمان وفلة انا اهو
متشكرة على سؤالكم كلكم بجد

Fatma said...

موني

والله ياريت ولا حد يبقى مريم
ولا مريم نفسها عايزة تبقى مريم دي
بس اهو ..دنيا :)

وحشتيني

Fatma said...

رانيا

اشكرك بجد

سعيدة ان الفكرة وصلت :)

Anonymous said...

بصي طيب هقولك :D

اعملي المدونة بيضا :@

Superman said...

بقي لي 3 أسابيع مستنيكي ترجعي!
شوية و كنت هقفل البلوج و الغي اكونت بلوجر!
ما هو لا بتكتبي كومنتات ولا بتكتبي بوستات جديدة..
نعمل ايه بقي غير اننا نعمل إضراب؟ :D

حمدالله ع السلامة..شكلك كنتي راكبة جنب مريم و هي سايقة في النفق...زحمة مش كده؟ :D

Fatma said...

زحمة اوي يا سلطان :)

انا بكتب وانا راكبة جنبها في النفق اصلا لسه ماعديناش :)

Superman said...

سوق علي مهلك سوق..بكرة الدنيا تروق