Tuesday, May 19, 2009

البقاء لله

وفاة الحفيد الأكبر للرئيس حسني مبارك محمد علاء مبارك


ورد أن النبي كان يجلس مع الصحابة فمرت جنازة فوقف النبي فقالوا: يا رسول الله إنه يهودي! فقال صلى الله عليه وسلم: أوَليست نفسا؟

أنا مش متخيلة ان في ناس جايلها قلب تشمت
الشماتة وحشة
والدنيا دوارة
ربنا ما يوري حد
ربنا يصبر امه
دعوات امهات واباء كتير اتحرق قلبهم على ولادهم
سلف ودينالجنازة طالعة من مسجد آل رشدان بعد صلاة العصر
اللي ليه مشوار مهم في الفترة دي ناحية مدينة نصر أو مصر الجديدة يعمل حسابه بقى

9 التعليقات:

Empress appy said...

ربنا يرحمه برحمته يا رب
ويصبر قلب اهله
على فراقه ويهدى الناس يا فنون

dr.lecter said...

مصر الجديده كلها متقفله

من اول هليبوبوليس لغايه الميرغني وكليه البنات كلها قوات امن مركزي وحرس جمهوري

انا عندي مشوار مهم المفروض اعمله دلوقتي بس الطريق مقفول وكلهم عمالين يحولوا الاتجاهات

قدجر اله وماشاء فعل

بعد يومين كده هتشوفي الكلام اللي هيلبتدي يطلع من اول سبحان الله الواد مات وارلراجل لسه عايش

مواطن مصري said...

البقاء ل الله

Here i'm said...

ربنا يرحمه و يغفرله ..

عجبنى قوى إبراهيم عيسى .. عامل مقالة تحفة بصراحة

ربنا يرحم اموات المسلمين أجمعين ولا يشمت فينا حد و لا نشمت فى حد

Superman said...

ربنا يرحمه..البقاء لله وحده

انا كان عندي مشوار علي نفس الطريق ناحية مدينة نصر و مصر الجديدة
في نفس توقيت الجنازة و الحقيقة ما واجهتش اى مشكلة مرورية رغم التواجد الامني المكثف

Jannah said...

ربنا يرحمه و يصبر اهله
كان الله فعون والديه

leeno said...

مفيش في الموت شماتة استغفر الله

ربنا يجعلها عظة و رحمة لجميع

hasona said...

السلام عليكم
عزاء واجب

رحم الله الفقيد
وأدخله فسيح جناته
والبقاء لله
في وفاة محمد علاء مبارك
الواحد بيزعل من موت أي حد
مهما كان
ربنا يسكنه الفردوس الاعلي
ولكني أختلف معك
لأن الموضوع ليس شماته
لأنه ليس هناك شماته في الموت

،،،
ولكن لي أضافة
لعل السيد الرئيس يتعظ
لعله يدرك مدي مافيه شعب مصر من فساد وظلم
عبارة(سفينة) تغرق فيموت 1300 فرد ما بين أطفال وشيوخ ورجال ونساء
والمالك يهرب
وقطار يحترق وأخر يخرج عن طريقه
ويموت أطفال وشباب ورجال
وهناك من يذهب بطفله الي مستشفي فيرجع وقد فقده الي الابد

قمة النفاق
أن يتوفي حفيد الرئيس فيعلن الحداد في البلاد
والاذاعة التليفزيون
والرئيس يحتسبه عند الله
وهناك مئات تموت يوميا
ولا تهتز شعره في جسد الرئيس
ان كان لا يستطيع تحمل المسئولية
فليتركها ولا يجري ورائها

وان كان يدري بتلك المصائب ولا يتحرك فهذه مشكلة ومصيبة
أما ان كان لا يدري فهذه مشكلة أكبر ومصيبة أعم

وليعلم أن ولده ليس أفضل من أولادنا
وأنه ليس أفضل من بقيتنا

فيعلم أن الله موجود
والبقاء لله
ولله الارض يورثها لما يشاء

،،،
اجمل ما قولتيه

دعوات امهات واباء كتير اتحرق قلبهم على ولادهم
ياريت اللي حصل دا يكون عظة وعبرة

تحياتي

Anonymous said...

يارب تكوني,بألف خير دايما,ربنا يوفقك دايما

السلام عليكم ورحمة الله وبركاته:)