Monday, November 16, 2009

نهر الجنون

عجزت عن فهم الاسباب والدوافع الحقيقية لما يحدث هذه الأيام بين مصر والجزائر
يرفض عقلي ان يتقبل فكرة ان ما يحدث سببه كرة القدم ! لو صح هذا الافتراض فهذه ولا شك نهاية العالم
هناك كم لا معقول من الغل بداخل كلا الطرفين تعدى الملاعب والكرة وطال رموزا ليس لهم في ماحدث لا ناقة ولا جمل
وانطلقت العبارات العنصرية من هنا وهناك فهذا يعاير ذاك بموقف حكومته من احداث غزة التي حدثت في نهايات العام المنصرم والأخر ينعته بالهمجي والبربري الامازيغي
منتهى الجهل!!
اشاعات في الجزائر مفادها وصول 11 قتيلا في توابيت من القاهرة تسببت في سلسلة اساءات يتعرض لها المصريين المقيمين في الجزائر
الوضع حقا مؤسف لا استطيع تقبل فكرة ان يؤذى أحد أو يموت بسبب الكرة !
أنا أحب كرة القدم واتابعها باستمرار واشجع منتخبنا واتمنى وصوله لكأس العالم
ومازال حماسي للمباراة القادمة مشتعلا ولكني اقولها بمنتهى الصدق ان لم يقدر لنا ان نتأهل يوم الأربعاء وصعدت الجزائر فسأشجعها وكأنها مصر
الفائز يوم الأربعاء سيكون العربي الوحيد في كأس العالم القادم ..لست من المتحمسين للقومية العربية في الحقيقة ولكن بحكم اشياء كثيرة مشتركة هم الأقرب نفسيا لي
ومازال السؤال يطرح نفسه ..ماذا حدث ؟ ما الأسباب الحقيقة للغل والغضب والكره والعنصرية التي تبدو فيِ نظري بلا داعي ! لا أذكر أبدا أوربما لم يصل لعلمي أن هناك رواسب من أحداث قديمة بيننا وبين الجزائر بعيدا عن كرة القدم
يبدو أنه نهر الجنون الذي شرب منه الجميع الا من رحم ربي

7 التعليقات:

dr.lecter said...

تخلف وقله ادب وهمجيه خلت العالم كله يتفرج علينا

ده الانجليز اللي هم اكتر ناس متعصبين كرويا مابيعملوش كده خالص

استفدنا ايه بقي لما الطرفين طاحوا في بعض وهتكوا بعض

والاعلام المصري الظريف راح مركز لك علي صوره واحده في الماتش بتعمل قباحه قال يعني المصريين مكانوش بيعملوا

وبالقي اللوم برده علي الجزائريين لانهم انفعلوا ووجهوا غضبهم ناحيه ناس ضيوف عندهم واذوهم

بجد انا نفسي ماتش الاربعاء ده يمر علي خير لااني حاسس ان كارثه هتحصل والحمد لله انه مش في مصر

انا لو اتكرر اللي حصل ده تاني هابطل اتفرج علي كوره بجد

dr.lecter said...

عن اذنك يافاطمه هاحط لينكك في اي كلام

The Seagull said...

أنا ردي عليهم عندي في المدونة

بلا تخلف بلا جهل بلا قلة أدب

إبتسـام said...

الاعلام الجزائرى زودها أوى
و الاعلام المصرى نقل عنه
فالموضوع ولع اكتر

الطرفين غلطوا
برغم الفرق الكبير بين تصرفات المصريين و الجزائريين
بس فى النهاية الاتنين غلطوا
و فى النهاية المفروض اننا إخوة
مش عشان تاريخ و جغرافيا و الكلام ده
بس عشان انا كمصريه مبحسش ان فى عداء بينى و بين شخص جزائرى
و افتكر ده شعور متبادل

و مش فرد همجى أو جماعه متطرفة هى اللى هتخلينى اكون فكرة عن شعب كامل

ربنا يهدّى النفوس و يهديها
و يعدى النهاردة على خير

لاحسن الواحد فعلاً حاسس انها نهاية العالم

samamasr said...

الحمد لله
على كل شيء :)

كدة كل شيء وقف :)

الحمد لله
الحمد لله :)

أحمد ابن أختي الصغير,النهاردة كان بيعيط

بس,

الحمد لله

الحمد لله يارب,الحمد والشكر ليك دايما

الحمد لله:)

أنصار السنة والسلف الصالح said...

اذا تمردت على الله فانت تتمرد على كل جميل فالله لم يامر بقبح ولا غباء .اذا تمردت على الله فلتتزوج المحارم ولتزنى بهن فالله لم يامر بهذا وتمردك عليه يعنى انت تفعل كل ما نهى عنه فلتزنى بمحارمك اتستطيع ؟ اقول لك لن تستطيع انها الفترة التى خلقك الله عليها فلتقتل اباك او صديقك فلتسرق فلتنهب فلتغتصب وانت اذ تفعل فانت تتمرد على الله لانه ما امر بهذا لتدعوا اقربائك الى امتهان الزنا والرزيلة لتثبت تمردك على الله فقد نهى عن ذلك ارجو ان تعيد التفكير فى كلامك وفى طريقتك

احمد سعيد said...

فكرتينى بالقصه دى

نهر الجنون اللى المملكه كلها شربت منه بما فيها الملك والوزرا والجيش والحكومه

وكله نازل شقلبه وتنطيط

عارفه بقى الراجل العاقل اللى دخل المملكه دى وفوجىء بالقدر الهائل من الجنون دة ؟؟؟

طبعا هو مشربش من النهر

طب هنا بقى هسالك نفس السؤال اللى الراجل ساله لنفسه

هل هتحاولى تعقلى البلد المجنونه دى مع ان دة يعد من المستحيل

ام هل هتتظاهرى بالجنون علشان تقدرى تعيشى وسط باقى البلد المجنونه دى

ولا هتسيبى البلد وتخرجى تانى

ولا هتشربى من النهر انتى كمان علشان يبقى كله زى بعضه ؟؟؟؟