Wednesday, May 28, 2008

يَارِيَاحاً لَيْسَ يَهْدا عَصْفُهَا .... نَضَبَ الزَّيْتُ وَمِصْبَاحِي انْطَفَا



يا فؤادي لا تسل اين الهوى .....كان صرح من خيال فهوى

اسقني واشرب على اطلاله.....واروي عني طالما الدمع روى



من اروع ما غنت ام كلثوم ومن اروع ماكتب ابراهيم ناجي

والقصيدة الاصليه على طولها الا انها احلى بكتير من الاغنية

لحظة بيقف فيها الزمن ...

لحظة بتخليك تفتكر كل اللي راح ...واولهم عمرك


ذَهَبَ العُمْرُ هَبَاءً فَاذْهَبي ........... لَمْ يَكُنْ وَعْدُكِ إلاَ شَبَحَا


صَفْحَةً قَدْ ذَهَبَ الدَّهْرُ بِهَا .......... أَثْبَتَ الحُبَّ عَلَيْهَا وَمَحَا


اُنْظُري ضِحْكِي وَرَقْصي فَرِحاً........ وَأَنَا أَحْمِلُ قَلْباً ذُبِحَا


وَيَرَاني النَّاسُ رُوحَاً طَائِراً .... وَالجَوَى يَطْحَنُنِي طَحْنَ الرَّحَى


لحظة بتخليك تفكر في كل اللي جاي ...وانت رافع حواجبك
ومش مستوعب وبتتسائل كأنك طفل تايه

اعمل ايه ....

عِنْدَ أَقْدَامِكَ دُنْيَا تَنْتَهي.................... وَعَلَى بَابِكَ آمَالٌ تَمُوتْ

وتلاقي روحك بتصرخ بكل مافيها من قوة ...قوة ضعيفه مكسورة مجروحة

صرخة عالية مدفونة ...بتوهم نفسك بيها انك قادر تقف على رجلك تاني

وانك هتنسى وهتعيش ..


أَعْطِني حُرِّيَتي اَطْلِقْ يَدَيَّ........ إِنَّني أَعْطَيْتُ مَا اسْتَبْقَيْتُ شَيَّ


آهِ مِنْ قَيْدِكَ أَدْمَى مِعْصَمي............... لِمَ اُبْقِيْهِ وَمَا أَبْقَى عَلَيَّا


احْتِفَاظي بِعُهُودٍ لَمْ تَصُنْهَا........... وَإِلاَمَ اللأَسْرُ وَالدُّنْيا لَدَيَّ


حقيقي قصيدة رائعة واغنية في منتهى الجمال ..

كبرياء مجروح وقلب عصره الالم ..

ومحاولة لتجميع اشلاء احساس ولملمت بقايا انسان ...

والوقوف مرة تانية ..وتحدي للنفس قبل اي حاجة تانية ...

لكل حد انكسر...
لكل حد حس في لحظة ان الزمن وقف..
لكل حد حس انه عمره راح ع الفاضي ..


إلام الاسر والدنيا لديَ ....:)

11 التعليقات:

Yasmine said...

بموت فى الاغنية دى بجد
خصوصا الجزء ده:
ومن الشوق رسـول بيننـا
ونديـم قـدم الكـأس لـنـا

هل رأى الحب سكارى مثلنا؟
كم بنينا مـن خيـال حولنـا

ومشينا فـي طريـق مقمـر
تثـب الفرحـة فيـه قبلنـا

وضحكنا ضحك طفلين معـاً
وعدونـا فسبقـنـا ظلـنـا

وانتبهنا بعد ما زال الرحيق
وأفقنـا ليـت أنّـا لا نفيـق

يقظة طاحت بأحلام الكـرى
وتولى الليل والليل صديـق

وإذا النـور نذيـرٌ طـالـعٌ
وإذا الفجر مطلٌ كالحريـق

وإذا الدنيـا كمـا نعرفـهـا
وإذا الأحباب كلٌّ في طريق

أيـهـا السـاهـر تغـفـا
تذكـر العهـد وتصـحـو

وإذا مـا الـتـأم جــرح
جــدّ بالتـذكـار جــرح

فتعـلّـم كـيـف تنـسـى
وتعـلّـم كـيـف تمـحـو

يا حبيبي كل شيـئٍ بقضـاء
مـا بأيدينـا خلقنـا تعسـاء

ربمـا تجمعـنـا أقـدارنـا
ذات يوم بعد ما عز اللقـاء

فـإذا أنكـر خــل خـلـه
وتلاقينـا لقـاء الغـربـاء

ومضى كـل إلـى غايتـه
لا تقل شئنا فـإن الله شـاء

و مع انى لا اتكسرت ولا عشت قصة فاشلة بس بجد بتأثر فيا جدا و سمعتها مرة على المسرح فى الاوبرا و بعد اربع ابيات دموعى نزلت غصب عنى مع انى مش من الناس اللى دموعهم قريبة
اغنية رائعة بجد

Anonymous said...

هو أنا مكش فاهمة حاجة اليومين دول ليه :(

وفلة دي مش بتذاكر ليه :(


هو فيه ايه بقى :D

صبري سراج said...

القصيدة أختيرت أفضل قصيدة في القرن العشرين والأغنية كذلك أختيرت كأغنية القرن

نيجي للأطلال بقى .. البكاء على الأطلال عادة يجتمع عليها الشعب العربي كله.. كل حياتنا دلوقتي هي بكاء على أطلال الماضي في كل مجال وأي مجال.. وده سر خلطة المصيبة اللي احنا فيها.. انا يمكن خدت الموضوع بشكل عام.. بس ده لإن القصيدة دي بتحرك فيا كل حاجة.. مش بعتبرها عاطفية.. على فكرة كتير أوي بطلع ديوان إبراهيم ناجي واقراها.. بستمتع جدا في كل مرة عنيا بتلمس حروفها

صبري سراج said...

على فكرة يا سلمى الجزء ده

هل رأى الحب سكارى مثلنا؟
كم بنينا مـن خيـال حولنـا

ومشينا فـي طريـق مقمـر
تثـب الفرحـة فيـه قبلنـا

وضحكنا ضحك طفلين معـاً
وعدونـا فسبقـنـا ظلـنـا

وانتبهنا بعد ما زال الرحيق
وأفقنـا ليـت أنّـا لا نفيـق

يقظة طاحت بأحلام الكـرى
وتولى الليل والليل صديـق

وإذا النـور نذيـرٌ طـالـعٌ
وإذا الفجر مطلٌ كالحريـق

وإذا الدنيـا كمـا نعرفـهـا
وإذا الأحباب كلٌّ في طريق


مش من قصية الأطلال.. هو من قصيدة تانية في اسمها الوداع لابراهيم ناجي برضه وام كلثوم اللي ضمته للأغنية

Yasmine said...

انا اول مرة اعرف المعلومة دى طول عمرى فاكراها قصيدة واحدة
كويس انك قلتلى:)

Fatma said...

فلة :)

كنت هقولك اللي قاله سراج باشا

بحس ان ام كلثوم لو كانت غنت القصيدة زي ماهيا كانت هتبقى احلى

حاولي تقريها

انتي مش متخيلة حلوة ازاي بجد

ايمان :)

ايه يا قلبي اللي مش فاهماه :)

اهو اي كلام الواحد بيقوله وخلاص

بس القصيدة حلوة اوي ..مش كدا

وفلة دي لازم تذاكر على رأيك :)

صبورتشي :)

انا كمان بحبها اوي اوي القصيدة دي

فيها كذا بيت وانا بقراهم بتعجب ازاي قدر يوصف احساسه بالشكل دا وبكلمات بالمنظر دا

كفاية البيت اللي انا حاطاه عنوان للموضوع

نورت يا سراج باشا :)

Yasmine said...

ايمان
فنون
فلة هتنتحر لو حد قال كلمة "زاكرى" دى تانى:D
اللى عندى ده اسمه هروب من الواقع انا كبرت اوى على انى امسك كتب و احفظ كلام مش مقتنعة بيه :)))
المهم كملى يا فنون كتابة عشان الاقى مواضيع ارد فيها

leeno said...

مش عارفة اعلق

خلقتي جوايا حالة من الاحساس

صعب اوصفها

فزماني اندبحت اكتر من مرة

لكني قمت منتاني و عشت كمان مرة


شكرا يا فنونتي

Fatma said...

فلة انتي موتني من الضحك

مش قادرة بجد :))))

حاولي تاني خلاص مش هتيجي ع الاخر وتستهبلي

كلها شهر وتخلصي للابد

Fatma said...

لينوز

ماهو الواحد فعلا بيقوم تاني يقف على رجله

بس بيفضل جوا الواحد كدا غصة غريبة بيفشل الزمن انه يمحيها

Anonymous said...

يا حبيبتي فاهمة

أنا إللي مش فاهماه بس..سبب الحالة..مجرد عدم فهم للأسباب..وخوف عليكم بس :)


وإن شاء الله كل خير :)


على فكرة..مقرأتش الأغنية قوي :)