صدفك كترت اوي يا انا
هيا صدفة ولا قدر
انا بتحب تسميها قدر ..بس هوانا كل اقدارها صدف ؟!
هيا صدفة ولا قدر
انا بتحب تسميها قدر ..بس هوانا كل اقدارها صدف ؟!
**************************************
انا حاجات كتيرة اوي بسيطة بتسعدها
انا عارفه الحاجات دي كويس
بس مش دايما بتعملها
يمكن بتكسل ..يمكن بتأجل .
طيب واخرة التأجيل ايه ؟!! هيعدي العمر وانا ما نبسطتش عشان عايشة سعادة مؤجلة!
انا حاجات كتيرة اوي بسيطة بتسعدها
انا عارفه الحاجات دي كويس
بس مش دايما بتعملها
يمكن بتكسل ..يمكن بتأجل .
طيب واخرة التأجيل ايه ؟!! هيعدي العمر وانا ما نبسطتش عشان عايشة سعادة مؤجلة!
**************************************
فرحتك بتفرحني ..خليك فرحان على طول ..
عارف
انا حاسة ان الدنيا ابتدت تضحك ..مش عارفه انا بتضحك على نفسها ولا هي ابتدت تضحك فعلا
يارب تكون ابتدت تضحك بجد وضهر انا ما يتكسرش تاني بحاجة فوق طاقتها
فرحتك بتفرحني ..خليك فرحان على طول ..
عارف
انا حاسة ان الدنيا ابتدت تضحك ..مش عارفه انا بتضحك على نفسها ولا هي ابتدت تضحك فعلا
يارب تكون ابتدت تضحك بجد وضهر انا ما يتكسرش تاني بحاجة فوق طاقتها
**************************************
كبرتي يا انا اوي ..هو العمر عدى امتى
كبرتي وانتي لسه صغيرة
كبرتي يا انا اوي ..هو العمر عدى امتى
كبرتي وانتي لسه صغيرة
*************************************
فاكرة يا انا مسلسل الهروب الكبير اللي كنتي معيشه فيه ماما وبابا طول عمرك
على طول هربانه وبتجري
في المطارات والشوارع وحتى في الحرم هربتي
طول عمرك بيلحقوكي في اخر لحظة وانتي بتنطي من الشبابيك والبلكونات
فاكرة يا انا مسلسل الهروب الكبير اللي كنتي معيشه فيه ماما وبابا طول عمرك
على طول هربانه وبتجري
في المطارات والشوارع وحتى في الحرم هربتي
طول عمرك بيلحقوكي في اخر لحظة وانتي بتنطي من الشبابيك والبلكونات
كان نفسك تبقى عصفورة ..كان حلم حياتك الطيران
انا عمرك ماكنتي طفلة مقهورة ..يمكن انتي يا انا كنتي اكتر طفلة بتمتع بقدر كبير من الحرية سواء الفكرية او في التصرفات..بس بردو كنتي حاسة بقيود ودايما رفضتيها
انا عمرك ماكنتي طفلة مقهورة ..يمكن انتي يا انا كنتي اكتر طفلة بتمتع بقدر كبير من الحرية سواء الفكرية او في التصرفات..بس بردو كنتي حاسة بقيود ودايما رفضتيها
فاكرة لما ماما كانت تختارلك حاجة تلبسيها كنتي بتقوليلها ايه ؟!
كل طفل ربنا خلقه حر ..انا مابقولكيش تلبسي ايه ..انتي كمان ماتقوليليش البس ايه
كان عندك وقتها 3 سنين وفكه..مش عارفه منين وصلتي للقناعة دي ان الاطفال ربنا خلقهم احرار
مين قالك كدا !!!
عمرك ما رضيتي ان حد يفرض عليكي قيود
بعد ما تخلصت انا من كل القيود الممكنة في الدنيا
لاقيتها بتفرض قيود ذاتيه على نفسها
اكتشفت انا ان مايفعش تعيش في الدنيا من غير قيود
عمرك ما رضيتي ان حد يفرض عليكي قيود
بعد ما تخلصت انا من كل القيود الممكنة في الدنيا
لاقيتها بتفرض قيود ذاتيه على نفسها
اكتشفت انا ان مايفعش تعيش في الدنيا من غير قيود
************************************
كل مرة بفتكر انا سنة 98 بنفس الالم والمرار والسعادة
كتير بتقول لو يشيلوها السنة دي ..وترجع تقول ماكنتش هبقى انا انا لولا السنة دي
مفارقة هايلة ان اسوأ سنة في حياة انا تكون في نفس اللحظة سنة انطلاقتها الحقيقية
والسنة اللي عرفت فيها اناتبقى مين وايه وليه وفين
كل مرة بفتكر انا سنة 98 بنفس الالم والمرار والسعادة
كتير بتقول لو يشيلوها السنة دي ..وترجع تقول ماكنتش هبقى انا انا لولا السنة دي
مفارقة هايلة ان اسوأ سنة في حياة انا تكون في نفس اللحظة سنة انطلاقتها الحقيقية
والسنة اللي عرفت فيها اناتبقى مين وايه وليه وفين
السنة دي بتمر الذكرى العاشرة
كل سنة وانا طيبة :)
36 التعليقات:
كل سنة و انتي طيبة انتي :)) ... بس ياريت ماتغنيش الاغنية اللي مكسرة الدنيا و الناس و العربيات .... اغنية نجم النجوم ....
انا مش انا ...... . . . . . .
تحياتي :)
مين نجم النجوم دا :)
لا انا ماعرفش الاغنية بصراحة
وانا وانا وانا التالتة اصحاب جدا على فكرة وعارفين بعض كويس
وانا وانا وانا هما انا :)
يعني مستحيل اقول انا مش انا
مش انا خالص اللي ممكن اقول كدا
ههههههههههههههههههههههههههههه
معلش اعذرني ع الجنان اللي نزل عليا وشكرا على ردك يا عمرو
انا بقى اللى تعبت من غير ما اتعب ..
اتمنى من ربنا انى اكون انا اللى بتمناه
بهدوءه وسكونه وعاطفته وأخلاقه
يا ترى هابقى انا اللى عاوزه ولا لا
مش عارف
بس اكيد هحاول
ومع مرور الأيام هيبان انا كويس اوى
هيبان انا اللى منتظرنى اكتر واكتر
هيبان النصيب والقدر كويس اوى يا انا
خاف ربنا بقى يا انا علشان ربنا يكرمك ..
ربنا يسترها علينا , إنه هو الستير الحليم
وجزاكم الله خيرا يا اختى على الموضوع
وانا اسف على عدم التعقيب على كلامك
السلام عليكم
ربنا يسترها معانا كلنا
جميل ردك والفضفضة دي :)
وان شاء الله انا (انت) اللي مستنيها تطلع احسن من ما انت فاكر يارب :)
عارفة بقرأ في الموضوع و انا مبتسسمة جداااااااا
حاسة ان في حد بيكلم نفسه عن نفسه ...
كنت مبتسمة و انا متخيلاكي و انتي بتتكلمي كدة و باصة بنظرتك البريئة و العميقة لنفسك و مبتسمة برضه ابتسامتك الرقيقة و البريئة اللي فيها طفولة و ذكاء فنفس الوقت
تعليقين بس عايزة اقلهم على حاجات معينة
كل سنة و انتي طيبة دة اولا
و ثانيا !!! 3 سنين و كل طقل ربنا خلقه حر امال في الاربعين حتعملي ايه؟؟!!!!!! هههههههههه انا لو عندي بيبي كدة كنت هريييته بووووووووس لو قالي جملة زي دي
يا ترى يا فنون مشكلة تاعبانا و لا راحة نفسية لينا اننا مبنتحملش اي نوع من انواع القيود
بس انا وصلت لقناعة دلوقتي كان قالها احسان عبد القدوس زمان
مفيش حاجة اسمها حرية
الحرية شيء مش موجود لانك حتبقى تحت قيود ايمانك بحريتك او ايمانك بمبادءك
اه صحيح
اظن ان الاغنية اللي قصده عليها هي
اغنية راغب علامة انا مش ا و لا انتي انتي و لولايا انا ما كنتي انتي انتي
يمكن هي دي على قد معرفتي بقى هههههههههه
عارفة يا فنون انا كمان كبرتي اوووي و انا صغيرة و حاسة ان العمر مجرد ارقام !!!
بس انا كبرتي و مش كبرتي
هههههه هي حتبقى هوجة و لا ايه
بقللك ايه تصبحي على خير احسن
اه على فكرة نفسي اوووووووووووي ارد فموضوعك في ايجي
بس رفع الصور مش سهل علية
حبقى احاول في اقرب فرصة لو قدرت
بحبك وحشتيني
فنون احساساك وصلنى اوى اوى..فوق ما تتخيلى :)
انا بتاعتى عمرها ما كانت صغيرة عشان تكبر..
و الجزء اللى قبل الاخير ده فكرنى بيا اوى..ما كنتش احب حد يفرض عليا حاجة ابدا و خصوصا فى الهدوم كله عندى "مش ليق" و يا لهوى على اللى كنت بختار البسه :D
بس المهم انى ابقى انا اللى اخترت و لما كبرت شوية بقيت زيك بحط قيود على نفسي بس تصدقى مش مهم ما دام انا اللى حطاها و مش مفروضة عليا
بالنسبة لتوارد الخواطر بقى..انا تعبت..بقول اديكى الpassword بتاع البلوج و تيجى تكملى انتى :D
و بعدين ازاى انتى و لين مش عارفين اغنية القدير عبد الباسط حمودة بتاعت انا مش انا؟ لازم تسمعوها بجد هتموتوا من الضحك
كل سنة و انا بتاعتك طيبة :)
انا مش انا دي غنوة المطرب الجامد المانع .... عبد الباسط حمودة ... زي ماقالت بنوتة ... مش زي ما قالت العزيزة لينو :) ......
كل سنة وانتي طيبة يا فنون :) ...
لين
انتي وحشتيني اوييييييييي بجد
الجملة اللي انتي قولتيها دي
الحرية شيء مش موجود لانك حتبقى تحت قيود ايمانك بحريتك او ايمانك بمبادءك
صحيحة مليون الميه
شكرا حبيبتي على ردك
بنوته مصرية
انا مش فاهمه انتي هتفضلي عندك لحد امتى ..معقولة مازهأتيش
كفاية بقى تعااااااااااااااالي :(
شكرا على معلومة الاغنية الحقيقة ماسمعتهاش خالص ولا اعرف مين دا اصلا :)))))
توارد الخواطر مش جديدة علينا على فكرة انا اتعودت ومابقتش استغرب :)
عمرو
وانت طيب :)
مش هقدر اوعدك اني اسمع الاغنية بصراحة كتير على اعصابي الحاجات دي :)
اشكرك
انا رجعت اول امبارح على ملا وشى :)
و مسافرة تانى الخميس بس ان شاء الله مافيش اسكندرية السنة دى..او انا عندى امل انه يحصل كده
قلت اقولك مبروك هنا عشان ماليش نفس خالص ادخل هناك دلوقتى..مبروك يا فنونتى :)
كل سنه وانتى طيبه
وذكرياتك ماليه حياتك سعاده
وتنسى بقى سنه تمانيه وتسعين دى
على فكره واضح ان كلنا تلك الانا
تصورى انا كمان هربت من اهلى فى الحرم
زمان كنت صغير
كذا سنه ورا بعض فى رمضان كنت بتوه منهم ويلاقونى قبل ما اتحول وابقى من اهل مكه
ههههههه
البوست جميل ومليان مشاعر مختلفه ومتداخله
انا بحب البوست ده
تحياتى
ايه ده عايزاهم يلغوا سنة 98 ليه بس
دى سنة جميلة علشان انتى جيتى فيها
تفائلى الخير يا جميل
تحياتى
والله صدفه ان الذكري دي تيجي مع مناسبه تتويجك مشرفه علينا وصيتك اخواتك يابنتي افتحيها لنا علي البحري بقي عاوزين نعوم علي وش الفته
مش هقولك غير جملتين
نفسى انا تلاقى انا
ونفسى الاقى حد يفهمنى انا
ده غيركم طبعا لانكم اكتر ناس فاهمنى
بس هو ايه الاشراف اللى بيقول عليه الدكتور ده
الموقع واقع للاسف
ع العموم انا معتبراكى مشرفه من زماااااااااان انا اديتك اللقب يا مثلى الاعلى
كلماتك مؤثرة جدااااااا بجد
تحياتى
فنون..... شكرا ع المساحة الكبيرة من التفكير دى اللى ساعدتينى أتحرك فيها ...
الله يبارك فيكي يا بنوتي الجميلة
معقولة مالكيش نفس :(
طيب ولا عشان خاطري طيب :(
وحياتي بقى هاتي نفس وتعالي
ممكن
ايه دا بجد :)
انت كنت بتهرب طيب ولا بتوه
اصل انا كنت بهرب مع سبق الاصرار والترصد
وكل مرة بيلاقوني بعد الهروب كنت بحاول اقنعهم اني كنت شوية وراجعه وان مافيش داعي للقلل والانهيار اللي هما فيه :)
بتشرف بردك حقيقي
اشكرك
القطة
انا متفائلة اوي مش شايفة البوست بيشر تفاؤل ازاي :)
98 عندي ناحيتها مشاعر مخطلطة جدا مابين حب شديد وكره فظيع
بس مش هقدر انكر اني فعلا اتولدت بجد فيها :)
اشكرك على ردك ونورتيني
د.لكتر
عووووم ياحج :)))))))))))
الله يبارك فيك يا محمد
انطلق وعوم ورينا الشغل ;)
( دي غمزة على فكرة ) ههههههه
الشاردة
هتلاقي اللي يفهمك لما تبقى فاهمه نفسك صح
انتي انسانة جميلة جدا يا ايمان
اقعدي مع نفسك في يوم وقليلها يانا يا انتي هلاقيكي يعني هلاقيكي
:)
الله يبارك فيكي واشكرك على كلامك الجميل
دينا
نورتي المدونة وياريت تكرري الزيارة
سعيدة ان البوست عجبك
دكتورة سمرمر
انا اللي بشكرك على ردك :)
رائع يا فنون بجد :)
أنـا بقى لسة دور على أنـا
و نفسي حد يفهم أنـا
و يحس بأنـا
ونفسي أعيش أنـا بتاعتي
مش بتاعة حد غيري
لنـا الله :D
إممم..أنا حاطاه كوبي عندي بس لتحسبيني لبخت :)
متزعليش آسفة
السلام عليكم و رحمة الله و بركاته
كل سنة و أنت طيبة أنا مش لاقية أي كلام أعبر بيه عن إعجابي بمواضيعك بجد أنت هايلة يا فنون و كلامك ده فكرني بمثل مشهور قوي لما قاله تعرف فلان قاله أه قاله عاشرته قاله لأه قاله يبقي متعرفوش و أكيد طبعا أنت أكتر واحدة معشراك وأدري واحدة بيك و جميل أوي أنك تصحبيك و تفضفضيلك كل شوية علشان تصلحي عيوبك و تزودي محاسنك و تطهريك أول بأول و خليك فاكرة دايما أن أكتر حد بقيلك في الدنيا ده هو أنت و بما أنه واضح أنك حتعشريك طول عمرك ليه متخليش نفسك أجمل حد تقبلي تقضي معاه كل لحظة من حياتك أنت طبعا أول مرة تشوفيني عندك فيالمدونة أصل أنا لسة جديدة خالص في الموضوع ده جديدة نوفي يعني بس و الله طلع لذيذ أوي يا ريت تبقي تشرفيني في المدونة و تقوليلي رأيك فيها بصراحة و السلام خير ختام
اكيد انا عارفه انك ما لبختيش يا ايمان
كنت اتمنى تسيبي تعليقاتك لاني بحبها :)
د- سلمى
نورتي المدونة واكيد هزور مدونتك
جميلة كلماتك ..لك مني جزيل الشكر :)
هههههههه..لا لبخت..أصلي كنت عايشة في حالة كئابة اليومين اللي فاتم :D
بس الحمد لله..أنا سعيدة وراضية لأن مفيش حاجة كانت تستدعي كل ده :D
ربنا يسعدك يا ايمان :)
Post a Comment