Wednesday, November 12, 2008

اخر حاجة تعلق عليها في البنت شخصيتها !!! استرجل

دي جملة اتقالت في اعلان بيجي في التيليفيزيون
يبدأ الاعلان ببنت مالهاش لازمة معدية على 4 شباب
( هاي يا مرسييييييييي) يقوم مرسي يرد يقولها هاااااي
بعدين يبص لاصحابه ويقولهم (شخصيتها جميلة جدا ) او حاجة زي كدا مش فاكرة
يقوم يطلعلك صوت كدا من حيث لا تعلم يقولك
أخر حاجة تعلق عليها في البنت شخصيتها !!!
استرجل !!
اشرب بتنجان ازرق ( اسم المشروب اللي مش هقول اسمه عشان ماعملهمش دعاية)
ايوا خير بقى !! نعم !!
بالنسبة لان الاعلان بيطلب من الراجل انه يسترجل وما يعلقش على شخصية البنت !!
حيث ان مش من الرجولة طبعا وقطعا انه يلفت نظره شخصية البنت !!
طيب مش كانوا يقولولنا المفروض الراجل يلفت نظره ايه بالظبط عشان يعلق عليه ويبقى راجل !!!
هو يعني ايه راجل من وجهة نظر صناع الاعلان !
أنا هتشل من ساعة ما شوفت الاعلان دا على فكرة ومش عارفه اعمل ايه بس انا عايزة ابهدلهم وعايزة الاعلان دا يتوقف فورا
انا حسيت بالاهانة بجد لما شوفته
ايه التفكير الافقي دا !!!!
هما الناس دول عايزين ايه بالظبط !
حد يقولي اروح فين ولا اعمل ايه انا مش قادرة الاعلان ضاغط على اعصابي لدرجة فوق احتمالي
همووووووووووووووووووت

كفاية تعامل مع المرأة على انها حاجة حلوة معدية
احنا عندنا مخ على فكرة وعندنا شخصية
وعندنا احساس
يعني الخلاصة بني ادمين !!

34 التعليقات:

رئيس جمهوريه نفسى said...

اعلان فى مجتمع شرقى ذكورى حيتقال علية اية يعنى كدعاية فى الاعلان بص لعقل البنت ولا احترمها لنفسها ولا ذكاءها ولا شخصيتها انا شفت جزء من الاعلان تحديدا بتاع الجملة وبعدين اشرب .....
تفتكرى لو ولد فى طور المراهقة وشاف الاعلان دة وكان بينظر لصديقته في المدرسة كعقل وكيان وانسان لا يختلف عنه وشدته ليها شخصيتها حيبتدى يفكر يبقى راجل مع البنت دى وحيفكر فى اية
حسبى اللة ونعمة الوكيل

Fatma said...

بالظبط

تخيل الافكار المهببة اللي بتتزرع جوا الاطفال من الاعلان دا واشباهه

انا فعلا مش قادرة اسكت والله

كفاية اهانة بقى انا تعبت

اتشرفت بزيارتك

semsem said...

ههههههههههه
قصدك تقول انها جت على الاعلان ده

اقوله حول المحطه لانهم حتى لو وقفت فى ميدان عام وزعقت وقلت انا راجل محدش هيسمعك
الا لو كنت بتشرف مشروب هباب الطين
فعلا الاعلان مستفز لدرجه الغليان
ذى حاجات كتير بقت مستفزه فى كل حته

ولا عزاء للرجال

تحياتى

Fatma said...

سمسم

والله لا عزاء للستات

يعني الاعلان دا ماعداش على ولا واحدة ست قبل ما ينزل ورفضته

لا في الشركة اللي نفذت ولا في الشركة المعلنة ولا في القنوات

مافيش ست حست انها بتتهان من اللي بيحصل دا

لا لا لا

انا بغلي على فكرة

RoMeTa said...

مش عارفه ايه الناس دى
هنفضل ساكتين على وضع الست كجسد لحد امتى ؟
لحد امتى هنفضل مجتمع تافه
الاعلان بيوضح قد ايه ان تفكير الناس بقى حيوانى بحت
شئ يعصب بجد
الله المستعان

Fatma said...

روميتا

مش بيقولوا السكوت علامة الرضا

احنا بقى واكلين سد الحنك وساكتين ليه

راضيين بقى ولا ايه

الاعلان فعلا زي ما بتقولي بيعكس النظرة المجنونة للانثى اللي بقت دارجة دلوقتي

كفاية بقى اهانة

RoMeTa said...

طيب ياريت نعمل حمله والله نقضى بيها على التخلف ده
ونوضح مدى مرض التفكير ده
ياريت منفضلش بنتكلم وبس
عايزه ابدا
بس مش عارفه منين :s

Fatma said...

دا بالظبط اللي انا بفكر فيه

حملة ضد اهانة المرأة بالشكل المسف دا في الاعلانات

انا شايفه ان الشباب كمان لازم يعملوا حملة ضد اعلان خلي السلاح صاحي

دي فضيحة وقلة ادب والله

بس كل واحد يتكلم في اللي يخصه :)

انا بحضر حاجة وهقولك عليها اول ما تجهز

RoMeTa said...

ايوه ولا الاعلان التانى بتاع الحبايه الحمرا والقهوه ... ايه الهم ده

بس صح خلينا احنا فينا
"المرأه ليست بجسد "

Rania Lelah said...

حبيبه قلبىمضايقه ليه بس
دة مجرد اعلان و بلاش نكبر الموضوع
اه معاكى انها حاجة تضايق
بس بلاش نعمم
مش كل الراجاله شايفنا مهمين و م كلهم فاكرنا بردة العكس
كفايه اننا نبقى فخورين بنفسنا و بذكاءناو بعلمنا و الى بنثبته كل يوم عن التانى
الرجاله عارفين احنا ايه و بنعمل ايه و مدى تاثرينا فى المجتمع اصلا
صح يا سكر

اول زيارة

تحياتى

Superman said...

كنت بتفرج علي برنامج خالد الغندور علي دريم..في الفاصل قمت و سبت التليفزيون..
و سمعت من بعيد صوت واحد في التليفزيون بيقول استرجل!
قلت يمكن البرنامج رجع و بيجيبوا خناقة في الملعب طلع إعلان لمشروب!

اصلا كلمة "إسترجل" دي مستفزة جدآ..يعني فيها إهانة للراجل..زي ما الإعلان بتاع مرسي فيه إهانة للبنت..

هي حملة إعلانات شعارها "إسترجل" و اشرب..
علي اساس ان المشروب ده مش للرجالة..
بيحاولوا يربوا ثقافة "السمكري اخذ زجاجة الجعة و اخذ يحتسيها امام التلفاز و هو يشاهد المباراة"..
بس احنا مش إنجليز..

اتمني تتوقف و يجيبوا لنا العبقري اللي اخرج الإعلانات عشان يشوف المشاهدين هيسترجلوا معاه ازاى!

Yasmine said...

هنا كمان ده الموضوع واضح انه معصبك على الاخر يعنى :D
حلوة الفكرة دى اوى..زى ما تقولى كده كنت ابتديت حاجة شبهها على الفيس بوك و بعدين سبتها هنا احسن ما حدش عارف حد :D

على فكرة الاعلانات التانية اللى بتحكى عليها دى كان المفروض تتوقف من زمان و خصوصا الاعلانات بتاعت السنة اللى فاتت مش عايزة اشرحها منعا للقرف بس فعلا مش فاهمة ازاى الرجالة ما حسوش باهانة رهيبة من السفالة دى

بالنسبة للحملة فانا معاكى جدا..تحيا نون النسوة:D
بس عايزين اسم يقول ان اللى بيبص للست على انها جسم حلو تبقى المشكلة فيه هو.. يعنى اسم ما يركزش بس على ان الست مش مجرد شكل اسم يهزق المتخلفين كمان..هفكر فى الموضوع ده و اجى تانى

Unknown said...

فعلا منتهي التخلف. يبدو ان البنت ذات الشخصية تؤثر بالسلب علي ثقة الرجل الشرقي بنفسه و تهز غرور شخصيته ان يكون هو الاقوي و الاذكي لذلك يتجنب ان يمدح شخصية المرأة حيث يري هذا انتقاصا من رجولته.

الحل مع هذا الاعلان هو حملة علي الفيس بوك تدعو الفتيات و النساء لمقاطعة هذا المنتج. و طبعا الرجال المتحضرين مدعوون لابراز مساندتهم بالمشاركة في المقاطعة.

أما تغيير هذا النمط في التفكير لدي المجتمع فيحتاج لوقت اطول و وسائل اخري.

dr.lecter said...

سلميلي علي مشيره خطاب وسوزان مبارك وكل المنظمات الاهليه اللي بتساند المراه

هاقولهالك بصراحه يافنون وماتتصدميش

لو فيه 10 في البلد دي بيحترموا المراه اعرفي ان 100 التانيين تفكيرهم زي الاعلان بالظبط وان المراه بالنسبه لهم كائن درجه تلته

مش عاوز اقولك علي ناس المفروض انهم من النوع الجنتيه واللبقين جدا في تعاملتهم مع المراه وبيفرشوا لهم الارض بستان البهوات دول اللي بيطلعوا زي جمال مبارك ويقولوا شعارات شوفي بقي بيقولوا علي الستات ايه من ورا ظهركم


انسي يافاطمه هنفضل متخلفين للاسف

Anonymous said...

مين قال كدة :)

لا :)

Fatma said...

رانيا

نورتيني وشرفتيني باول زيارة

بس صدقيني انا مش مكبرة الموضوع

ممكن اكون تحمست زيادة بس الموضوع كبير

اغلب الرجالة اول حاجة بيبصوا ليها في البنت شكلها ودا مش غلط بس الغلط انه يكون على حساب حاجات تانية كتير

لو واحد بيجي يخطب بتلاي في الغالب الموصافات طويلة او قصيرة بيضة او سمرة شعرها مش عارفه مالة وعنيها فوحلوئي

كام واحد بيقول عايزها ذكية وعندها شخصية ؟؟؟!!!

يمكن البنات تتحمل جزء من المسؤولية في الموضوع دا بانهم عجبتهم فكرة انهم يكونوا تابلوهات جميلة بتدي منظر حلو للبيت !!!

نورتيني بجد بزيارتك واتمنى انها تتكرر

Fatma said...

سلطان

انا اصلا مش فاهمه

يعني عاملين حملة اسمها استرجل ! كانت فرصة كطويسة يعرضوا معاني حلوة للرجولة

دا بغض النظر اني اصلا شايفه من موقعي هذا كواحدة بتاعت تسويق ان الفكرة فاشلة لان دا مشروب للجنسين

هل معنى حملة استرجل اني لو شربت هيطلعلي شنب ؟!!!

الا لو ناويين بقى يكملوا الحملة ب (اتستتي ) او ( اتنسوني ) وتكون موجهه للستات

حاجة تقرف والله

Fatma said...

بنوتي

معاكي قلبا وقالبا

ايه رأيك

( انا عندي مخ وشخصية ..انا مش طبق مهلبية )

:)))))

انا قولتها على سبيل الدوعابة الحقيقة بس بعد كدا حبيتها :))

Fatma said...

فعلا منتهي التخلف. يبدو ان البنت ذات الشخصية تؤثر بالسلب علي ثقة الرجل الشرقي بنفسه و تهز غرور شخصيته ان يكون هو الاقوي و الاذكي لذلك يتجنب ان يمدح شخصية المرأة حيث يري هذا انتقاصا من رجولته


______________

بينك

يسلم فومك يا شيخة

جاري التحضير للحملة وهبلغك على مدونتك اذا حابة تكوني معانا

شرفتيني بزيارتك حقيقي

Fatma said...

لا يا محمد هنحاول نعمل فرق

التوعية بتجيب نتيجة

لما نحسس الراجل انه بتجاهله لشخصية الست ومخها دا شيئ بينتقص من قدره ممكن نعمل رد فعل عكسي

والرجالة وقتها يحاولوا يثبتوا لنفسهم انهم مش بالسطحية دي

نحاول مش هنخسر حاجة :)

Fatma said...

ايمان

مين قال ايه

لا ايه ؟؟!!

دا اعلان مسف على ال تي في يا ايمان

مش عارفه شوفتيه ولا لا

بس هو منتهى الاستفزاز

Desert cat said...

اااااااااه يا فنونة
شوفت الاعلان ده ودمى اتحرق بجد
مش قادرة اتخيل كم المهازل اللى بتحصل للبنات فى الاعلام فى مجتمعنا
مروة رخا كانت كاتبة حاجه مشابهه
وده معناه اننا كلنا مستفزين من الارف اللى بيتعرض علينا فى الاعلام ده

تحياتى

Anonymous said...

لا مش بقول على الاعلان

كنت بعلق على الرد اللي قبلي على طول :(

Yasmine said...

رد لكتر ده المفروض يتعمل موضوع لوحده..و شهد شاهد من اهلها :)

حلوة حكاية المهلبية دى تصدقى :D
بس زودى عليها يا اهبل
يعنى "انا عندى مخ و شخصية..مش طبق مهلبية يا اهبل :D"
بجد مش طايقة العقليات دى انا هتشلللل من اللى بشوفه فى الشارع

Fatma said...

القطة

انا سمعت انهم وقفوا واحد من الاعلانات القذرة دي

عقبال الباقي

Fatma said...

ايمان

اه فهمتك

لا صدقي

كلام لكتر صح الى حد كبير يا ايمان

دي الحقيقة المرة حتى شوفي رد فلة


فلة ...

عجبتني مووووت الاضافة :)))))))

Amrsayshi said...

First of all .. i agree with all the serious stuff u all just said like everyone does.. but these guys obviously don't mean what u estimated it's just a funny commercial.. listen to the sound saying " ESTRGEL!!! " anyone can see that he's kidding .. i'm a mktg excutive so i know what i'm talking about.. for those who are not familiar with the concept it's called a "JOKE"
i respected ur opinions . hope to get the same from u .
thnx

Fatma said...

Amrsayshi

I know it is suppose to be a funny commercial bu unfortunately its not funny at all
Mmm
May be am not familiar with the ""JOKE" concept
As long as its insulting women
Sure I do respect you opinion and welcome to my small world
I cant deny that am a bit surprised that you made an account specially to reply on this topic in my blog
But welcome any way
Oh
By the way
Am a marketing manager :)

Amrsayshi said...

U find it insulting ,i find it funny..lots of people r on ma side lots r in urs .. dat's not da point..there's tons of other stuff on tv and internet that's way more insulting to women,plus no one finds it funny ... and i made an account coz i wanted 2 say wat i just said .. coz some people " maybe few " can get really carried away" i honestly don't mean u..u have a point and u stick to it and that's smthin i respect :)
oh by the way

Good 4 u :D

Fatma said...

Amrsayshi


:)and ....you work for this company

If yes I do respect your loyalty very much actually
And I appreciate if you can deliver our point of view to them even if we are a minority
Hope to see you again

Amrsayshi said...

i don't work 4 them , but i like that u took a shot :D and about ur point of view i think they already know about it..is the ad still on tv ?? i haven't seen it in about a week.. if it's not, i guess people in ur side were a majority... :D by the way i liked out little argument..i hope they make another ad to fight about again ..see ya

مواطن مصري said...

و الله عندك حق انا عمال افكر في الموضوع و اسال نفسي هي الرجولة ان واحد يشرب المشروب المعفن دةةةةةة

leeno said...

what the hell??????

الله يقرفهم بصراحة

شكولاتة said...

متفقه معاكي في لك كلمه :)
هما خلصوا كل الافكار وبيدورا علي جديد غير متداول
فاضين وفيه ناس مطاوعهم وبتسرف عليهم