Sunday, March 15, 2009

دربي الذي أردت



كثيرا ما اعتقدت ان الحياة التي اعيشها لم تخلق لي
او لم اخلق لها

حلم وحلم وحلم وحلم
واستيقظت على واقع لا يمت لأحلامي بأي صلة


مشيت دروب عدة ..انا من اخترتها وقررت السير فيها
لم يكن اي منها دربي الذي اردت

37 التعليقات:

romansy said...

اوقات كتير بنبقى مجبرين اننا نمشى فى طريق عمرنا ما حلمنا بيه بس ممكن نقدر نخلى الطريق دا حلو باننا نقدر نفهم احنا عايزين ايه منه

Superman said...

يمكن الصورة تبان غامقة شوية لما نقول انك مشيتي دروب كتير و كلهم مش لكي!
بس مش شايفة ان برضه ده معناه ان يوم ما ان شاء الله تلاقي طريقك..هتبقي ماشية فيه و انتي عارفة قيمته و كمان عندك معرفة بكل الدروب التانية؟

ساعات الواحد بيتعب شوية..بس يوم ما بيرتاح بيلاقي انه كسب حاجات كتير بسبب تعبه عشان يوصل للراحة!

Founoon said...

رومانسي

ماهي المشكلة ان ماحدش اجبرني على حاجة :)
انا عارفه انا عايزة ايه
فابالنسبة لي
نقدر نخلي الطريق دا حلو لو قدرنا نفهم يتراح منين
لفيت كتير في طرق حواليه وعمري ما عرفت احط رجلي على اوله

Founoon said...

ماقدرش اقول انها ماكانتش ليا

مادام عشتها يبقى مكتوبة عليا
بس احساسي بيها كدا
احساسي اني واحدة تانية مش دي حياتها ولا دي سكتها

بالرغم من انها كلها اختيارتي بس ولا حاجة فيهم كنت عايزاها

مش عارفه ازاي انسان يختار حاجة مش عايزها

Superman said...

سؤال محير فعلآ..إزاى واحد يختار حاجة هو مش عايزها؟

بس لازم عشان تعرفي إجابة السؤال ده..تسألي نفسك ليه انتي اخترتي حاجات انتي مش عايزاها؟

خليني أقولك ليه انا إخترت حاجات كنت مش عايزها..

انا كنت عايزة حاجة حلوة بس اللي كان متاح لي الحاجات اللي اخترت منها..

انا مكنتش عايز أدرس بيزنس..كنت عايز أدرس سينما..
إضطريت عشان الظروف الجغرافية..ادرس بيزنس!

و في الكلية مكنتش عايز اختار تخصصي اللي درسته..و غيرته مرتين..
بس في النهاية إخترت أفضل الحلول اللي كلها كانت سخيفة بالنسبة لي!

ممكن تكوني إتـخدعتي في تقدير إختيارات معينة..و ممكن تكوني مادرستيش الإختيارات اللي ممكن تتوافر لو أستنيتي شوية..
و ممكن اصلا مكنش عندك فرصة انك تقدري او تستني..كنتي لازم تختاري في التوقيت ده..

حاجة كده زي الـ30 ثانية بتوع جورج قرداحي :)

فاطمة معانا سلطان و هو واقف في سؤال المليون ريال..و قدامك 30 ثانية..

تبقي مش عارفة..تتخضي انك لازم تساعدي واحد يكسب مليون ريال..ولا ان قدامك 30 ثانية تسمعي سؤال صعب و 4 اختيارات و تجاوبي! :D

بس الأكيد إنك مش لازم تندمي علي حاجة إخترتيها..لانك اكيد استفدتي منها..

ده غير ان مفيش حد بيختار كل الحاجات صح في حياته..
و انا مسامح في المليون ريال اللي ضيعتيهم عليا لما قلتي لي الاجابة الغلط :D

leeno said...

آآآآآآآآآآآه

و طالعة من قلبي

عارفة .... مش قادرة اوصفلك شو حركتي باللي قلتيه

....

وجعتيني

momken said...

ربنا يهديكى لسواء السبيل

ويعرفك طريقك المستقيم

تحياتى

dr.lecter said...

مش يمكن في اخره الدروب دي تلاقي نفسك وتلاقي الدرب الحقيقي؟

مش يمكن بعد ده كله الحلم يتحقق ويبقي واقع؟

مش يمكن كان مقدر لك ده من الاول؟ وان علشان توصلي لازم تتعبي؟
no sweet wout sour

فيه اغنيه لمنيير اسمها اخر الترحال اكيد عارفاها

احنا بنختار بنفسنا مصائرنا والطرق بنفسنا ونمشي فيها حتي لو كنا شاكين فيها وحتي لو حسينا انها غلط بنكمل فيها مابنرجعش عنها وماينفعش نبص لورا لازم نمكل لغايه مانوصل


عاوزه بقي جو كابوسي شويه؟ مش يمكن انت لسه بتحلمي وكلنا عايشين في حلم ولسه مافقناش علي واقع
عمرك تخيلتي ده ان كل اللي فات ده كان حلم وانك لسه هتصحي منه ؟

انا حرة said...

مش عارفة احط الكلام جنب بعضه بحيث يعمل جملة مفيدة:D..انا اليومين دول فى حالة مضحكة بجد :)

بس كلنا هذا الرجل اتطمنى..انهاردة بالذات كنت بتمنى يكون فى حد هو اللى خد القرارات دى بدالى عشان امسك فى زمارة رقبته و اقوله ايه الكلية الهباب دى و ايه التخصص المنيل دا و ايه الشغل الممل اللى انا فيه دلوقتى دا..المصيبة انى بينطبق عليا المثل القائل انا اللى جبت دا كله لنفسي :D
و بجد هموت و اعرف ازاى الواحد بيختار بكامل ارادته حاجات هو اول واحد عارف انه مش عايزها..

بس انا بالنسبالى التفسير الوحيد المقنع انى بشغل نفسي عشان ابطل تفكير..و من ناحية تانية دا يعتبر استمرار للعبة الهروب الكبير اللى انتى عرفاها :)..دا بالنسبة للشغل على الاقل

و بعدين قررت بدل ما اقعد اعيط على اللبن المدلوق ادور على طريقة اعدل بيها اختياراتى دى او على الاقل استفيد منها للmaximum طول ما مفيش بدائل متاحة..و كل ما لاقى نفسي قربت انهار اقول ان كل حاجة بتحصل لسبب سواء على المستوى الشخصى او فى الدراسة و الشغل..اكيد كل اختيار من دول اضافلى حاجة او على الاقل منع عنى حاجة اوحش كنت ممكن اختارها.. حتى لو كنت شايفة انه مش دا طريقى ولا ده الامثل بالنسبالى فاكيد الcv بتاع حياتى زاد سطر يمكن ماشوفش اهميته دلوقتى بس اكيد هتبان بعدين..او انا بقنع نفسي بكده يعنى :)

المهم قوليلى الsms جابت نتيجة ولا لسه؟ :D

الشارده said...

ومين سمعك يا اختى
ساعات كتير بتساءل هو العيب فى مين ؟
وسؤال تانى اهم لما اخلامنا بتضيع ليه بنحلم من الاساس

بس برده لو بطلنا نحلم نموت اكيد

انتى ايه يا بنتى الى جرالك ده انتى كنتى الى بتدينا جرعة الامل
مش كفايه كبارى بقيتى انتى كمان
ده احنا سرنا باتع

Founoon said...

سلطان

انا كنت عايزة حاجة حلوة بس اللي كان متاح لي الحاجات اللي اخترت منها..

لا

ممكن تكوني إتـخدعتي في تقدير إختيارات معينة
لا

ممكن تكوني مادرستيش الإختيارات اللي ممكن تتوافر لو أستنيتي شوية

لا

ممكن اصلا مكنش عندك فرصة انك تقدري او تستني..كنتي لازم تختاري في التوقيت ده

ممكن

سلطان ...خسرت المليون بس كسبنا شوفتك :)

Founoon said...

لينو

سلامتك من اي وجع
انا كنت عارفه انك هتحسي بالبوست دا من قلبك
عشان يمكن انا وانتي في النقطة دي بالذات بنتشابه

Founoon said...

ممكن

آمين

ولك بالمثل

Founoon said...

لكتر

انا اتمنى الحقيقة اني اخر الرحلة الاقي ان الكنز كان في الرحلة نفسها ماكنش في هدف معين المفروض اوصله
على غرار the alchemist
دا حقيقي اقصى طموحي ..ان الطرق دي تكون ضروريات هتفيدني في طريقي الحقيقي لما ابتديه مش عارفه امتى

بالنسبة لكابوسك شكرررررررررررررررررا انا مش ناقصة اوهام في دماغي ارجوك انا اصلا بتلكك
ياريت حقيقي يطلع حلم واصحى الاقي نفسي لسه مخلصة ثانوية عامة حالا
يااااه

ياريت

Founoon said...

فلة

لا انا بحمد ربنا ان ماحدش اخدلي القرارات دي لاني فعلا فعلا كنت قتلته مش بهزر
لا مش قتلته
انا كان ممكن اعمله ترانشات
سلايس سلايس كدا بالراااااااااااااحة
ودا بالظبط اللي انا حاسة اني عايزة اعمله في نفسي
ياريت الواحد ينفع يعمل rewind لحياته ويعيشها من اول وجديد

اسكتي خااالص انتي وال SMS

Founoon said...

ايمان

اولا وحشتيني

ثانيا وثالثا ورابعا وخمسمية

امل مين ياما :)

انا وكباري عرفنا غلطنا واسفين على فكرة جدا جدا :)

The Seagull said...

مالك يا فنونة؟ :)

مواطن مصري said...

اةةةةةةةةةةةةةةة البوست دة بيوصف حالي قولتي الي في بالي

حلم احنا بنعيشة

احنا الي بصنعة و في الاخر نصتدم ب الواقع

samamasr said...

الحمد لله :)

إن مع العسر يسرا :)


أنا نجحت يا فنون في التيرم الأول..في الدبلومة :)


مادتين إمتياز,ومادتين جيد جدا :)



ربنا هيفرحك إن شاء الله,وهيريح قلبك وبالك :)


ربنا يفرحك :)


ربنا مش هيضيع..تعب حد..

ولا هيسيب حد حزين :)



إن مع العسر يسرا :)

samamasr said...

متيأسيش من ربنا :)

يمكن الدراسة..وفرحة النجاح فيها..بعد..تعب في حاجات تانية

زي الحياة

زي كل حاجة..بنعتقد إننا فاشلين فيها..ونفرح فيها:)


متيأسيش بجد من ربنا :)


..

"فإن مع العسر يسرا,إن مع العسر يسرا"
:)


صدق الله العظيم:)

samamasr said...

"اللهم أرح قلبها ونور دربها وكن حسبها فهي غالية وأحبها:) "

Appy said...

اكيد هيبقى فى النهايه طريق تختاريه وتلاقيه مناسب وكلها حاجات بنتعلم منها وبتقوي فينا حاجات وبتضعف ساعات بس الاحسن اننا نبعد عن الضعف يا بطتي

Founoon said...

يويو

انا الحمد لله :)

Founoon said...

مواطن

مش هقدر اقول اتصدمت بالواقع
انا يمكن اتصدمت اني ماشية في سكك مش حاسة انها بتاعتي مع اني انا اللي اخترتها

Founoon said...

مبرووووووووووك يا ايمان مبروووووك بجد

يااااه اخييييييييييييرا

ما تتصوريش انا فرحت ازاي بجد بجد

الف مبروك انتي تستاهلي كل خير
ربنا يا رب يديكي دايما على قد نيتك الصافية يا ايمان

Founoon said...

آبي

تخيلي بقى عندي شك اني هلاقي حاجة في الاخر ؟!

بجد بقيت بشك !

samamasr said...

مانا بقولك

إن ربنا مش هيسيب حد :D

وهتفرحي كمان :D

قصدي ليكي وربنا :D

زي النجاح..:D

لسة التيرم التاني كمان..ربنا يسهلها وان شاء الله آخد الدبلومة دي :D


وإنتي كمان..هتلاقي كرم ربنا كبير في حايتك :D بإذن الله :D

ليث said...

في اعتقادي ان الانسان اللي يختار الطريق اللي هو عارف انه مش الأحسن مشكلته في الاستسهال.
كل واحد فينا عنده اشياء بيستصعبها وان كانت سهلة عند الآخرين،
انا بشوف ان شخصية الانسان وبالتالي الطرق اللي بيمشيها في حياته بتكون ناتجة عن مواقف وقرارات اخدها قبل كده ... حتى من ايام ما كان طفل .. في مواقف بتعدي علينا بيكون قدامنا فيها الاختيار حتى واحنا اطفال.... مثال:
هانفترض ان اي طفل تعرض لموقف ما وهو عارف انه هايتعرض لعقاب على عملة عملها وقدامه اكتر من حل،
اما انه يكدب ويقول ماعملتش .. أو انه يلبسها لحد تاني .. أو إنه يقرر انه يكون صادق ويقول انا اللي عملتها، ولو اختار كده فبرده هايكون في اختيارات ، ممكن يقول انا عملتها بس ماكنتش اعرف انها غلط ويقعد يعيط مستعطفا ومستهبلا عشان مايتعاقبش، او يكون عنده القدرة انه يتحمل المسئولية ويتحمل العقاب على اللي عمله بل انه ممكن مايستناش لما حد يعرف ويروح يقول لمن يفترض انه هايعاقبه :على فكرة الحاجة الفلانية حصلت وانا اللي عملتها.
هنا انا عايز اقف عند نقطتين،
اول حاجة ان كل واحد من النمازج اللي فاتت في الآخر هايتعرض لرد فعل مختلف عن التاني وهايقرر انه اللي عمله ده نتيجته كانت ايه بالضبط وفي اغلب الأحيان (وليست كلها) ان التصرف اللي اتصرفه ده هايلازمه بقيت حياته وهايكون ده اسلوبه في التعامل مع المواقف الصعبة اللي بتقابله في حياته، دي واحدة.
التانية: تعالوا كده نبص بصة على كل واحد من دول ونتخيل شخصيته لما يكبر ويكون راجل او سيدة عايشة بيننا .... انا متخيل ان احنا نقدر نتخيل صورة كل واحد فيهم وشخصيته هاتبقى عامله ازاي، وده في حد ذاته انا باعتبره مؤيد لموضوع المواقف اللي بتكون شخصية الانسان.
انا عايز اقول ان الانسان فينا لما بيقف عند نقطة اختيار الطريق ولما بيكون عارف الطريق الصح من الطريق الغلط بتواجهه غالبا مشكلة، المشكلة دي ان الطريق الصح بيكون اصعب (وإلا الناس كلها كانت عملت الصح على طول) ... فالواحد بيحتار، اعمل الصح حتى لو كان صعب؟ ولا اعمل السهل حتى لو كان غلط؟
سؤال محير.... صح؟
طبعا الحياة مابتبقاش صريحة قوي كده، ودرجات الصعوبة بتختلف وقدرة الشخص الواحد على التعامل مع مختلف درجات الصعوبة بتختلف ده بالإضافة طبعا للظروف المحيطة اللي بتساعده او بتصعب عليه الاختيار،
المهم انه لما بيختار طريق هو مش راضي عنه او طرق هو مش عايزها وبيمشيها بإرادته الكاملة بيكون مشكلته غالبا في الاستسهال، ممكن يكون عارف انه المفروض انه يمشي في طريق تاني بس مستصعب الموضوع جدا فقرر انه ما يمشيش فيه ... او قرر انه يأجله شوية لما ربنا يسهل وتبقى عنده القدرة انه يمشيه، بس مشكلة الحل ده ان الدنيا مابتسيبناش في حالنا... بتاخدنا معاها ونفضل نأجل ونتشغل بحاجات تانية وننسى ... او نتناسى الطريق اللي احنا كان مفروض نرجعله، وفي اوقات كتييييير بيبقى شبه مستحيل اننا بعد العمر ده نرجع ونبتدي من الأول .... ونفسنا بتقولنا : خلاص بقى .. ما الحياة ماشية .. ان شاء الله ربنا لما يأذن هارجع وهاعمل كل حاجة صح، وللأسف بننسى إن الله لا يغير ما بقوم حتى يغيروا ما بأنفسهم ... وان ما فيش حد بيلاقي الحلول نازلاله من السما، ان ماكانش هاياخد قراره بنفسه مافيش حد هاياخدهوله، عشان كده بتفترق الناس عن بعضها مابين مستسهل و مستقتل.
لو حد فينا شايف انه مشي طرق ماكانش عايزها ، وحاسس انه لو الزمن رجع بيه كان ممكن مايمشيش الطرق دي، عليه انه يواجه نفسه ومايستسهلش انه يفضل زي ما هو وخلاص،
لازم يخوض تجربة الصح حتى لو كان صعب ... وحتى لو انه دلوقت بقى اصعب كمان بكتير عن زمان، لأنه بعد فترة هيلاقي حياته كلها بقت صعبة مش بس الطرق اللي بيمشيها،
من اكبر مشاكلنا ... الخوف من التغيير ونتايجه حتى لو كان التغيير للأحسن.
انا بحس ان الطريق الصح صعوبته بتبقى ممتعة،
الأم مثلا.... بيبقى قدامها اختيار بين صعب وسهل، بين انها تتعب نفسها وتحرق اعصابها و و و عشان تربي اولادها تربية ترضيها، او انها ماتتحملش الصعوبات دي وتسيب المركب تمشي والاولاد هايبقوا زي الفل ان شاء الله،
اللي بيحصل في الأغلب انها بتختار الصعب رغم انه بيهلكها ... بس بتبقى مستمتعة بالهلاك ده وماعندهاش استعداد ابدا انها تتخلى عنه رغم انه فعلا هلاك.
الصعب رغم صعوبته لكن ليه حلاوة وكفاية انك تبق راضي عن نفسك.

Founoon said...

ايمان

انا متشكرة جدا بجد والف مبروك تاني :)

Founoon said...

ليث

كلامك منطقي جدا الحقيقة
ممكن يكون الاستسهال
ممكن جدا بجد
مع اني مقاتلة بطبعي وما بستسلمش بس في نقطتين مهمين حكموا تصرفاتي طول عمري
1- اني ما بحبش التنافس وبتجنبه تماما فعلا ما بيثرنيش ابدا وببعد عن اي جو تنافسي تماما
2- اني لما بتشكك في النتايج ما ببدأش الموضوع اصلا
بمعنى اني لو مش واثقة مليون المية من قدرتي على النجاح في شيئ معين ما بحاولش اني اعمله
دايما بحسب قدراتي كويس حتى لو كنت عايزة الشيئ دا بقوة مجرد اني احس اني لا املك القدرات اللازمة لخوض معركة الحصول على الشيئ دي واني ممكن اخوض حرب وما وصلش الحاجة دا كفيل اني يخليني اشيل الفكرة من دماغي

فبالتالي

الروح القتالية اللي عندي كانت موجهه تمما لخوض معارك انا واثقة من قدرتي فيها حتى لو ماتوفقتش فيها فدي مشيئة ربنا بس اكون انا حاسبة قدراتي كويس
وبشرط انها تكون مش تنافس مع شخص اخر للوصول لهدف احنا الاتنين عايزين نوصله

انت ساعدتني كتير اني احلل الموقف على فكرة

يعني هو مش استسهال ..هو استقتال مشروط منعني يمكن منالاستمتاع بحلاوة اني اكون جربت اعمل حاجة نفسي فيها بجد وكان الاختيار التاني دايما هو اختياري

اشكرك على ردك الرائع

ليث said...

فنون
متشكر جدا على تقييمك المبالغ فيه لردي.
لكن... هواحنا ليه نحاول دايما نبص للنتيجة النهائية وياإما تبقى نجاح كامل وإما فلا،
انا ممكن اتفهم انك مابتحبيش التنافس رغم اني بعشقه،
لكن انك ما تمشيش طريق إلا لو كنت واثقة ومتأكدة من النتائج (حتى لو انت مؤمنة ان النتائج بيد الله ولو ماحصلتش مابتزعليش)..حتى لو كان كده ازاي الواحد يحرم نفسه من متعة التجربة والمحاولة.. خصوصا انه عارف انه بيعمل الصح
مش قادر اتخيل اني اجبر نفسي على شيء غلط او مش عايزه عشان مش واثق اني هاقدر اعمل الصح او اللي انا عايزه لإني لما بعمل كده بوصل في الآخر لنفس اللي كنت خايف منه بالإضافة لخسارة فرصة النجاح حتى لو كانت قليلة،
شيء تاني: معنى انك بتعملي كده انك دايما حاطة نفسك تحت ضغط رهيب لا يحتمل من ترقب نتائج ماتفعلين سواء من نفسك او ممن يهمك رأيهم وده فعلا شيء مهلك، كنت كلمتك فيه قبل كده،
طبعا كل واحد حر فيما يراه انسب له
لكن اتمنى انك تحرري نفسك من القيد الرهيب ده لأنك تستحقين المزيد

Founoon said...

طيب خلينا نبعد كلمتين " صح وغلط " من الحوار في موضوع الاختيارات ونستبدلهم بحاجة عايزاها وحاجة مش عايزاها عشان نكون ادق

انا مؤمنة ان النتايج دي حاجة ماليش تحكم فيها وانها بأمر الله وحده

انا بتكلم عن ثقتي في قدراتي اني اقدر انجح

لو مانجحتش يبقى دي ارادة ربنا

بس ما بقدرش ادخل في حاجة انا مش واثقة في قدراتي على النجاح فيها
لازم اكون مستعدة تماما لانه وبالرغم من كامل الاستعداد الواحد بيتفاجئ ان الحكاية مش زي ماهي باينة وان في صعوبات بتواجه الانسان
تخيل بقى لو انا كمان مش مستعدة ومش متأكدة من البداية اني اقدر

انا عارفه انه ضغط رهيب ومتأكدة اني فاتني كتير وعارفه ان البداية بعد فوات الاوان صعبة
يمكن عشان كدا انا عملت الموضوع دا

اشكرك

ليث said...

بغض النظر عن الصح او الغلط
وبغض النظر عن اي موضوع معين ممكن تكوني مش هاتقدري تعمليه حتى لو عايزاه عشان مش واثقة في قدرتك عليه
ده وارد وبيحصل لنا كلنا
انا بس عايزك ماتحرميش نفسك-بعد كده- من متعة التجربة وتحمل الصعب حتى لو انت مش واثقة في قدرتك على النجاح
هاتفرق معاك معاك كتير ... صدقيني
ربنا يوفقك

Here i'm said...

عارفة لو الواحد قعد يفكر فى طريقه اللى هوا فيه .. صدقينى محدش حيكمل .. تخيلى نفسك فى طريق طويل و عديتى نصفه .. حاجة من الاتنين .. ترجعى تانى و تخسرى كل اللى فات .. ولا تكملى بسرعة طريقك و زى ما قالت بنت مصرية و تكسبى سطر فى cv بتاعك حتى لو ملوش لازمة دلوقتى ..

حبى طريقك علشان تخلصى و طول ما حتعندى معاه حيعاند معاكى ..

Founoon said...

ليث

اوعدك هحاول :)

Founoon said...

لا لا لا يا كباري انا مش متفقة معاك خالص على فكرة

يعني انا لو في نص طريق وعرفت وايقنت اني ماشية في حاجة مش عايزاها افضل مكملة عشان خاطر ما ابتديش من الاول ؟

استمر في شبئ مش عايزاه لمجرد الاستخسار ؟!

اكيد دا مش انا والدليل قالوله :)

مانت عارف يا عم

Here i'm said...

بتقول قاللللللللللللللوله يا سيادة القاضى :D

لا انا قصدى لو انتى فى نص الطريق و مش باين ملامحه .. مش باين أنه الصح أو الغلط

أما لو بانت انه غلط فبديهى أنك ترجعى :D

لا ما انا عارف :)