Wednesday, April 08, 2009

! عندما يعبر العابرون مرة أخرى


ومازالت الحياة تفاجئني

ماذا يحدث ..ولما ..
غريب أن يعود الى حياتي أشخاص ظننت أنهم عابرون
لن أنكر أن عبورهم قد ترك أثر
ولكنني اعتبرتهم مجرد عابرون لم اتوقع ظهورهم مرة أخرى في حياتي أبدا ..أبدا


صديق قديم لا أعلم عنه شيئا منذ 5 سنوات تقريبا ..لم يكن صديقا بالمعنى الفعلي ..هوأقرب لأن يكون شخص عابر رمي لي بكلمات تحمل رموزا في وقت احتجت فيه لإشارة تدلني على الطريق


وامرأة تجاوزت الستين احترت في الماضي هل لها وجود حقيقي ام انها محض خيال
فهي أشبه بملاك يظهر في وقت الازمات وكفت عن الظهور في حياتي منذ قرابة ال 10 سنوات


ظهر الاثنان الآن مرة أخرى
هل لأني في حاجة حقيقية للسلام النفسي والحكمة والصبر الموجودين في داخل كلاهما وكان لهما عظيم الأثر في نفسي ؟

هل احتياجي لهذه الأشياء استدعاهم وسمعوا النداء ؟ أم هي تصاريف القدر !
أخشى أن يكون ظهورهم الآن ليس الا هدم لصورة خيالية وجدت داخلي واستقرت طوال السنوات الماضية

لم أتوقع ظهورهم مرة أخرى ..لا أنكر دهشتي ..ولكن ..لنرى !

32 التعليقات:

samamasr said...

ناس كانوا فاتوا في حياتي,ومن تاني ظهروا :)

وناس..شفتها مرة واحدة من يومين..واتأثرت بجد بيهم :)

وانتي كمان :)

بس..

بفرح بالناس

وأرجع..مش ألاقيهم بقى :)

فمبتعلقش

بناس رجعت من تاني ألاقيهم

وإنتي كمان :)

محمد فوزي said...

انا على العكس دائما ما تراودني فكرة انه لابد أن يعود كل العابرون يوما ما ! وإلا لماذا قابلناهم اول مره ؟ لماذا تأثرنا بهم ؟ لماذا كانت لنا معهم ذكريات لا ننساها ؟ اعرف انهم كما يبدوا لي الآن وبحكم انتهاء ظروف العبور لم يعودوا الآن في حياتي ولكني افكر كثيرا أنهم حتما سيعودون يوما ولو في لقاء سريع يعيد نفي الأثر والأثير الذي تركوه اول مره
ربما

samamasr said...

يعني ايه صبحتي الخير :)

dr.lecter said...

تصدقيني لو قلت لك انهم سمعوا اشارتك ولبوها؟

والله مابخرف بس فيه حاجات كتيره والله احنا لا يمكن نفهمها متعلقه بالكون الي هو عباره عن شبكه اتصالات وابريتبورز شغالين فيه بيربطوا بين المخلوقات

واخيرا عودتهم حاليا لها سبب كبير وهتشوفي بنفسك

مواطن مصري said...

يمكن عشان بتفكري فيهم فا طلعو او صدفة

Founoon said...

ايمان

انتي طيبة وحساسة خدي بالك من احساسك اوي

كلنا اتأثرنا بناس واتعلقنا بناس وعرفنا ناس وفارقنا ناس
هي دي الدنيا

صبحتي الخير دي يا ستي وانا صغيرة كنت بدل ما اقول صباح الخير كنت بقول صبحتي الخير ومن ساعتها معلقة معايا وكل اللي اعرفهم كويس صابتهم العدوى وبقوا لما يصبحوا عليا يقولوا صبحتي الخير :)

بس كدا
حكاية تافهه يعني

Founoon said...

فوزي

غريبة

انا بالنسبة لي العابرين عابرين وبس
عمري ما ستنيت ان حد يظهر تاني

انا معاك ان عودة ظهورهم تاني غالبا بمسح الاثر السابق اللي سابوه تماما ودا اللي انا حاساه حاليا بصراحة

Founoon said...

لكتر

والله انا مستغربة

هي اكيد ليها سبب بس اتمنى يكون سبب كويس

انا معاك ان الكون شبكة وان لما بتفكر في حد بيفكر فيك

بس الفكرة اني مافكرتش فيهم اساسا !!!!!!!

فعلا ما فكرتش فيهم خالص انا يمكن افتكرتهم كدا بشكل عابر زيما بفتكر ناس كتير

عشان كدا مستغربة ظهورهم في الوقت دا بالذات

كانت مفاجئة بالنسبة لي بصراحة

Founoon said...

مواطن

ماهي الفكرة اني ما بفكرش فيهم اساسا :)

هنشوف ربنا يستر

انا هقابل الست النهاردة
مش عارفه ليه حاسة باحاسيس غريبة

خايفةفعلا الصورة القديمةتتهد تماما

leeno said...

مش عارفة

انا بنساهم احيانا

مش بيعلقوا معايا كتير

و مش بفكر فيهم اصلا


علىالعموم حتى لو اتغيرت الصورة

خلاص ربنا سخرهم في وقت لصالحك

و عشان مصلحتك

مش هم اللي ليهم الفضل

يمكن هم كاشخاص كانو مجرد سبب ربنا اراد بيه الخير ليكي

تصدقي من ساعة ما قريت الموضوع بحاول افكر في حد عابر مش قادرة افتكر يمكن عشان انا الايام دي مش قادرة لا افكر و لا افتكر و لا عايزة اصلا ادخل في تفاصيل اي حاجة

عايزة التيار ياخدني و بس !

محمد فوزي said...

على فكره يا فنون انا كنت اقصد نفس مش نفي , وده يخلي ردك على تعليقي غريبه قوي بدل غريبه بس
D:

يمكن لأن في بعض العابرين مش بنساهم ابدا ودول تحديدا بتمنى ظهورهم تاني لكن هتستغربي اني اقولك اني كمان بخشاها لأنه يمكن بتركيبة حياتي دلوأت ظهورهم يلخبط حاجات كتير

ده ايه الموضوع الفلسفي العميق ده ؟
انتي على طول موضوعاتك كده ؟
ههههههه

مواطن مصري said...

بس خدي بالك متفتحيش موضوع شخصي معاهم

samamasr said...

صبحتي الخير :D
مسئوتي الخير :D

blackcairorose said...

كما قلت

لنرى

قد يكونوا أتوا باشارة غامضة منك، أو لهدم صورة تخيلية كما قلتي، او لبناء صورة جديدة ، أو استمرار لصورتهم القديمة،

كل الاحتمالات واردة وغير مقيدة بمفاهيم الجيد والسء المعتادة

ترقبي وانتظري واخبرينا لنعرف

انا حرة said...

انا العابرون فى حياتى كانوا من نوعية باكينام كدا فلكى ان تتخيلى مدى فرحتى بيهم قد ايه :D

بس بما انى دلوقتى تحديدا مقتنعة بموضوع العلامات دا اكتر من اى وقت فات فيمكن يكونوا العابرون بتوعك علامة على حاجة حلوة جاية فى الطريق..مين عارف

هكلمك انهاردة بالليل عشان تكونى خلصتى شغلك..وحشتينى اوى على فكرة

ذو النون المصري said...

يحدث لي احيانا شيء مماثل فاجد اني اقابل اناسا عرفتهم منذ زمن طويل او اجلس في مكان و تحدث احداثا اشك انها حدثت مرة من قبل و اندهش لذلك و افشل في التفسير

احمد سعيد said...

ممكن نقول انها تصاريف القدر

ممكن سيجنال احنا مش عارفينه بس بنحس بيه


ممكن حاجات كتير


بس فى الاخر اكيد لسبب

فيه كلمه كنت بقولها من زمان

ان الزمن كفيل بحل كل مشكله
واجابه كل سؤال
:)

تحياتى

soly88 said...

لابد هتلاقيهم مختلفين عن الوقت اللى شفتيهم فيه
حتى انت مش نفس الشخص اللى قابلوه قبل كده
ودايما توقع حدوث اى شيىء افضل من توقع حدوث شيىء بعينه

Founoon said...

لين

مالك بس قلقتيني عليكي اوي بجد

Founoon said...

محمد فوزي

:)اه كدا بقت غريبة اوي فعلا
معاك حق في ناس ظهورهم في اوقات معينة بظروفنا الحالية يلخبط ترتيبات
بس مش في حالتي دي خالص
عموما ظهورهم اسعدني من منطلق رؤية ناس عرفوك زمان اوي بتلاقي فيهم نفسك من كام سنة وتتأمل كنت ازاي وايه اللي اتغير فيك

Founoon said...

مواطن

ليه ؟!

Founoon said...

صبحتي الخير يا ايمان :)

Founoon said...

روز
فعلا زي ما قلتي كل الاحتمالات واردة

الصديق القديم مش موجود حاليا في مصر ف ما شوفتوش وما اظنه اني اشوفه
هو زي العادة قالي كلمات اثرت فيا جدا جدا جدا وبس

الست قابلتها ..تخيلي لسه زي ماهي الزمن ماغيرهاش بردو
ولسه عندها طاقات ايجابية تخليكي فرحانه جدا وانتي قاعدةمعاها
لسه ليها نفس التأثير
سعدت جدا بلقائها حقيقي
وبردو لا اعتقد ان اللقاء دا هيتكرر

Founoon said...

فلة

با كيناو ايه بس يا لطيف :)

مش شرط يكونوا علامة لحاجة لحلوة
انا اعتقد ان دورهم لا يتعدى انهم يدوني امل في الحياة ويعدوني بعدوى السلام النفسي اللي عندهم
ودا حصل الى حد ما
فاظن ان دورهم خلص for now
يمكن يكون في ظهور تاني بعد كام سنة تانيين اويمكن دا يكون الظهور الاخير الله اعلم

Founoon said...

ذو النون

انا بردو لما الماضي بيعيد نفسه باصاب بدهشة

من المواقف الغريبة فعلا

Founoon said...

احمد سعيد

تفتكر ؟
اقصد تفتكر ان الزمن فعلا هيجيب على كل الاسئلة ؟
كنت معتقدة كدا زمان دلوقتي متأكدةاني هموت وانا بردو مش عارفه حاجة
:)

Founoon said...

سولي

نعم فعلا انا اتغيرت كتير
وهما بالرغم من التغيرات في الظروف واحداث حياتهم لسه خطوطهم العريضة واضحة وزي ماهي
لسه ليهم نفس التأثير اللي اسعدني جدا الحقيقة
مش عارفه دا بردو نوع من الوهم اللي انا عملته لنفسي ولا هما فعلا لسه ليهم نفس التأثير

بـراااح said...

فنون
موضوع جميل جدا ... فحقا تسير الدنيا احيانا غلي نحو عجيب ... و تفاجانا في لحظات الاحتياج باشارات لم تكن لتخطر علي بالنا
مررت بتجربتك ... و لكن من ظهروا بحياتي لم يكونوا عابرين ... بل اصدقاء مقربين ...تبعدنا الحياة لشهور او سنوات ... و لكنهم يظهروا من العدم في اشد لحظات الاحتياج
كم تعجبت لهذا الظهور المفاجيء و كم كنت ممتنه له
اشكري الله علي هذه المنحةالجميلة و اساليه دوامها ...

nA3'oUm HaNeM said...

u know ya fonoun there is some1 i barley know whenever am sad or crying bashofo 2odamy... bb2a in the same moment b2ol i wanna c him so bad :S and he disappears L 7d ma batmana ashofo o bezhar :D:S
this really freaks me out :S:(

leeno said...

no need to worry honey

just a phase that we all pass through:)

samamasr said...

فينكم,إيه بيكم؟

Appy said...

اللى بيروح مش هيرجع انا عن نفسي لما بدي ضهري للعابرون مهما كان تاثيرهم مبعرفش ارجع لان لازم شئ ينكسر فى المرور اوي اوي ومبعشمش نفسي