Thursday, April 23, 2009

سرطان الثدي breast cancer

Pink ribbon

سرطان الثدي
هو نوع من أنواع السرطان يصيب في هذه الحالة انسجة الثدي يصيب الرجال والنساء ولكن الاصابة في الذكور نادرة الحدوث
السرطان بشكل عام هو نوع من الأمراض يجعل الخلايا المصابة به تنمو وتتغيير، وتتضاعف بصورة خارجة عن نطاق السيطرة مما يكون أورام
يعتبر سرطان الثدي من بين أبرز الأمراض المؤدية إلى الوفاة بين الإناث

الفحص المبكر
يمكنً للنساء إجراء الفحص الذاتي مرة كل شهر هذا بالاضافة للكشف السنوي بال ماموجرام بداية من سن العشرين
الماموجرام عبارة عن صورة أشعة اكس على الثدى ، وهو فحص بسيط وغير مؤلم تقوم به آله خاصة من آلات أشعة اكس
طريقة الفحص الذاتي
الوقوف أمام المرآة وفحص الثديين إذا كان هناك أي شيء غير معتاد ، تورم ، ألم ، إفرازات غير طبيعية..إلخ.
وضع اليدين خلف الرأس والضغط بهما إلى الأمام دون تحريك الرأس أثناء النظر في المرآة.
وضع اليدين على الوسط والانحناء قليلاً مع ضغط الكتفين والمرفقين إلى الأمام.
رفع اليد اليسرى واستخدام اليد اليمنى في فحص الثدي الأيسر من القسم الخارجي وبشكل دائري مع التركيز على المنطقة بين الثدي والإبط ومنطقة أسفل الإبط.
الضغط بلطف للتأكد اذا كانت هناك أية إفرازات غير طبيعية.
تكرار نفس الخطوات على الثدي الأيمن.
تعاد الخطوتان السابقتان عند الاستلقاء على الظهر

أعراض سرطان الثدي
ظهور ورم في موضوع معين من الثدي
تغير في شكل أو حجم الثدي
انخفاض أو نتوئات بالجلد
تغير في لون الجلد
خروج افرازات شفافة أو دموية من الثدي أثناء الفحص الذاتي

هناك بعض الحقائق الهامه التى يجب معرفتها

أولا : يوجد شفاء تام لبعض هذه الأورام الخبيثة وليس صحيحا إنه إذا ثبت وجود ورم خبيث فلا شفاء ولا رجاء.. هذا خطأ جدا. فنسبة الشفاء من الخبيث آخذه فى الإزدياد مع ظهور علاجات جديدة وعقاقير جديدة وقد تصل إلى 85-90 % فى الحالات المبكرة.

ثانيا : أهم عامل يحقق الشفاء التام هو الكشف المبكر والعلاج المبكر. كثير من المرضى يقولون "إننا لاحظنا وجود الورم الغريب منذ فترة لكنه لا يؤلم لذلك لم نفعل شيئا" وهذا خطأ أخرين من خوفهم من المرض ينكروا وجوده ولا يذهبوا للكشف وهذا أيضا خطأ

ثالثا : علاج سرطان الثدي أساسا جراحيا لكن يوجد علاج تكميلى على نفس الأهمية وهو علاج إشعاعى أو كيماوى أو هرمونى أو كلهم في نفس الوقت ويؤدى إلى نتائج جيدة.

رابعا : إذا تم إجراء جراحة للثدى فتوجد أجهزة تعويضية وعمليات تكميلية تحسن الواقع جدا وتقربه إلى الطبيعى
الإكتشاف المبكر بيفرق كتير

11 التعليقات:

samamasr said...

تسلمي,ربنا يجازيكي كل خير

وربنا يشفي كل مريض"مريض ومريضة" بإذن الله:)

مواطن مصري said...

ربنا يحمينا من المرض دة و يشفي كل مريض في كل مكان

Maga said...

ربنا يحفظنا ويحفظ بلدنا وسائر بلاد المسلمين
للاسف احنا عندنا مشكلة فى كل حاجة وبالذات فى الصحة يعني انا بعترف ان كلامك مظبوط والمفروض انه يحصل فحص شامل كل فترة بس انتى بتتكلمى عن السواد الاعظم من الناس محدش اصلا معاه فلوس يروح يتعالج من مرض وصدقيني اللى يفكر يروح يتعالج من مرض مستمر معاه من فترة مبيعرفش يجيب علاج ما بالك بفحص شامل كل فترة دي مسئولية حكومة مسئولية دولة عليها زى ما سممت الجو والبحر والبر تشوف احوال الناس انما احنا كمان داخليين على مصيبة اكبر ومش عارف ليه عدم الاهتام بالكارثة اللى جاية على مصر احنا ممكن فى لحظة من اللحظات تعلن الحجر الصحي على مصر بسبب عدم اهتما الحكومة بانفلونزا الطيور وتخيلي دا ممكن يسبب ايه فى مصر اقتصاديا اكتر ماهى بايظة

ReEm said...

فعلا كلامك صح

لو هتكلم على هنا بصراحة مشكلة الناس الخوف الرهيب من المرض ده لدرجة انهم يستبعدوه تماما و مش متقبلين حكاية الفحص المبكر و الفكرة المتخلفة انك بتفاول على نفسك

عن نفسي افتكر لما مرة من المرات لقيت زي الانتفاخ في الابط و قولت لماما ماتتخيلش رفض ماما للفحص في المستشفى كان ازاي و كمية الاحتمالات اللي حطتها المهم انه الموضوع مش بتاع مستشفيات و طبعا صعب اشيل نفسي و اروح زي مانتي عارفة غالبا هنا صعب خروج البنت لوحدها

لكن الحمدلله كانت المسألة لا خطيرة ولا حاجة و كم يوم و رجعت المنطقة طبيعية

بس بجد مش قادرة انسى رد فعل ماما لحد دلوقت و رفضها التام لمجرد الفكرة و الخوف منها طبعا معذورة كأم بس للأسف ده اللي بيخلي المرض يوصل لمراحل حرجة و صعبة العلاج او حتى و العياذ بالله البتر لأنه الاغلب مش بيروح المستشفى الا لما خلاص الامر يستفحل و يبقى لا يحتمل

dr.lecter said...

عمتي كان عندها السرطان ده قعدت تتاابع بعدما اسصالته لمده 10 سنين علاج كيماوي واشعاعي لان نسبه رجوعه عاليه جدا

ووالدتي كان عندها سرطان رحم اكتر نوعين منتشرين في مصر بين الستات الرحم والثدي

المشكله الاكبر في نظري هو مابعد الاستئصال لان فيه ستات كتير نفسيتهم بتنزل في الحضيض وبيحتاجوا ان ثقتهم ترجع تاني لان الانسان اللي بيصاب بالسرطان بيتهز جامد جدا من جوااه

الاهم كمان ان السرطان بيعمل حاجه اسمها metastasis

ده عباره اجزاء منه بيتنتشر في مجري الدم والرئه والعظم وبتبقي مشكله وقتها لان لازم تسيطر علي ده كله وتعرف تلحق قبل ماباقي الجسم يصاب

عودا احمد صحيح

samamasr said...

إنتي بخير :)

بإذن الله:)

samamasr said...

وفلة,بإذن الله:)

علشان غيابكم:)

انا حرة said...

انتى عارفة حكايتى مع المرض المرعب دا..و بالرغم من اللى عرفته و شوفته على مدار الشهرين السود دول الا انى يوم ما هشك فى الحكاية دى عمرى ما هفكر اروح لدكتور

بعيدا عن عقدى النفسية من الدكاترة واللى وصل لدرجة شككت ماما انى رحت مدارس ولا شفت تعليم :D
بس انا شوفت قدامى واحدة خفت منه تماما و عملت تجميل بعده و رجعت لحياتها الطبيعية تانى بس من خبرتى المتواضعة فى الحكاية دى بقولك ان الثقافة بتاعت الاكتشاف المبكر دى استحالة تلاقيها هنا و اكبر دليل على كدا اللى قالوا احمد والستات اللى لسه بيتفشخروا بتربية الفراخ لحد دلوقتى و من ناحية تانية المستشفيات بتاعتنا غير مجهزة بالمرة لرعاية المرضى دول لا طبيا ولا نفسيا و اسالينى انا

انا حرة said...

نسيت اقول لايمان شكرا
ربنا يخليكى يا ايمان يا رب..فلة كويسة اوى الحمد لله بس الشغل واخدنى من عالم النت اليومين دول
متشكرة اوى يا ايمان بجد على اهتمامك دا :)

samamasr said...

ربنا يهديلك الأحوال

Founoon said...

ربنا يعفو عنا ويشفي كل مريض يارب

المرض صعب بس لازم يبقى في وعي
التأخر في اكتشاف المرض بيزيد من المشكلة

أنا عندي في العيلة حالات كتير سرطان مش بس ثدي لا في سرطان رئة ومعدة وحلق
حتى لو احنا كجتمعاتنا بتعتبر ان الكشف بدون اسباب نوع من التفويل على النفس لازم نبتدي نغير الثقافة دي

يا احمد

البلد في موضوع الصحة بالذات مأساة بكل المقاييس
بس الكشف الذاتي والكشف الطبي مرة في السنة مش مكلف على فكرة
يعني مقدور عليه

بالنسبة للمصيبة الاكبر انا تقريبا خلاص جالي هلع

مش عارفه الخكومة مستنية ايه عشان تعدم الخنازير !!!!

احنا ناقصين يا ربي