Monday, May 04, 2009

عيد ميلاد الليلة مين ..عيد ميلاد النونة

كتبت ومسحت ..ومسحت وكتبت
حطيت وشيلت ..وشيلت وحطيت
وفي الأخر ماعنديش حاجة أقولها
ماعنديش غير سؤال واحد ونفسي ترد عليه
ليه كدا

30 التعليقات:

Anonymous said...

على فكرة,أنا بحبه قوي:)

وكنت متوقعة إنك هتعملي االموضوع:)

Empress appy said...

تونه تونه
ليه هتكرهينى فيها ليه

Yasmine said...

و قال انا داخلة اقولك مين دى اللى عيد ميلادها انهاردة الشغل دا قضى على شوية الذكاء اللى كانوا فاضلين :D
كل سنة و هو طيب و ربنا ينور بصيرته و يحلى كندا فى عينه فيسيبهالنا بقى عشان حقيقي كفاية علينا طلعته البهية لحد كدا..انا بقيت بشوفه يركبنى 100 عفريت بجد مش ممكن واحد فى سنه و لسه فاكر اسمه ايه اساسا يقوموا يمسكوه بلد!!!!
يا رب يا رب يا رب كمان مرة لما اوصل للسن دا يكون فيا نفس اصبغ لسه :D

nA3'oUm HaNeM said...

فله انا بتركبني عفاريت الارض و خارج الارض لما بسمع اسم رئيس بلدي
مش بس كره لا دي مراره ظلم بسببه المعفن الواطي الندل المحشش :@:@:@:@:@

محمد فوزي said...

ظرووف !!

Anonymous said...

على فكرة الرئيس كويس جدا

على فكرة حبوه,وهتحبوه

وهتلاقوا قد ايه انه,إنسان جميل قوي

ومواقف كتيرة له حلوة


فنون,,بتحبه جدا


بس من كتر حبها

بتسال ليه,,عن حاجات كتيرة


آسفة:)

dr.lecter said...

امبارح الجو كان زي اللوز تراب وغيمه من الساعه 9 الصبح لغايه 6 المغرب

تحس ان القاهره انتقلت مره واحده للصحراء الكبري كان حاجه فظيعه


وكان فيه حوالي 18 عربيه امن مركزي في جامعه القاهره

ياتري لييه؟


لو عرفت الحل اتصل علي قصر العروبه

soly88 said...

بصى احنا وعينا على الدنيا لقيناه
منعرفش غيره
تقولى تمانين ولا تسعين الشباب شباب القلب

Here i'm said...

عندنا فى اسكندرية شوفنا أسوء ما فى فى فصول السنة اليوم الدا :D

شوفنا رياح بتراب مع شويه شتاء مع حر مميت الصبح

كل سنة و سعاده بخير .. و كل سنة و احنا بخير .. و لا هوا بخير .. ولا احنا بخير .. و شيل دا من دا يرتاح دا عن دا

و بعدين الشعراوى قالها حكمة .. أذا كنت قدرنا فربنا يصبرنا .. و لو كنا قدرك فربنا يصبرك

بس هوا لغاية دلوقتى هوا قدرنا

الشارده said...

فيكى الخير والله
كل سنه وهو طيب ومصر بخير وازدهار والاقتصاد المصرى دايما فى السما والعبارات مبغرقش ابدا والاوبئه بتيجى عند مصر ومش بتستقر خالص

انا هوصى الحلوانى الى جنبنا يعمل تورتة كوسه كبيره بالشاميل ومتزقه بكريمة البتنجان

shabfa2re said...

هتوحشينا
:D

leeno said...

كل سنة و انتي طيبة يا حبيبتي
عقبال متلاقي جواب لسؤالك
و عقبال ما يبقى معندكيش تساؤلات توجعك


الحلم حلال برضه

Anonymous said...

هتوحشنا ليه؟؟

Jannah said...

ياخي قتلتوه
:D
الحالة خربانة من فوق لتحت
يعني لوكان غيره شكان سوى
الله يلطف بينا جميعا
:)

Maga said...

كانت امنية حياتي قبل ما اموت اشوف الزمالك واخد الدوري

دلوقتى اتغيرت الامنية ونفسي اشوفلي ريس قبل ما اموت مش مهم وحش ولا حلو المهم انه اتكتبلي فى السي في بتاعي انى حضرت ريسيين

كل مرة اشوفك فيها ببقى نفسيي أه... أه.....
اكمل النقاط

Fatma said...

ايمان

اللي بيحصل بقى كتير اوي
اوي بجد كفاية
مش حكاية حب وكره هو مش جوز خالتي
السيستم فيه خلل مريع
كفاية كدا فعلا

Fatma said...

ابي

ههههههههههههههههههههههههههه

واجب بردو معقوله يعني ما نهنيش بعيد الميدان

Fatma said...

فلة
المشكلة في السيستم
اصل انا مش مقتنعه ان اجهزة المخ ممكن تفضل شغالة بكفائة في المرحلة العمرية دي

نو اوفنس بس انا بتكلم بشكل علمي يعني

ومقتنعة تماما ان زيد وعبيد مش هيفرقوا عن بعض طول ما السيستم ما بيتغيرش

Fatma said...

نوغة

نوغة مش مصرية يا جماعة :)

وجب التنويه بس عشان ما نتشدش كلنا ونروح في ستين داهية :)

Fatma said...

فوزي

ظروف ايه بس اللي تعمل في ناس كدا

انا زعلانة اوي

اوي على فكرة

يا خسارة يا مصر

Fatma said...

لكتر

الجو يومها كان اسطوري

وكأن الدنيا كلها بتشاركنا فرحتنا باليوم دا

Does this ring any bell?

Fatma said...

soly

قلب ايه اللي انت جاي تقول عليه :)

اديني امارة طيب

Fatma said...

كوبري

الحمد لله الذي لا يحمد على مكروه سواه

Fatma said...

ايمان ( الشاردة )

موتيييييييييييني من الضحك

ابقى هاتيلي حتة

Fatma said...

شاب فقري

:)

تصدق بقى اهي دي الحسنة الوحيدة اللي عند سياته

ان سايبنا وطالقنا كدا

عملا بمبدأ الكلاب تعوي والقافلة تسير :)

Fatma said...

لين

وحشتيني اوي

دا مش حلم دا خيااااااااااااال

وهم

Fatma said...

جنة

شرفتيني بجد :)

الحالة خربانة تماما اكيد

ومش نتاج يوم ولا اتنين

الخراب بادي من بدري اوي من قبله بسنين طويلة

واللي احنا عايشين فيه نتاج تراكمات وقرارات غلط اتبنت على اساسها قرارات تانية غلط والعقد فرط وبقى مستحيل حد يلمه


لو كان غيره كان يمكن عمل احسن

مش هنكر ان الموضوع صعب
وعشان اكون فير الراجل في بداياته كان كويس

بس خلاااااااااص بقى كفااية بجد

مش معقول اللي احنا فيه

التغيير حلو بردو
يمكن لما واحد يجي بروح جديدة يحصل اي حاجة
الوضع من سيئ لأسوأ

وكلنا متضررين

احنا بنتكلم في الحد الادنى من المعيشة الادمية
مش طالبين المستحيل

العيب عندنا في السيستم

ولو هو راح وفضل السيستم زي ماهو هيفضل الوضع زي ماهو

محتاجين طفرة

Fatma said...

ماجا

لا انا لحقت السادات وانا في اللفة :)

mony said...

معاليه بقى عنده كام سنة؟

Fatma said...

موني

يخيبك هتنقي ع الراجل

احسبي معايا كدا

في حرب 73 كان قائد القوات الجوية يعني من 36 سنة
كان لواء

شوفي كدا اصغر لوا بيبقى عنده كام سنة وحطي عليهم 36 وقوليلي