Sunday, August 16, 2009

هلوسة




وقف تمسك في يدها علب دواء وهي تقول " خدي انتينال وسبازمو اميريز وبانادول خافض حرارة "
اين ذهبت السيدة مريم ؟ الم تكن العذراء هي من تزوروني في مثل هذه الاوقات ..وابدا لم تكن تخبرني باسماء الادوية التي يتوجب عليً اخذها كانت تكتفي باتسامة رائعة وتربيتة على موضع المي
من استبدل الام الحنون بهذه البني ادمه المملة !
 الحمى اني اتألم اتألم حقا
كم كانت مصر جميلة فيما مضى اهدتني صديقتي الصغيرة الرائعة كتاب كتبته جدتها تحكي فيه عن حبها العظيم لزوجة ابيها الكتاب مليئ بالقيم والرقي واللغة المستخدمة ولا اروع اين ذهبت مصر ؟ أبحث عن شيئ مفقود
اسمه وطن ..
 اني اتألم حقاً
بالتأكيد سبب الألم كم الأكل المرعب الذي اكلته في اليوم السابق ..فطار غدا عشا خارج المنزل والبلد مليئة بالأوبئة انفلونزا خنازير وانفلونزا طيور وطاعون وتايفود وخضار مروي بمياه المجاري ..بعض الناس لا تجد ما يسد جوعها وأنا آكل 3 مرات في يوم واحد خارج المنزل ...
الألم
ما يحكمشي ! ماهذه الاغنية الصفيقة التي ظهرت صبيحة يوم حوار جيمي المفتوح ! الم يكفيني ما تابعت من الحواروالذي أكد فيه جيمي بما لا يدع مجالا للشك ان مافيش مصريين عايزين يسافروا ! وكأن من أكلهم البحر وهم يحاولون الهرب كانوا يمارسون هواية الغرق ! نحن نعيش ازهى عصور الفوضى المنظمة بنظام ما يحكمشي !
يااا الله !!الألم غير محتمل
أكرهك لاني لا استطيع ان اسامحك ! أم اني لا استطيع ان أسامحك لأني اكرهك؟ كنت افخر بقدرتي الغير معقولة على العفو والغفران ..كيف يمكن لشخص ان يسامح شخصا اخرج من داخله اسوأ مافيه ؟
ان اسامحك هو شيئ فوق طاقتي وقدرتي وانت لا تستحقه وانا آسفة لنفسي...  وكيف اعفو عن شخص لا اذكره
أنا بالفعل بالكاد اتذكر وجهك
ولا اذكر تفاصيل الملامح
حاولت مرارا ان اتذكر صوتك ..كلماتك ..أي شيئ عنك ..فشلت
حاولت أن اتألم لفقدانك ويأبى قلبي الا ان يسعد
كم اشعر أنك غريب عني ..وأني لا أعرفك ..بل وكأننا لم نتقابل من قبل
كيف يمكن ان تطوى السنين في لحظات
اندهش من ذاكرتي ومن مقدرتها الفائقة على نسيان مالا اريد تذكره
أنت حقا لا تخطر لي على بال الا اذا ذكرت أمامي
ومثلك  لا يستحق الا ان يسقط من الذاكرة كما سقطت من النظر !
 جسدي يصرخ من الحمى 
اشعر انه يكرهني أو على افضل تقدير قرر ان ينفصل عني ولم ادعه في حاله فها أنا سممته ترى لو تحدث جسدي ماذا عساه ان يقول؟ سيصرخ ارحميني فارقيني .بالتأكيد !
كيف يمكن للألم أن يكون مؤلما الى هذا الحد ..
ما بين رحى الحياة تطحن حبات نفسي حتى تنسحق لم أعد شيئا متماسك ...فقط أشياء عدة لامتناهية الصغر منتشرة في كل مكان وكأني مبعثرة
ولكني اشعر بكم هائل من السلام النفسي ! اشعر انها هدية  لي ليس لاحد فضل في ذلك
يا الله كم انت كريم بمنحي هذا الكم من السكينة والرضا
هذا حقا اكثر مما اريد واكثر مما استحق
ماذا اريد ؟ أنا لم أطلب منك شيئا يا الله مؤخرا ! كلما حددت مطالبي وتوجهت اليك اجدني اردد يا الله يالله
لم أعد اريد شيئا ..فقط رحمتك فارحمني ولتكن مشيئتك وليجري في حياتي ما تريده انت
لن أطلب مرة أخرى طلب بعينه فكم أنا غبية في تحديد ما اريد ! كثيرا ما طلبت اشياء ظننتها خيرا ولم تكن كذلك
الألم فوق الاحتمال اريد أن أناااااام
النوم ياااه اعتقد انه شيئ جميل حقا ان ينام الانسان ويتوقف مخه عن العمل او على الأقل يقل نشاطه
يؤلمني مخي لا يتوقف أبدا ويزداد نشاطه في اوقات النوم
أبي أمي أخوتي..أهلي ..أصدقائي ..ايماني ....وطني المفقود ..قلبي الموجوع...عملي ...كتبي ..أفكاري ...احساسي ..طموحي ..حلمي الضائع ..واقعي ... ..موسيقاي المفضلة ..الرقص ..العود ...الليل والفجر وأنا وأنا وأنا
وانت  !
الساعة التاسعة ! بدأ اليوم الجديد ..يجب أن أذهب الى العمل ..ماذا قالت تلك التي زارتني ؟ نعم انتينال وسبازمو اميريز وبانادول خافض للحرارة ..أعتقد انهم سيفو بالغرض .

21 التعليقات:

leeno said...

لو تعرفي كم صرلي ما قريت موضوع و عيوني معلقة فيه و تركيزي فيكل كلمة و كل حرف

احساسي بالالم كان بيزيد مع كل سطر

الطريقة في وصف الاحاسيس رهيييييبة بجد انا كمان دخلت دوامة الهلاوس !

ما بين الحزن و الفرح و الضياع و التساؤلات و التفكير و الوطن و الخوف و المعارضة و الايمان و خلافه

ربنا يثبتك على ايمانك

لان الايمان هو اهم دوا

عندي تعليق على القدرة على الغفران

تصدقي ساعات بحس انه التسامح و الغفران دة احساس الهي مش بشري !
و معظم الاحيان مبحسش بيه !
خصوصا لما بيبقى الجرح ميغتفرش !
و من ناس المفروض يبقوا سندنا و نتكل عليهم مش نتوارى من ظلمهم !

بجد مبيبقاش عندي قدرة لا اسامح و لا اغفر و لا انسى

عارفة حتى لما ساعات بقول ربنا يسامحهم بيبقى من ورا قلبي !

مش بقدر انسى ابدااااااا و بحس معرفش بجد يعني ايه مسامحة ! حد اذاني اسامحه ازاي ؟؟

كل اللي بقدر اعكله اني اترفع عن اني ابقى زيه و اذيه !

موضوعوك وجعني على فكرة

انتي تستاهلى كل خير و حب و ربنا يكرمك و يديكي من واسع !

مش قادرة اقول حاجة تانية

بحبك اووي يا بنت

Yasmine said...

على قد ما انا مبسوطة انك رجعتى انتى تانى هنا
(فهمانى طبعا)
على قد ما انا متضايقة انك جالك صداع الافكار دا..بس الظاهر اننا حتى فى دى شبه بعض :)

بس بلاش ادوية الله يكرمك كفاية انا و اللى جرالى منها

انا لسه ما سمعتش ما يحكمش دى بس من كتر كلامك عنها استفزتينى انى اسمعها..انا بقالى 3 اسابيع مبطلة جرايد و يوم ما ابتديت اقرا شوفت اللى قتل مراته و ولاده الاتنين عشان خايف عليهم من الفقر و الفاكهة و الخضار اللى بيتغذوا على المجارى و ااسئلة اللى بتتلفق عشان احاسيس جيمى ما تتجرحش فى المؤتمر بتاعه والست اللى رمت بنتها و خطفت واحدة تانية عشان بنتها وحشة و التانية حلوة!!!!
ايه كم الاجرام اللى وصلناله دا!!

تصدقى لو قلتلك انى بقى عندى حالة خوف مش لقيالها اى مبرر..بجد كل حاجة بقت مرعبة بالنسبالى نفسي فى مكان معزول عن الناس كلها اتحط فيه لوحدى و حد يقفل عليا و يرمى مفتاحه فى المحيط الهندى

بالنسبة للمسامحة فانا قريت مقولة قبل كدا عجبتنى اوى.."ان تسامح يعنى ان تطلق سراح سجين فتكتشف ان هذا السجين هو انت"..لما تسامحى انتى اللى بترتاحى و اسالى مجرب..مفيش حاجة تستاهل انك تحتفظى بمشاعر سلبية ناحية حد مهما كان اللى عمله فيكى لانك لما تخلى الاحاسيس د عندك بتصعبى عليكى و مفيش اصعب من ان الواحد يصعب على نفسه

سلامتك يا قلبى :)

ســـــاره said...

لو كانت دي انتي
فسلامتك يافنون الف سلامة :)

وصفك للألم اكثر من رائع يمكن لأنه صادق وبيعبر عن حالة بتعيشيها .. بس كمان واضح انك بتحملي نفسك فوق طاقتها ..كم الأرق اللي بيجيلك قبل النوم ده اكيد لأسباب ولازم تعرفيها عشان تعرفي ترتاحي في الكام ساعه اللي بتناميهم

انا سمعت ان الواحد قبل ماينام يحاول يسترخي ويغمض عنيه وينسى كل حاجه حواليه وكل ماتجيله فكرة او حاجه يفكر فيها يحاول بأي شكل يطردها من باله شوية شوية هيلاقي فكره وباله مرتاح اوووي وبقى ريلاكس وعايز ينام .. لو بتعاني من قلق ماقبل النوم جربي الطريقة دي يمكن ترتاحي بإذن الله :)

بالنسبة للغفران فسامحي يافنون ماحدش عارف ربنا كاتبله الخير فين .. يمكن ربنا خلاكي تفقدي حاجه وهيعوضك احسن منها ان شاء الله .. بس كوني مؤمنه وراضية زي مابتقولي ..احساس الرضى رائع ومريح جدااا بيجعلك تتقبلي القدر وانتي اقوى واكثر ثبات .. وكمان انا قلت في البوست عندي وحقولهالك هنا .. سامحي ومن قلبك مش حباً في الشخص نفسه وانما لرضى الله عز وجل ثم نفسك .. لازم تسامحي وانتي من جواكي حابة تسامحي مش حاسة انك مضطره تسامحي ..هترتاحي نفسيا اوووي .. الزعل وانك تشيلي في قلبك من انسان بتبقى تقيله عالقلب اوووي ..يمكن بتتألمي ويمكن بتتوجعي بس كوني مؤمنه ان ربنا هيعوضك خير ..كل خير ان شاء الله .. وخصوصا ان حواليكي ناس كتير بتحبك ده كنز بيسعاله ناس كتير مابالك وانتي ربنا منعم عليكي بكده :)

ربنا يسعدك ويريح قلبك يارب
كل عام وانتي بألف خير

Romaya said...

الألم

يااااااااااااااه

بيفكرني بأمي الله يرحمها
كلمة آآآآه دي مبتروحش من دماغي ولا تفكيري
يارب يارب ماحد يحس بتعب ولا ذرة وجع ولا ألم في بدنه
وخصوصآ تعب النفس آآآه من عذابه

------

سيبك من جيمي واللي جابوه والقبيلة اللي وراه دول لوحدهم يبجيبوا ميت حمى في بعض

زي احمد عز حديدو يقولك المصريون يعيشون في رفاهية!

هم فعلا عايشين في رفاهية ما تحت خط الفقر

بجد الناس دي بتستخف بحال الشعب للدرجة دي
!

------

بالنسبه للتسامح

بصراحة فقدت القدرة عالتسامح
خلاص مبقتش قادرة اسامح واغفر تعبت

كنت بقول هلاقي راحتي في المسامحة وهلاقي اللي يقدر

لكن للأسف

جوايا اتمحى من اي عتاب او مسامحة لحد


سلامتك يا فنون

وكل رمضان وانتي بخير وبصحة

The Seagull said...

سلامتك يا فنونة ألف سلامة .. ربنا يشفيكي ويعافيكي ويزيح عنك يارب :)

مصر دي مش أمي دي مرات أبويا :D والله يا بنتي أنا بقيت مكبرة دماغي من كل حاجة في البلد دي وربنا يسترها علينا ويرحمنا برحمته الواسعة يا نهج على بلاد تانية يا نهج إلى العالم الآخر والحمد لله أووي على كدة :D .. وخصوصـًا بقى بعد ما قريت مقالة بلال فضل في المصري اليوم السبت اللي فات :D .. مافيش فايدة


بالنسبة لنقطة العفو والغفران جيتي على الجرح يا أختي والله :$ .. فيا عيب بشع ما بعرفش أسامح بسهولة أبدًا أبدًا خصوصـًا لو كانت ضربة قاضية من إنسان بعزه مش عايزة أقولك بنقلب 180 درجة بجد .. وحتى لو فكرت أسامح ما بعرفش أنسى أبدًا .. ممكن أنسى ناس كتيير جدًا أحسنت ليـا لكن إلا الأشخاص اللي أساءوا ليا في يوم من الأيام .. نفسي بجد أعرف أسامح كدة وأنسى .. نفسي بس للأسف حاولت كتير ما بأقدرش خالص :$


أنا عقلي اللي تعب مني وبيقولي ارحميني بقى :D .. ما بيرحمش نفسه من كتر التفكير والتحليل على طول شغال 48 ساعة في 24 ساعة :D لمـا خلاص بجد الأيام اللي فاتت دي كنت بعاني من صداع رهييييب رهيييب مصحوب بزغللة في العين من قلة النووم أولاً وكتر التفكير ثانيًا .. مش عارفة في ايه بجد .. غاوية أقرف في نفسي أنـا :D


ويا سلام على النوم والكوابيس طول الليل وتصحي طول النهار عمالة تفكري فيها وتحللي وتقولي كاني وماني :D


أنا كرهت نفسي يا شيخة والله :D

blue-wave said...

موضوع ولا اروع
وطريقه صياغه رائعه بالفعل
تحياتى

Jannah said...

خلي عنك جيمي و الوجع و ما يحكمشي و التحقي بعالم المجاذيب
والله مافي أحلى منه
:D

Jannah said...

كل سنة وانت طيبة
انشاء الله تكوني بخير الحين

Superman said...

سبازمو اميريز؟ هي بتعالج عيانين في اسبانيا..ايه اسامي الادوية العجيبة دى

شوربة و عليها لمونتين و اشربي بعدها شوية نعناع مغليين

سلامتك و رمضان كريم :)

Anonymous said...

العفو عند المقدرة:)

Anonymous said...

العفو عند المقدرة:)

Anonymous said...

العفو عند المقدرة:)

Fatma said...

لين
انا بحبك اكتر والله

وسلامتك من الوجع واسفه والله

بالنسبة للقدرة على الغفران بحمد ربنا عندي منها كتييير ومسامحة حقيقي ونسيان تام وممكن اتعامل تاني مع الشخص وممكن لا حسب السبب الاصلي بس حتى لو قررت اقطع بكون مسامحة بس اكتشفت اني مش هينفع افضل على علاقة بشخص بالشكل دا
بس في ناس فشلت
مش لاقية في قلبي اي شيئ يخليني اقدر اسامح
ودا مزعلني منهم اكتر
لانهم وصلوني اني افقد صفة كنت فرحانة جدا انها فيا
طلعوا من جوايا حاجة وحشة
فبفقد القدرة على سماحهم اكتر

فاهماني ؟

Fatma said...

نينتي

سمعتيها ولا لسه ؟
مأساة مروعة حقيقي

امبارح سمعت عن واحدة بنت عندها 10 سنين ساكنة هي واهلها في الرحاب مروحة من المدرسة الاوتو نزلها قدام البيت واستنى لما دخلت العمارة ومشي طلع يجري ورارها واحد واتحرش بيها

انا بقيت خايفة اوي اوي
الكلام دا في نهار رمضان في حتة كويسة وبنت عيلة صغيرة ايه الشر اللي بقى في الناس دا ايه كم الامراض دي

يا لطيف يارب

عن العفو والسماح والله عارفه بس احيانا بقف عاجزة !

Fatma said...

سارة
آه انا بس الحمد لله بقيت كويسة ميرسي يا سارة
العادي اني اول ما بحط راسي على المخدة بنام في لحظة لاني غالبا ما بدخلش السرير الا وانا بنهار من التعب والرغبة في النوم
بس اوقات لما بكون بفكر في حاجة مهمة حتى لو بموت ونفسي انام بيروح النوم مني للاسف

بالنسبة للسماح والله عارفة وانا كنت ياما بقول الكلام دا لكل الناس بس في ناس وقفت عندهم وعجزت حقيقي حسيت بالعجز اقصى ما استطعت اني اعمله اني انساهم تماما وما بقتش بفتكرهم خالص

Fatma said...

مروة
الله يرحمها
عجبتني اوي رفاهية ماتحت خط الفقر جامدة
لا حاولي تاني مع نفسك في موضوع السماح دا وانا اديني بحاول وربنا يسهل الحال انا طمعانة في عفو ربنا فلازم اقدم عفو عشان الاقي عفو

كل سنة وانتي طيبة مع انها متأخرة زيادة عن اللزوم

Fatma said...

يويو

الله يسلمك متشكرة جدا

روقي شوية وخفي على نفسك مش كدا يا يويو بجد

Fatma said...

بلو ويف

اشكرك بجد :)

Fatma said...

جنة

يا ريييت يالا خديني :)

انا اي مجاذيب من اي نوع بنجذبلهم فطريا كدا

الظاهر انا بداخلي مجذوبة كبيرة :)

Fatma said...

سلطان

هههههههههههههههه

ماشي ماشي متشكرين يا عم ع التريقة

انا بقيت زي القردة قال عدس قال
كان ناقصني عدس بعد كم الاكل المهول اللي اكلته
انا قعدت بعدها 4 ايام ما بحطش حاجة في بقى غير ميه يادوبك على ما اهضم

وانت طيب ولو انها متأخرة

Fatma said...

ايمان

حاضر :)