Saturday, December 19, 2009

المهزلة

ماكنتش ناوية اتكلم خالص ابدا نهائي عن مهزلة مصر والجزاير بس الخبر دا شنجني جدا وقضى على البقية الباقية من الصبر جوايا

http://www.shorouknews.com/ContentData.aspx?id=163460

كفاية بقى بجد كفاية

احنا كدبنا الكدبة وصدقنا نفسنا والعالم كله من حوالينا منقسم ما بين قرفان مننا ومصاب بنوبة ضحك هستيري علينا

عرررررة حاجة تعرررر بجد بقى احنا نسكت اكرملنا يمكن الناس تنسى او نصعب عليهم فيبطلوا ضخك علينا

كل اللي عملناه غلط من اول لقطة لاخر مشهد

من ساعة التسمم والكسكسي والبنج في التكييف والكلام دا كنا قدمنا مذكرة للفيفا تحقيق ولو لينا حق كنا خدناه ليه ماحصلش موقف رسمي من الحكومة المصرية ؟ ليه مافيش ولا محضر يوحد ربنا بالوقائع دي ؟

سؤال محتاج رد عليه فورا ؟ سكتنا ليه ؟

ليه لما جم ماتش القاهرة والالتراس ضربوهم بالطوب- باعتراف الالتراس شخصيا -اعلامنا عمل فيلم ساااذج ما يدخلش على عيل في ابتدائي؟ قال طوب جايبينه معاهم من برا قال !! ليه ماعذرناش بدل الانكار والفيلم الهابط ؟

بعد ماتش القاهرة لما اتقال ان في ميتيين جزائريين ليه مافيش موقف رسمي ؟فين الداخلية تنفي الادعاءات دي ؟ليه مافيش مسؤول محترم طلع في التيليفيزيونات ينفي الكلام دا بدل ما اعلامنا افتكر نفسه في عركة شارع وهاتك يا ردح ونرد على الشتيمة بشتيمة ؟ ليه ماستنكرناش تسخيين الاعلام الجزائري الكذاب ونعذر شعب واصلاله صورة بتقول اننا موتناهم ؟!!بدل مانقعد نشتم فيهم باسوأ الالفاظ العنصرية الموجودة والغير موجودة في الكتب !! ماكنش يصح اعلامنا ينساق لخناقة الحواري دي ابدا

لما يكونوا الجزائريين بيتابعوا إعلامنا ما يصحش ابدا يلاقوا كل الناس طالعين يسخروا منهم ويقولوا عليهم مش عرب أصلا ويعايروهم بالاحتلال ويفكروهم مرارا وتكرارا إننا أسيادهم مش عارفه بامارة ايه الى اخر الهراء

ليه في ماتش السودان باعتين ناس فاكرين نفسهم رايحين مهرجان كان ( حد يبعت فردوس عبد الحميد )مع انه معروف مسبقا انه ماتش مش بسيط وفي شحن نفسي بشع من الجانب الجزائري دول ناس فاكريين اننا موتنا مشجعينهم حطوا نفسكم مكانهم .فين مشجعيين الكورة. فين الالتراس اللي ضربوا منتخب الجزاير بالطوب ؟ وفين المشجعيين الاهلاوية اللي حرقوا مشجع زمالكاوي في احد الماتشات وليه الاندهاش من عنف مشجعيين الكورة الجزائريين واحنا عندنا زيهم بالظبط ؟!! كنا نبعت جمهور كورة ويتصرفوا مع بعض بقى بعيد عن الشعوب والحكومات اللي ماكانش المفروض تتدخل في خناقات عيال

نهايته ..احنا تعاملنا مع الوضع باسوأ ما يمكن دي ماتشات كورة وبيحصل كدا في العالم كله لو في غلط فهو علينا احنا تماما في كل حاجة بداية من اعلاميين مسخنتيه لفانيين جهلة عنصريين لابن رئيس الجمهورية اللي بيعاير الجزائريين انهم ما بيعرفوش يتكلموا عربي!!

نسكت بقى اكرملنا وننسى نغمة كله الا كرامتي اللي افتكرناها فجأة عشان شوية عيال تافهيين مشجعيين كورة متعصبين موجودين في كل العالم وموجودين عندنا بردو وياريت نفتكر ان المصريين بقالهم سنين بيتهانوا من القاصي والداني وجوا قبل برا وماحدش اتطرفله رمش

15 التعليقات:

Abdelrahman said...

بيقولك هايلطخ علم الفيفا بالدم ! ناقص يطلب من رواروة يجيله شايل كفنه !! فاكرين الجعجعة بتاعتهم هتنفعهم فى الفيفا، همة نسيوا الصفر بتاع ملف المونديال و لا إيه؟

Jannah said...

hehehehe
ça va?
elkhabar khalak te7ki??!!!yoyoyoyooyoyoyoyoyoyo
lit-hom nacharouh mn zamaaaaan
lol
ma3lich same7ni ma3ndich 3arabia hna
raj3a ne3ale9 3ala etadwina mn eljehaz etani
sabri
:)

Fatma said...

عبد الرحمن
اه والله دا اللي ناقص والتار ولا العار يا ولدي

Fatma said...

جنة

ca marche bien et toi? tu me manque walah
هصبر حاضر

:D

مهندس مصري بيحب مصر said...

و الله مسخرة
بس هو ده مستواهم
هما داخلين إتحاد الكورة سبوبة و مكسب و شهرة و عنطزة فاضية
إنما لو هدفهم الخدمة العامة ما كانش ده بقى الحال
عموماً السفاهة مش جديدة عليهم

ســـــاره said...

والله عندي كلام كتير حابة اقوله
بس عارفه ان ناس كتيييرة هتزعل مني
والمسألة مش مستاهله ابدااا :)

دخلت بس احييكي على مقالك فنون
واقولك ولكم باك :)

dr.lecter said...

والبقيه تاتي

انت لسه فاكره يابنتي الموضوع خلص خلاص واتطبخ واتزوق واحنا لبسناه صح

انا بحاول انسي انسي انت كمان او بطلي تفكير في السياسه واعملي زيي علشان هتتعبي اووي

Jannah said...

c tjrs le mm problème eljehaz elli
fih el3arabia kadiiiiiim wmariiiid manekdarch nektb menno
wman7ebch nektb bhad elogha elghariba
makanch a7san mn el3rbia fhad elmawakef
sabri tani :D

Jannah said...

كيبورد من جوجل اللعنة
D
المهم
فكرتيني فقصة مش عرب على اساس العروبة شرف ما بعده شرف
لا حول و لا قوةالا بالله
ما فينا ارمن و اكرادهناك وامازيغ هنا و هكذا
مالهم؟
ثم فعلا لولازم كلام عن الاعراق هم فعلا غالبية مو عرب وين المشكلة؟وايش المطلوب؟ وما العلاقة بالموضوع؟

ثم علاءمبارك نزل مستوى المصريين لما بدا يتكلم لغة شعبية
احنا فاهمين انه قاصد يتقربم ن الشعب و الخطة كلها بلهاء و واضحة
بس ماتوصلش لهاوهاوة
!!!!!!
هاوهاوة لأنه قام بشغله اللي يتقاضى عليه راتب؟
عمري ماشفته يسب المصريين او حتى يستقل
لمنتخب المصري فكل حواراته حتى بعد كل شي
من اللي هاوهاوة بس
??????

الحقيقة كلناعندنانهب وناس وصلوا مناصب بالرشوة والمعارف
لكن مهما كان فالمواقف الصعبة بيطلع واحد في المكان المناسب
لكن فمصر يبدو حتى هالواحد استغنوا عنه
وانكشفت هالمرة في الاعلام و الاتحاد
صحرآآء
وكملت بالفنانين
لما لقوا نفسهم فيعشوائية و فوضى قامو يحكوعن مؤامرة مدبرة من 7 سنين
!!!!!!!
الجزائر عندها تدابير من هالنوع وليش لكرة
!!!!!!
تقدم كبييير هاذا
!!!!!!
و كله كوم و الأغبيا جمهور الغبي عمرو اديب عليييهم افكآآر ضحكو عليهم البشرية
قالك جايينا الجزايريين يدخلوا علينامن حدود ليبيا ويعملوا حرب شوارع
مصر وكالةمن غير بواب
!!!!!

ولما يتصلو بارقام عشوائية يسبوهم قالو الدولة فاتحة عالدولي بالمجان

الجنرالات عيال كرم
والله مسخرة
!!!!!!
ماتعرفش فراسهم مخ ولا خوخة ولا رمانة ولا حجرة
يله يا رب نرتاح كلنا من الفاشلين و الفاسدين اللي كتروا علينا

وهذا زاهرمأثر بافلام فريد شوقي يوم حكايةالباص
:D
للاسف ماكانش شغل يراعو فيه احترام صورة مصر و شعب مصر كان ارتجال واخطاء و عشوائية
والحين اي شي يلبسوه صيغة اعتذار لانه طول وماجاش
وكملت بالاختلاقات :زياني يقول ارض الكنانة ولومة لائم
لا حووول
:DDDDD
طيب ليش من آول يخترعو مشلة
!!!!!!
اصلا الجزايريين ما يعرفوش يعطو لكل شي حجمه و غضوبين وما ينسوش
والقصة بالنسبة لهم توا بدأت
ياخي احنا نعرفوهم ومشاكلنا معاهم عمرها 30 سنةكدولة
لو كانمصر كان تحاربتو كل دقيقة بسلاح
!!!!!!
لازمنا احنا العرب عامة ننفتحوا على بعض وطباع بعض شوية ونعرفو نعاملو بعض الحقيقة

فراغات كبيرة فعقولنا كشفها هالموضوع من ضمن ما كشفه

اناطولت بس موضوع جوانبه كتيرة

Jannah said...

نسيت نقول حاجة ان السب المصريو جو نعبر من خلالهم والكذب و النبش في الارشيف بدأبعد ما المنتخب المصري بدأيتحرك وكلما الأمل يزيد كل ما الشتايم تزيد انما قبل كان الصمت
اللي فهمته انهمتضايقو من نتائج منتخب الجزائرخصوصآ نهم ماكانو متوقعين
فاعتبروا تشجيع الصحافة للمنتخب بشكل عادي ومألوف و فرحة و حماس الناس شتيمة لهم و اهانة
ولما ثفاءلوا شوية بدأوا يشتموا واولهم عمروالمؤدب
حاجات ممكن نحللها نفسيا متل ماهم صرفوا وقت يحللوفنفسية الجزائريين

ثم توالت الاحداث بالشكل اللي عارفينه
ولذلك بدوا هيستيريين لانه متضايقين +كل من عنده هدف ما حققوش

يصعبوا عليا الناس اللي صدقوهم و استغلوا مشاعرهم الوطنية

انا تكلمت كتير نروح الحين
انا موجودة الين غدا بالليل نتابع الموضوع ما نكتبش نقرا كافي ههههههههه
ولما نرجع نكمل قراية الباقي

salut!

leeno said...

اشكرك يا فنون

اعقل كلام سمعته من ساعتها

المشكلة بدات من قبل حتى على فكرة

كان ممن قبلها بفترة طويلة كل طرف بيشتم التاني و كان في شحن كبير لحد ما وصلنا للمهزلة دي

بجد بجد بجد الي بيحصل دة عيييييييييييب و مؤسف جدااااااااااااا

كفاية بقى كل الهوجة العجيبة دي على متش كورة

و في ناس بتشبه الجزاير باسرائيل و في ناس ملهاش اصلا لا فسياسة و لا فغيره و لا بتفهم فاي حاجة اصلا بقوا يفتوا و بطريقة مقززة

ياريت اللي موقفهم زيك يكتروا شوية لحسن بجد

احتراام ناس كتييييييييييير اتمسح الفترة دي

Fatma said...

مهندس
خدمة عامة ؟! قلبك ابيض :)

Fatma said...

سارة

والله مش محتاجة تقولي حاجة للأسف العالم كله شايفنا بصورة بشعة انا فعلا متألمة جدا حقيقي ودمي بيفور كل ما اشوف حماس الناس ضد الجزاير وكأنهم مناضلين

مساكين والله الناس ابتدوا يصعبوا عليا فعلا انا حزينة حزينة حزينة

Fatma said...

لكتر

الكورة والسياسة
المرة دي باظط منهم خالص لما اتغلبنا فكان لازم حاجة نمنص غضب الشعب قبل ما يفوق على الزفت اللي هو عايش فيه فكانت حكاية الجزاير والهوجة دي احسن مجال لتخريج الغضب قبل ما الناس تفكيرهم يروح للعيشة واحوال البلد

وتزامن دا طبعا مع ظهور العدرا حيق التغييب يبقى على مستوى عالي

ماهي لعبة الكورة باظط المرة دي لازم يلاقوا بديل سريع والحمد لله ان كاس الامم الافريقية جاي يلحق الموقف

بؤس !

Fatma said...

جنة

انا متفقة معاك الحقيقة

لين

الموضوع اكبر من ماتش كورة الموضوع شعبين حالتهم بؤس بيتم تغييبهم من خلال الكورة

اللي حصل يخدم مصالح الحكومات مليون المية لاخراج شحنة الغضب الداخلي في اي كلام بدل ما الناس تفوق