Monday, January 11, 2010

لتكن مشيئتك

عندما أصبحت على استعداد لتقبل وحدتي ..وجدت أناسا في كل مكان
وعندما عزمت على مواجهة مخاوفي …قابلت المحارب الساكن بداخلي
وحين قررت تقبل خسائري ..مُنحت عطايا لم أتوقعها
وفي لحظه استسلامي التام للشعور بالخواء…وجدت امتلاءا لانهائي

ما حاولت الهروب منه لاحقني ..وعندما قررت تقبله غيرني ..وأسعدني

*

الحياة مؤلمة..تعيسة ...سخيفة... نعاني فيها كثيرا ولكن لا داعي للاستعجال سوف تنتهي قريبا..ربما أسرع مما نتصور
*
توقف عن بناء الجدران ..وأبدأ ببناء الجسور .تلك الجدران التي تعتقد أنها تدرأ عنك ضرر الآخرين ما هي إلا وسيله لعزلك أنت عمن حولك..فتصبح وحدتك حتمية ..ويصبح سقوطك سهلا
*

لا يجب أن نعتقد نحن الأحياء أن الأموات يشعرون بالوحدة.. نحن فقط من نشعر بالوحدة ..لو كنت حصان أو شجره لما شعرت بما أشعر به الآن
حياة الكائنات الأخرى أكثر بساطه..أكثر وضوحا ..أكثر إنسانيه ..أكثر واقعية ..
نفقد نحن البشر يوما بعد يوم جزءا من آدميتنا ..جزءا من ارتباطنا وصلتنا بالعالم والكون من حولنا ..نتحول لأشياء ليس لها قلب..قتلنا أنفسنا يوم قتلنا أمنا..الأرض..حولنا الحياة لمعاملات مادية بحته سرق منها الإحساس
أريد أن أعيش في عالم أخر..بمعاير أخرى ... مؤقتا قررت الانتقال للعيش في عالمي الخاص بروحي..عالم مواز ..هكذا أفضل .. فلتنجو روحي وليبقى جسدي غارق في مادية هذا العالم
........

يا الله ...بينما أنا بعيده عنك .أسير في طريق مليء بالصعاب ..علمني أن أقول ..لتكن مشيئتك
على الرغم من الحزن..على الرغم من الألم ..امنحني القدرة على أن لا أتذمر... أن أغمض عيناني و أتنهد من أعماقي وأقول..لتكن مشيئتك
امنحني القوه ..امنحني الإرادة وخد مني كل ما يؤخر نفسي عن قول ...لتكن مشيئتك

24 التعليقات:

ســـــاره said...

يا الله كتبت رد طويل واتمسح

مش مشكلة هعيده ..
كنت بقول ابعدي عن اي حاجه تسببلك ضغط عصبي وشوفي انتي بتحبي ايه واعمليه

لو فحياتك علاقات كتيرة حاولي تفلتريها يافنون وتشوفي انتي عايزة تحفاظي على مين واستمري معاهم .. لأن عارفه يعني ايه لما تحبي ده وتجاملي ده وتكرهي ده بشكل مستمر تقعدي تعطي المشاعر المتناقضه دي .. حقيقي بتسبب للواحد ضغط عصبي رهيييييب .. هي بتحصل وكتير ودي مشاعر طبيعية بيمر بيها اي حد بس بتعتمد حدتها على كمية الناس اللي بتقابليهم كل يوم ..

ممكن انسان يكون محيط بأصدقاء كثير وناس اكثر بيحبوه ومع ذلك بيعاني بالوحده .. انا مامرتش الحمدلله بالإحساس ده بس اعتقد ان الشخص هو اللي بيخلق الحالة دي لنفسه.. ان كل شئ يكون متوفرله ومع ذلك بيحس بالوحده يبقى العيب او الخلل فيه هو لأنه ماستغلش الفرص المتاحه قدامه عشان يبقى سعيد ومرتاح ..

حاولي حبيبي تقضي وقت اطول مع الناس اللي بتحبيهم وانتي واثقه انهم بيحبوكي بجد.. حاولي ان لو عندك وقت فراغ يكون لراحتك مش تعملي حاجه تزيدك ضغط على ضغطك

وكوني دايما راضيه باللي عندك ورضاكي ده هينبع لو بصيتي عالناس اللي اقل منك مش الأكثر منك وقتها هتحسي قد ايه انتي في نعمة غيرك بيحسدك عليها

وبعدين بيقولوا ان السفر بيريح الأعصاب وبيغير روتين الحياة .. بذمتك مش لو كنا نقدر نسافر جروب بنات لوحدنا من غير ماحد يحاسبنا رايحين فين وجايين منين مش كان احسن :D
تعالي يلا ناخدلنا لفة في اوروبا نغير فيها جو ..نروح نضيع الكام قرش اللي معانا في الشوبنج ونرجع تاني .. بذمتك في احلى ولا امتع من الشوبنج للبنت :D

Founoon said...

اشكرك يا ساره والله انك عدتي الرد تاني :)

لا الحمد لله الحاجات اللي بتجيبلي ضغط عصبي قليلة وعندي قدره على ضبط النفس الحمد لله :) اما عن علاقاتي في الحياه فكلها تقريبا محدده ومعروف مين موقعه فين بالضبط والحمد لله انا ربنا رزقني بناس حتى لو مش كتير اي حد يتمناهم في حياته انا بعتبر نفسي مخظوظه الصراحه

وانا على طول مشغولة ومع ناس ووقتي مليان يمكن اوقات زياده عن اللزوم لاني باخد من وقا النوم عشان الحق اعمل كل اللي نفسي فيه مش عارفه مستعجله على ايه انا :)

والرضا الحمد لله موجود واسأل الله يزيده كمان وكمان

في فرق بين
loneliness and solitude
مش عارفه بالعربي يمكن الوحده والعزلة
انا ماعنديش شعور بالوحده بس عندي عزلة اختياريه مريحه جدا لروحي وهو شعور ملازم ليا مهما كنت مع ناس بحبهم ومرتاحه معاهم دايما في حاجة جوايا واخداني بعييييد :)

انا بقدر
ال solitude
جدا

بحس انها بتدي مساحه للانسان يشوف الاشياء بشكل اعمق ويحس باللي حواليه بشكل اكبر

عموما هي فضفضه مش عارفه ليه طلعت حزينه مع اني مش حزينه الحمد لله :)

اشكرك مره تانية بجد

ســـــاره said...

انا بجد ماعرفش يافنون مالك بالظبط فحاولت اعددلك اسباب يمكن تكون ليها علاقة بكتابتك للموضوع :)

بالنسبة للعزلة اوقات كتير بيحتاجها الإنسان وبتكون إختيارية زي مابتقولي بس ساعات بتكون إيجابية وساعات سلبيه .. هي في الحالتين الهدف منها هو الهروب بس هل الهروب ده للراحه ولا هروب من واقع مش عايزين او مش قادرين نواجهه..

هي فعلا طلعت حزينه بس اكيد انتي ادرى باللي حاساه واهم حاجه انك تكوني ارتحتي بعد ماكتبتي :)

The Seagull said...
This comment has been removed by the author.
samamasr said...

ربنا معاكي

samamasr said...

متزعليش مني,لو زعلتك :)
أنا آسفة:)

samamasr said...

سلمي على ياسمين,لو مش وصلت لها رسايل:)

dr.lecter said...

انا بقيت كده فعلا والحمد لله متاقلم مع ده

الزهد ثم الزهد ثم الزهد اوصلي له

leeno said...

فنون

انا نفسي احضنك !!على فكرة !!!! انا شكلي عكيت صح؟ !!!!!

طول ما انتي كدة صدقيني حتلاقي السعادة

يمكن احنا بنجري ورا السعادو من خلال حاجات بتتعسنا

و نحزن انها مش ملكنا و لا عارفين نحصلها

و شوية و نلاقينا خدناها و ياريت بنلاقي السعادة وياها

عيشي يا فنون بكل ما فيكي من طاقة متخليش حاجة فبالك بتحبيها و تبعدي عنها لاسباب تافهة (الا لو كانت اسباب قوية فعلا)

حتى لو اللي بيسعدك من وجهة نظر الناس تعاسة اعمليه لان دي حياتك

انا كمان اخترت العزلة من سنين فحاجات كتير

و لقيت نفسي سعيدة

الوحدة ساعات حلوة و العزلة مريحة

السعادة ملهاش قانون محدد و لا مانيوال الكل بيستعمله

هي وصفة بسيطة كل حد بيحدد مكوناتها من معطيات حياته مهما كانت

و شوية اختيارات يمكن غيري يشوفها مجنونة لكن بالنسبة لي مريحة و حلوة بتسببلي السعادة

بحبك اوووي على فكرة

The Seagull said...

معلش يا فاطمة اضطريت أمسح ردي الأولاني لأني حسيته بعيد عن الموضوع

آسفة بجد يا جميل :)

Founoon said...

منوره يا ايمان

ههه انا حيرتك يا ساره انا اسفه جدا والله
انا نفسي يمكن مش فاهمه انا مالي بالضبط زعلانه ولا فرحانه ولا دا اكتئاب ولا قمه الانبساط ولا رضا ولا لا مبالاه :)

Founoon said...

يسرا على فكره انا قريت ردك قبل ماتمسحيه وكان في صميم نقطه معينه في الموضوع وتحديدا الفقره اللي بتبدأ ب لا يجب أن نعتقد نحن الأحياء أن الأموات يشعرون بالوحدة

دي انا كتبتها تأثرا ب افاتار فعلا

خساره انك مسحتي الرد لو عندك ياريت تبعتيه تاني وماتعمليش الحركه دي تاني ابدا لانك تقولي اللي نفسك فيه سواء ليه علاقه او مالوش :)

Founoon said...

دكتور

كالعاده :)

والله بحسك فعلا بتحس بيا بشكل بيخوفني

اديني بحاول هو دا هدفي بقالي فتره :)

Founoon said...

لين

هاتي حضن كبيييييييييييييير

مواااااااااااه

انا كمان بحبك اوي :)

The Seagull said...

لا هو مش عندي للأسف
يالا مرة تانية بقى :D

ميرسي يا حبيبتي

dr.lecter said...

هههههههههه لا والله هو بس انا عندي حبه شفافيه

المره الجايه هاوعدك افهمك غلط علشان تطمني ههههههههههههه

samamasr said...

فا:)

قوليلي,زعلانة مني في شيء :)

dalia said...

أهلا فنون
كلامات رشيقة تعبر عن وحده وملل وفي نفس الوقت ارتقاء روحي في غاية الروعه تحياتي ،انا متبعاك على طول وضيفاكي على تويتر من زمان اتمنى ان نبقى اصدقاء في التدوين
داليا

safa7_karmooz said...

اكتر جزئين عجبونى بجد:

الحياة مؤلمة..تعيسة ...سخيفة... نعاني فيها كثيرا ولكن لا داعي للاستعجال سوف تنتهي قريبا..ربما أسرع مما نتصور
*
توقف عن بناء الجدران ..وأبدأ ببناء الجسور .تلك الجدران التي تعتقد أنها تدرأ عنك ضرر الآخرين ما هي إلا وسيله لعزلك أنت عمن حولك..فتصبح وحدتك حتمية ..ويصبح سقوطك سهلا

لون الشمس said...

بسم الله الرحمن الرحيم

السلام عليكم

فوفا..شخصية مليانة حكمة ما شاء الله

بس ربنا مبيديش كل حد كل حاجة..فلازم الحياه يبقى فيها كدة

وبعدين مين فينا مرتاح ؟؟

كلنا على اختلاف مشاكلنا حاسين نفس الاحساس..الحزن

أنا حسيت فعلا ان مدونتك المرادى فضفضة لان فيها من الحكمة وفيها من التأمل وفيها من الفلسفة وفيها وفيها وفيها

انا من النوع اللى بيعمل جدران بطريقة مش معقولة..عارفة انها غلط بس بتحسسنى بالأمان

مبقاش ليا قابلية اصلا انى ابنى جسور ومش عايزة

ربنا يحميكى يا قمر

بس بصفة عامة البنى ادم لو بص لقدام 99 ف المية من مشاكلو هتتحل

زى ما بتقولى انو لو الياه مزعجانا فهى بتنتهى اسرع مما نتصور

فلو الواحد بص لقدام وافتكر لحظة الموت هيخلى حياته مثمرة وهيستفيد بكل دقيقة فيها

رائعة انتى

شمس العصارى said...

مشكلة البشر
كل البشر
انهم بشر و ليسوا ملائكة

الشارده said...

انا شخصيا مبحبش الدنيا
تصدقى دى حاجه بقت بسطانى قوىى
لانى مش متعلقه بيها خلاص وعايزاها تنتهى فى اسرع وقت
ممكن انا معملتش حاجه كويسه تنفعنى فى اخرتى بس على الاقل هكون عارفه لانى هروح لمكان السمه الاولى ليه هى العدل
مفيش كوسه مفيش فلوس مفيش نفاق
كل واحد هياخد الى يستاهله
وبس

رجل من غمار الموالى said...

السلام عليكم
البوست جميل قوى
تحياتى
يبدو أن الأخوة جميعا ما بيحبوش الدنيا
....
معظم المصريين ما بيحبوش الدنيا
وأنا معاهم
....
تحياتى

- أحمد صبحي - مصرى فى فرنسا said...

ردك علي سارة فكرني بأغنية فرنسية لميشيل بيرجيه بتقول

On dort les uns contre les autres
On vit les uns avec les autres
On se caresse, on se cajole
On se comprend, on se console
Mais au bout du compte
On se rend compte
Qu'on est toujours tout seul au monde

On danse les uns contre les autres
On court les uns aprs les autres
On se dteste, on se dchire
On se dtruit, on se dsire
Mais au bout du compte
On se rend compte
Qu'on est toujours tout seul au monde

http://www.youtube.com/watch?v=BTvH8V-WLIs&feature=related