Sunday, June 08, 2008



يا بنـت يـا ام المريلـة كحلـي....
يا شمس هالة و طالة من الكولة
لـو قلـت عنـك فـى الغـزل قـولـة
ممـنـوع علـيـا ولا مسموحـلـي
انا احب اقول الشعر فى الحلوين
و الحلو اقولة يا حلو فى عيونـة
و لـو ابتديـت بشفايفـك النـونـو
ما يكفنيـش فيهـم سبـع دواويـن
يا ملاك يا جنية يا سـت الحسـن
يعجبنـى توهـانـك فــى أحـلامـك
يعجبنـى شـد الخـصـر بحـزامـك
يعجبنـى اخـدك للكتـب بالحضـن
راحـوا الصبـايـا والصبـايـا جــم
أجمل مـا فيهـم ميـن غيـر بنتـي
و اجمل ما فيك يا بنتـي ان انـت
فــى عينـيـك لمحة من حـنـان الأم
....
نفسي ارجع البس المريلة تاني

12 التعليقات:

mUsLiM said...

نفسى أحضن بنتى وهيا لابسه المريله ..

كلمات جميله

والله من وراء القصد

السلام عليكم

Yasmine said...

انا منفسيش البسها تانى خالص مريلة المدرسة دى كانت وحشة اوى:)
بس نفسي البسها لبنتى او لبنت اختى او بنت اى حد هموت على بنوتة خلاص الامومة وصلت لاخرها معايا :D
حلو اوى يا فنون بجد

leeno said...

مكنتش بلبس مريلة بصراحة

انما الفترة نفسها لييها حنيين فقلبي غرييب

برغم اني ما صدقت خلصت


بسدلوقتي نفسي امسكاستيكةو امسح سنين بحالها عدتمن عمري

صبري سراج said...

الله يفرحك يا رب.. قعدت اغني الاغنية وتخيلتني وانا واقف في البلكونة وشايف بنتي حاضنة كتبها ورايحة المدرسة وسط زمايلها.. الله

بس انا مش هلبسها مريلة.. مش ناقصة تخلف.. ده لبس مجانين اساسا.. يعني امها تلبسة المريلة وتقولها يللا يا قناوي يللا يا ولدي قوم البس بدلة الفرح.. وهي تنده عليا عم مدبولي عم مدبولي

Fatma said...

مصعب

احساس جميل اوي اللي انت قولته دا

ربنا يرزقنا جميعا يارب

وكلمات فعلا جميلة زي كل كتابات صلاح جاهين :)

Fatma said...

وانا بردو :(

الامومة خلاص طفحت عندي :(

بس انا نفسي ارجع البسها بردو

حرام عليكي دي كانت جملة اوي

اي نعم كنت بكرهها جدا ايامها :)

بس بتوحشني

Fatma said...

لانوتشي

ليه تمسحي يا امي

حتى الايام الوحشة اكيد فيها حاجة مفيدة

ولولا الوحش ماكنتش لنوشة بقت جميلة كدا :)

انا نفسي ارجع البس المريلة واشيل الكتب واعمل ضفيرة :(

Fatma said...

صبري

موتني من الضحك

لبس مجانين ليه

دا جميل اوي على فكرة

يمكن انت كولد ماكانش بيمثلك حاجة اوي

اوعى تحرم البنت من لبس المريلة ارجوك

Anonymous said...

فنون

ممكن أسألك سؤال


هو ليه البتاعاللي على اليمين اللي انتي حاطاه


بيقول اني داخلة من اسكندرية ؟؟

انا مش داخلة من هناك :D

رُوحْ said...

مدونة راقية جدا و مفعمة بالجمال
لك مني سيدتي أرق تحية

Fatma said...

والله يا ايمان مش عارفه

هوا انتي متأكدة ان اللي شوفتيها بتاعت اسكندرية دي كانت انتي مش حد تاني يعني ؟

Fatma said...

اسرار انثى

اخجلتيني بكلماتك

كلك زوق

اتمنى تكرار الزيارة :)