Wednesday, December 31, 2008

Screw it ....Let's do it


قبل أي حاجة : آبي ورئيس جمهورية نفسي جزاهم الله خير حضروا ايميل يتبعت بخصوص غزة بالانجليزي والفرنساوي عشان يتبعت لهيئات ومنظمات عالمية
المطلوب حاجة بسيطة خالص ..انكم تاخدوا الصيغة وتبعتوها ع الايميلات المحطوطة و ..بس
التفاصيل
هــنــــــــــا

عايزةاكتب حاجة عن ال New year
بس التوقيت الحقيقة والاحداث اللي بتحصل تقفل نفس اي حد عن اي حاجة

دا غير اني أكتشفت ان اي حاجة تخصني هقولها مش هتبقى مهمةلأي حد بيقرأ الموضوع دا نوهائي الحقيقة

دا غير اني ابتديت اقتنع ان اللي عايز يبتتدي بداية جديدة مش لازم يستنى سنة جديدة على غرار هبتدي دايت من يوم السبت الجاي

او أنا جاي اخطبك بعد العيد ( دي جملة واحدة صاحبتي بتسمعها بقالها 4 سنين ) ماعلينا

المهم...اللي عايز يبتدي بيبتدي واللي مستني حدث عشان يعمل حاجة مش هيعمل حاجة خالص

دا غير بقى اني قررت ابقى اكثر واقعية ...سنة جديدة ...مممممم

لا الكسلان هيبطل كسل ولا اللي بيشرب سجاير هيبطل من اول يناير ولا هنروح الجيم ولا هنخس ولا هنسيب شغلنا اللي مش طايقينهولا هنعمل حاجة نفسنا فيها وعمرنا ماعملناها بمجرد ما تدق الساعة 12 يوم 31 ديسمبر معلنة بداية السنة الجديدة زي ماتكون السنة الجديدة دي جاية وجايبة المعجزات معاها
فكرةال New year بالنسبة لي بقت فكرةمستهلكة مضيعة للوقت وبتحسسني بالفشل ( فشلي أنا شخصيا)
فابالتالي ...أنا هتكلم عن السنة الجديدة بفكر جديد :)


فكروا في كل الحاجات اللي مستنيين السنة الجديدة تيجي عشان تعملوها وقولوا بصوت عااااالي

وايه يعني


شغلك قارفك ومخنوق ...قول وايه يعني غيري مش لاقي شغل ووظيفتي بالنسبة لغيري ممكن تكون اشبه بالحلم

اعز صحابك طلع ندل ...في داهية ..وايه يعني

مستقبلك مضلم وعليه سحابةسودا ...وايه يعني ..المهم انك عايش الحاضر لو دلوقتي بنيت بكرا تلاقي

بيتك مش عاجبك ..وايه يعني ..غيرك مش لاقي سقف واربع حيطان



الأكل مش عاجبك ..وايه يعني ..غيرك مش لاقي اللقمة

في نهاية سنة طويلة صعبة شبه اللي قبلها بردو واللي جاية بعدها as well

أنا محتاجة ارمي شوية حاجات ورا ضهري واشم نفسي وابطل اضغط على روحي واصدق قلبي شوية واسمع كلامه حتى لو كل حاجة تانية فيا بتقول ( يحرقك بتعملي كدا ليه ؟!!)

ماحدش يستنى سبب ولا حدث ولا مناسبة

انا قررت حالا اني استبدل كلمة ليه اللي تعبتني كتير بكلمة ليه لأ!!!

*********
 


13 التعليقات:

Yasmine said...

ناس سكرانة و ناس سهرانة و ناس قاعدة مش لاقية حاجة تعملها غير قناة الجزيرة و العربية و غيره من لوازم وجع القلب..شوفتى الخيبة اللى انا فيها

بنت حلال يا اوختشى والله خدى شوية من اول مذكرات فى السنة الجديدة..او يعنى الشوية اللى يصلحوا للنشر :D

*السنة دى مش هقول انى عايزة اخس خمسة كيلو عشان زهقت من الريجيم..هقول انى لازم اكون راضية عن نفسي زى ما انا مش عشان انا ما حصلتش لكن عشان زيي زي كل خلق الله محتاجة سلام داخلى زى ما بيقولوا..و ده ما حدش هيديهولى..انا اللى لازم اجيبه لنفسي

*السنة دى مش هدور على حاجات تقلقنى..هاخد اجازة من القلق..مش عارفة ازاى بس هعمل كده..هكتفى بالحاجات اللى بتطمن..و ان كانت قليلة

*السنة دى و انهاردة تحديدا بداية موفقة جدا فى الشغل اللى اخترته..مش هسيبها تعدى من غير ما استفيد منها..فى يونيو ان شاء الله هكون وصلت لاول ترقية

*كلهم على اختلاف ثقافاتهم مقتنعين بان الخطوة اللى بعد الشغل لازم تكون جواز..براحتهم بقى..انا متمسكة جدا بوجهة نظرى
الخظوة اللى بعد الشغل لازم تكون ترقية!!
اقنعتينى بتاعتى=تتجوزينى عند البنات
(دى هبقى اشرحالك بعدين :))

*مكان كان نفسي ازوره من زمان هحاول ان ده يحصل السنة دى..العمر مش طويل اوى كده عشان نضيعه و احنا بنكتفى بالتمنى

*فى وصلة اكيدة من النكد بعد ما الاستاذ يطلع ندل و ترجع من السفر و تكتشف انه مش بتاع جواز..هستعد للعب دورى المعتاد من دلوقتى..او بمعنى اصح هو ابتدى فعلا من حوالى 5 ساعات فى سيلانترو

يا خوفى تطلع نفس البنت يا فنون :D
بس ده بيقولها هتجوزك لما ترجعى من فرنسا هى صاحبتك كمان فى فرنسا و لا فرنسا دى بقت الحجة الجديدة :D

*2009 مش هتكون سنة حلوة لوحدها..هتكون حلوة عشان انا قررت انها تكون حلوة..كفاية اوى لحد كده

dr.lecter said...

صباح الفل ياحاجه

ايه الموضوع الناار ده

والله انا برده كنت عاوز اعمل موضوع بس العكس تماما

كنت عاوز اعمل واحد شخصي عن الحاجات القليله جدا واللحظات السعيده اللي مريت بها في 2008 الكئيبه واللي غارت في داهيه


بس قلت خلي عندي دم علشان نفس الموضوع بس انت سختنتيني ارجع اكتب بقي


عارفه فعلا لازم ابطل اقول عاوز ابطل ولا زم اقول عاوز ابقي



if u could....u would

يالهوي علي الجمله دي يخلرب عقلك يامونجهمان عليك جمل تخبل العقل




لازم اصر علي اللي انا عايزه مش اقول ممكن اه وموممكن لا


كده كده انا الفتره دي اصلا بانتهز ان الناس كلهم نايمين وتعبانين من السهر واعمل انا عكسهم



عاوز اخد ريست كده مع نفسي يوم واحد بس

مشش هيحصل حاجه لو يوم معملتش فيه اي حاجه

بس عاوز استمد واسترجع نشاطي علشان اعرف اشوف السنه الجديده


كان بقالي اسبوع بفكر اروح الكس كده علي اول السنه بس لسؤ الحظ حصلت حاجات هتخليني ااجلها لما الظروف تسنح ولما افضي غالبا هيبقي في فبراير



عجبني الكام سطر الاولانيين دول فطست علي نفسي من الضحك منك لله وجعتيلي عضلات بطني

اصل يااختي العزيزه احلي حاجه انك تسمعي كلام الناس وتروحي تعملي عكسه او يدخل ودانك من هنا ويطلع من الناحيه التانيه

مش عارف ليه ناس كتيره فاكره نفسها اوصياء عليا وفاكرين انهم هم اللي صح وانا اللي اهبل وبريالهومش عارف مصلحتي


بالنسبه للزواج اسمعي كلامي مافيش احلي من الحريه الزواج ده موضوع فاكس بقيت حاسس انه مشروع ومحتاج مهندسين وتصميم وافشخانات مالهاش لازمه


حكايه الزواج بعد العيد دي بتفكرني للاسف بواحد اعرفه كويس جدا قعد سنه يوعد في واحده هاتقدم لك بعهد ماعرف موقفي من الجيش وبعدج ماعرف قال اهلي مش موافقين

وطيب وكان لازمتها ايه من الاول

والادهي جاي يقول انه مش هيقدر حاليا وان وراه سكه طويله ومستقبل والمجد مستنيه وانه خايف من الارتباط

للاسف الشخص ده شبهي في حاجات كتيره

زواج ايه اليومين دول خليك زي الفريك مابيبحبش شريك ههههههه



ان شالله كمان سنتين يبقي مخ الناس اتغير في شكل الزواج مش مجرد قايمه وفرح وزفه وشبكه


بصي مش معقول اننا نتولد علشان نتزوج علي طول كده

الواحد لازم ياخد ريست وبعدين انا متضامن مع ال 9 مليون من الشباب والصبايا العوانس ولما تتحل مشكلتهم ابقي اتنيل علي عيني واتزوج

بس انا مش عاوز اتزوج علشان الناس عاوزه كده او المجتمع بيفرض كده


ومش اي قطه كده مي اي صالون اروح ابسبس لها واتزوجها

اووف مش عاوز اتكلم في الموضوع ده علشان بيقلب عليا المواجع وماصدقت اني بدات انساه





مش عارف انا الوحيد اللي ماخرجش ليه النهاترده


خرجت نص ساعه وماعجبنيش الجو مع ان ايه ماقولكيش كان النظام ميه ميه زي مايكون راس السنه دي دي بيطلع فيها الشيطان وينزل مع البني ادمين يعربد معاهم بنفسه اصله متواضع وبيحب الانس واللمه


ورحت راجع وسايب ده كله قعدت ادام فيلم كئيب ساعتين اصلها طالباها اوي واتنقل بين الاخبار واشوف اخبار ال 100 اللي قبضوا عليهم النهارده في المظاهره واللي كنت هاتهبل واشارك فيها بس تدخل القدر ومعرفتش


الجمله الاخيره بتاعه فله هي الخلاصه


فعلا باذن الله هاعمل اللي اقدر عليه علشان اخلي السنه تعويض عن اللي حصل لي السنه اللي فاتت




وايه يعني


وايه يعني اني فشلت السنه اللي فاتت في حاجات ونجحت في حاجات

screw it many times and lets do it forever

romansy said...

اه
مش عارف اقولك ايه
اقولك انك متفائله ولا يعنى شايفه الدنيا بتفكير مختلف
اكيد فيه ناس سهرانه
وناس عايشه على طول سكارى
ومش حاسيين باللى بيجرى
ولا عارفين اللى بيحصل
ما علينا نقول يا خساره
حب الدنيا دا يملا عيينا
بس احنا والحب كلينا
ولا شايفين الا حسره ومراره

كل سنه وانتى طيبه

ويارب تحققى احلامك

Yasmine said...

البوست الفرنساوى اللى عند ابى كله غلطات املائية و نحوية..يا ريت يا فنون تحاولى تظبطيه لان فى جمل كتير مش راكبة على بعضها خالص..صفحة التعليقات عندها مش بتفتح عندى عشان كده بقولك انتى

momken said...

ندعيلك ياستى
ربنا يحققلك كل الحجات الى عكس الجمله الى قبل (وايه يعنى)

البوست كالعاده روعه

كلامك بيدور جوة كل شخص فينا

لكنى بتمنالك كل شىء جميل السنه دى

وماما مقاتش روحى هاتى تلت عرسان من عند بتاع البيض لكنها بتدعيلك وتتمنالك كل خير


ربنا يسعدك ديماً

تحياتى

mony said...

ساعات بحس انك فعلا محتاجة تتحدفى بحاجة:)
وساعات بقول البت دى جدعة بتفوق الواحد بكلامها الزلطاوى ده

كلامك مقنع جدا..جدا جدا كمان
بس هاتيلى واحد نفسه مفتوحة انه يمارس حياته بشكل طبيعى جدا وفيه ناس عمالة تموت ونفوس بتتذل...وعالم بتتشتم:احنا يعنى:

هاتيلى واحد عنده طاقة وصبر يعد يستنى جواب تعيين بعد معافرة خمس ست سنين تخرج

معتقدش يا فنون الدنيا بقت طبيعية..
انا بقيت حاسة اننا ف الادغال يا شيخة
لحم البشر بقى زى لحم البهايم..
اعذرينى لو كنت قفلتها ف وشكـ..
بس الواحد فعلا نفسه مسدودة من اللى بيشوفه ف غزة
ربنا يفك كرب الجميع..
وربنا يرزقك بالخير كله يا فنون..انتى تستاهلى بجد..
احيه بت اوعى تاخدى فكرة انى متشائمة او حاجة من هذا القبيل..
بس نفس مسدودة بس مش اكتر..ها مش حتجيبى الحاجة اللى ححدفك بيها:)

Fatma said...

انا حرة

ريجيم ايه اللي جاي تقول عليه انتي عايزةتنقطيني على فكرةصح !!

ابقى قابليني لوعرفتي تاخدي اجازةمن القلق اللي ممكنتعمليه انك تعودي نفسك على تجاوزه لما يجيلك بس هو كدا كدا هيحصل

الطبع يغلب التطبع

مبروك عليكي شغلك ويارب يوفقك فيه ومن نجاح لنجاح يارب

انا كمان نفسي اعمل عمره اويييييي ربنا يكتبهالنا يارب يا فلة السنة دي انا الحرم وحشني بجد

بالنسبة لصاحبتي هومش مسافر ولا حاجة دا ساكن اخر شارعهم اصلا

يالا ..ادينا مستنين من ساعة ما العيداللي فات خلص وهو بيقول هيتقدم الجمعة الجاية
في تطور اهو :)


2009 مادام انتي قررتي منجواكمي انها تبقى حلوة ربنا ان شاء الله هيجعلها حلوة اوي عليكي باذنه يارب

كل سنة وانتي طيبة

Fatma said...

لكتر

انا كمان نفسي كانت مسدودة بس قلت اقول الكلمتين

انا مش حاسة ان في سنةجديدةابتدت اساسا الديلما اللي احنا عايشيين فيها دي والاحداث المريعة مخلياني مختلة الاتزان

بالنسبة لعايز ابطل وعايز ابقى بتفرق كتير والله

اللغة المستخدمةمع نفسكومع الاخرين بتفرق اوي في ردود الفعل
حتى نفسك ليها رد فعل على كلامك من عقلك الباطن ومن اللاشعور صدقني

الواحد اللي بتكلم عنه غير الواحد اللي انت بتتكلم عنه خالص

انا اعرف الاتنين ..اللي بتكلم عنه واحد بيستهبل واللي انت بتتكلم عنه ربنا يكون في عونه فرق شاسع صدقني

screw it big time

ان شاء الله السنةدي تبقى انطلاقة حقيقيةلينا كلنا

انا حاسةبكدا اوي يا دوك والله

ولقائنا اخر السنة باذن الله وهفكرك

Fatma said...

رومانسي

انا متفائلة ؟ يمكن بس الاكيد اني عندي ثقة كبيرة في ربنا الحمد لله وعندي رضا

منور المدونة

Fatma said...

فلة

انا بلغتهم

Fatma said...

ممكن

انت قلت

وماما مقاتش روحى هاتى تلت عرسان من عند بتاع البيض لكنها بتدعيلك وتتمنالك كل خير

ههههههههههههههههههههه

موتني منالضحك

اشكرك على الدعوات الحلوة وربنا يديك احسن من اللي دعيتلي بيه يارب

كل سنةوانت طيب

Fatma said...

موني

عارفه غاندي حرر الهند ازاي ؟

كل سنة وانتي طيبة وربنا يجعلها سنة حلوةعليكي يارب واشوفك بالفستان الابيض

هتبقى عروسة زي القمر

امااااال مش بيقولوا عليكي شبهي :)

mony said...

وده مين ده من الحكام العرب حيبقى ربع غاندى حتى؟
ولا احنا حتى كـشعوب...نقدروا نمشوا فى نفس المسيرة اللى عملها غاندى

ده مش تشاؤم يا فنون..بس ممكن تكون واقعية انا مقدرش احلم بحاجة تفوقها


ومالك ياختى واثقة اوى كده انى حبقى زى القمر..آآآآآه لو العالم البشرى ده يبطل انعرة ونفخة عالفاضى..كان زمانا عايشين ف سلام:)