Tuesday, March 17, 2009

هؤلاء الذين فشلوا في تعلم دروس الماضي ملعونون بتكرار أخطائهم

في مثل هذا اليوم غالبا ما أكون أكثر تعاسة من اليوم
في مثل هذا اليوم منذ سنوات فقدت شخصا احببته بشدة
افتقدته كثيرا
اليوم لا أشعر اني أفتقده بنفس القدر
ربما اصبح احدهم أكثر قربا لي من ذلك الشخص فاستطاع ملئ الفراغ الذي أحدثه غيابه الأعوام الماضية
يقولون أن الأحزان تولد كبيرة وتصغر مع مرور الزمن
أحزاني لم تكن كذلك
تولد متوسطة الحجم ..و تكبر وتكبر وتكبر حتى تصبح كبيرة بدرجة تجعلني أضحك بهستريا كلما نظرت اليها
وما أن تدرك أحزاني أني أسخر منها تأخذ في الإنكماش والتلاشي حتى لا يبقى منها غير أثارها التي بدوري أنساها أو هكذا أعتقد
المهم أنني لم أعد أفتقد ذلك الشخص ..بل أنا الآن ممنونة لفقده
فلولا أني فقدته لما كان للبديل وجود الآن

البديل لم يكن شخصا بحثت عنه ووجدته أمامي فجأة
تكون البديل ككرة الثلج ..كلما طال الطريق تكون البديل حتى أصبح بحجم يستهويني ..يناسبني ..أقبله وأحبه
يحتفظ البديل في قلبه بالشخص المفقود ..يحيطه أشياء كثيرة..تستطيع رؤيته ان كنت على دراية بفن الغوص في الأعماق ..فهو يشبهه كثيرا وان كان يختلف عنه بشدة

الخلاصة اني لم اعد أفتقد من فقدت ..

البديل والشخص المفقود كلاهما بعض مني ان جاز التعبير

15 التعليقات:

Anonymous said...

إممم

هو انتي فقدتي نفسك

واكتسبتي شخصية جديدة؟


بس..لو فقدتي شخص عزيز :) ربنا عالم الخير فين :)

Anonymous said...

أنا كنت كاتبة حاجة عزيزة..وبعدين خليتها شخص عزيز..يمكن حاجة ويمكن شخص :)

Yasmine said...

زى انهاردة من سبع سنين فقدت واحد من اعز الناس و اقربهم لقلبى
من سبع سنين زى انهاردة كانت اول صدمة ليا بالواقع..اول مرة اعرف يعنى ايه حد قريب منك و بتشوفيه كل يوم و تبقى عارفة انه دايما موجود جنبك..تصحى فجأة ما تلاقيهوش..و تبقى عارفة و متاكدة انه مش هيرجع تانى..و يبدا مسلسل لو كنت عارفة كنت قولتله هو كان ايه بالنسبالى و لو كنت مستعدة لدا كنت فضلت معاه وقت اطول..او كنت حضنته مرة اخيرة قبل ما يمشى..كان اول قلم ادتهولى الدنيا و الحمد لله ما كانش الاخير..
اليوم دا كان اخر عهدى بدنيا وردى مفيهاش غير مدرسة و فسحة يوم الخميس و امان و استقرار مالهمش اول من اخر..و اول معرفة حقيقية للواقع بكل السواد و الرعب و وجع القلب اللى فيه

صدفك كترت اوى اوى يا حلوة :)

بالنسبة لموضوعك فانا متاكدة ان البديل اقوى و احلى..عشان اللى انا شايفاه دلوقتى مش ممكن يكون كان في احلى منه زمان..و كونه اتكون زى كرة التلج فدا معناه انه عرف و جرب و شاف و خد وقته لحد ما بقى بالصورة اللى هو عليها دلوقتى..يعنى الوقت اللى عدى كله كان فى صالحه مش ضده ;)

بس فين اللى اتفقنا عليه امبارح انا عندى كلام كتير عايزة اقوله قبل ما اموت بفرستى :)

Superman said...

طالما القديم و الجديد جزء منك..
و انتي شايفة ان القديم اصبح منسي..
و بتحبي الجديد..

يبقي ليه تفتكري المنسي و تقلبي مواجعك؟

و بعدين انتي مش قلتي قبل كده
"بعضآ مني يزعجني"؟
خلاص..نفضي للبعض ده..و افرحي بالبعض التاني!

leeno said...

تستطيع رؤيته ان كنت على دراية بفن الغوص في الأعماق ..فهو يشبهه كثيرا وان كان يختلف عنه بشدة


مش عارفة اقلك ايه بس الجملة دي اثرت فية اوي

الجديد او القديم و الشخص اللي راح و ممكن البديل

كلهم ليهم علامات في حياتنا و في تكوينا و في صلابتنا و هشاشتنا

لكن اهم حاجة اننا نبقى في حالة تناغم و رضا

اصعب حاجة لما البديل دة بيبقى عبء بدال ما يبقى حل و دوا !

وحشتيني

مواطن مصري said...

يقولون أن الأحزان تولد كبيرة وتصغر مع مرور الزمن
أحزاني لم تكن كذلك
تولد متوسطة الحجم ..و تكبر وتكبر وتكبر حتى تصبح كبيرة بدرجة تجعلني أضحك بهستريا كلما نظرت اليها



انا يمكن اكون زيك بس موصلتش متفق معاكي في البوست دة لمرحلة الهستيرا انا الان في مرحلة الاكتئاب و الاحباط الدشيد ربنا يستر و متوصلش الي مرحلة الانتحار

Anonymous said...

هههههه..يا قمر :D

ربنا يسعدك ويخليكي ويهنيكي


انتي بجد..إنسانة جميلة وطيبة ومحترمة وتستاهلي كل خير بجد

شكرا

شكرا ليكي بجد

شكرا وألف شكر ليكي بجد


ربنا يخليكي ويهنيكي يارب


ويديكي كل كل الخير..وأكتر مما تتمني كل فرحة وسعادة يارب :)

ليث said...

كلنا يتغير .... هذه سنة الحياة
لكن من منا لا يفتقد قديمه
نضخك على انفسنا ان قلنا اننا لا نفتقده .. إلا ان كان مجرما وتاب مثلا :)
جميل ان يرضى الإنسان عن ما صاره.. وليس بعيب ابدا ان يحن لما كان عليه،
لا يمكن ان تجد انسانا لا يريد ان يعود إلى صباه.. حتى وان كان صباه حزينا.. فما نصيره-مهما رضينا عنه- هو بالتأكيد اشد قسوة واقل براءة واكثر خبثا و للأسف اثقل هما،
ما احلى الرجوع إلى مرحلة ال(من غير هموم) الرائعة .. اقول هذا رغم اني كنت طفلا مثقلا بالهموم.. ولكن العود الأخضر يبقى دوما اكثر مرونة من سواه

بوستك حرك المشاعر .... :)
تحياتي

Fatma said...

ايمان

لا مش شخصية جديدة بالمعنى دا

بس فقدت حاجة جوايا واكتسبت حاجة تانية بدالها جوايا :)

Fatma said...

فلة

زى انهاردة كانت اول صدمة ليا بالواقع

______

مين معايا :)

انا اللي بجد بقيت بخاف منك :)

Fatma said...

سلطان

لا انا بفتكر غصب عني

ومش شايفة اني لازم اجبر نفسي اني انسى
الواحد لما بيحاول ينسى حاجة بالعافية بتعلم فيه اكتر وتأثيرها عليه بيفضل مستمر

Fatma said...

لين

مكيفاني اوي تناغم دي

بجد عاجباني

انتي وحشتيني اوي

Fatma said...

مواطن

يالهوي لا استهدى بالله انتحار مين يا لطيف

بعدين ليه الواحد ياخد ريسك انه يسيب الدنيا ويروح حتة تانية ما يعرفهاش بمزاجه ؟ لما يجي اوانه يبقى يجي بعد الشر عنك

Fatma said...

ايمان تاني

انا ماعملتش حاجة على فكرة :)

Fatma said...

ليث

لكن العود الأخضر يبقى دوما اكثر مرونة من سواه


صحيح :) فعلا العود الاخضر غير قابل للكسر