Friday, October 09, 2009

هو الذي يشبهني

--> 
لم يكن الربيع صديقي في يومٍ من الأيام ولا تحمست لطبقات الطلاء الحمر، والأزرق التي يضعها على وجهه.. ولا للأشجار التي تقلد راقصات الـ (فولي بيرجير) الخريف وحده.. هو الذي يشبهني
او كما تقول السيدة العجوز هنا
عايشة انا والمزهرية والتكاية والحكاية !
الحكاية ! نعم ..عندي الكثير والكثير من الحكايا وكأني عشت عمري اخط سطور رواية !
ما أجمل الوحدة ..ما أقدس الوحدة !
وها أنا اسير بارادتي نحو طريقي الذي أراه ..نحو وحدتي الاختيارية ..

27 التعليقات:

dr.lecter said...

مش عارف ارد بجد الكلام هيطلع مني بالعافيه

الوحده؟ انت اخترتيها؟ اه ممكن طبعا زي مافي ناس كتيره اختارتها فيه ناس فضلت انها تبقي لوحدها علشان فاكره ان ده افضل لها وانها هتبقي سعيده

ممكن لفتره الواحد يفتكر ان الوحده جنه بس بعد كده هتلاقي الجنه مافيهاش الا انت؟ وطيب وفايدتها ايه

انا واحد من الناس بحب الوحده والعزله كتير لكن بابقي عاوز اخرج منها اوقات كتيره

عن الخوف والعزله؟ اتكلمي

هيبقي معايا كتب وافلام وموسيقي ومكان انام فيه هادي وراقي بعيد عن الناس
بس هيبقي ليا نفس اسمع صوت حد يونسني في وحدتي اكلمه ويكلمني

حد يحس بيا واحس به حد يفهمني وافهمه والاغرب لما الاقي الحد ده واطمن له ارجع اسيبه وافضل وحدتي من غير تمهيد ولا انذار

مقاييس النجاج بتختلف لكن للاسف احنا بنطبقها علي احياه العمليه المهنيه اكتر سواء عمل او ترقيه او دراسه او منصب او مال لكن ماحدش بيبص هو ناجح فعلا ادام الناس ولا فاشل ادام نفسه؟


حظ تعس؟ ممكن

نصيب؟ بيقولوا

انتظار؟. لغايه امتي

بس مافيش ادامك الا انك تكملي الرحله وماتعرفيش هيقابلك ايه في اخرها ولا يمكن مسار الرحله كله يتغير وتروحي محطه تانيه خالص

عارفه خوفي الاكبر ان اكون ضيعت ونيس وحدتي معتقد اني هقابل حد تاني واكتشف في الاخر ان مافيش حد تاني وانها كانت فرصه جت مره واحده وراحت

خوفي ان وحدتي تبقي ازليه

ايه ده بس اللي انا بقوله

هو يوم ماترجعي تكتبي تقلبي علينا المواجع

ان مع العسر يسر

وكل حاجه لها بدايه لها نهايه ومافيسش حاجه بتحصل بدون سبب مستقبلي

Fatma said...

:)
مش عارفه اقولك حاجة
مش عارفه ارد

Superman said...

انا فاكر في مرة انني قلت لك انني بحسك فارسة راكبة حصان و ماسكة سيف

كان ده دايمآ اللي بحسه كل ما اقرأ لك

اول ما بدأت اقرالك كنت احلق في الفضاء الكوني مثل بالونة هيليوم طائرة
بس كنت لما بقرأ لك بتنشط في روح انا عارفها كويس..روح انني اقاوم و اتحمس لانني اكون اقوى

كنتي بتبثي في كل اللي يقروا لك روح حلوة

شكرتك علي ده في اخر بوست لي في 2008

و اللي انا بقراه دلوقتى..مش كلام فاطمة
ده كلام واحدة تانية عمرها ما كتبت اللي كتبتيه ولا مؤمنة بأفكارك

فاطمة..اللي انتي فيه دي مجرد حالة..بس دي مش انتى

انتي مكانك علي حصانك ماسكة سيفك..و بتقودي صفوف المحاربين

انتي صغيرة جدآ علي انك تفكري في الوحدة و العزلة و الإستسلام

انتي لا يمكن تكوني إستسلامية اصلآ

انفضي غبار الحزن عن نفسك..و خليكي عارفة انك لسه في اول الرحلة

Fatma said...

تعبت يا سلطان

Unknown said...

بقى انا ابعت لك فيديوهات تضحك تقومي تنكدي عليا كده؟
معلش يا زهر

Fatma said...

ماعاش اللي نكد عليكي والله ربنا يعلم لولاكي النهاردة انا كنت هبقى عاملة ازاي
ماقولتليش بردو كاليه لو فوتر اوبيننسيون لو ماااتش افري يو دونت بارل فرنسيه شكلك كدا :) انت جميلة اوي يا نوارة

Maga said...

مفيش شك ان الهروب المؤقت ( الوحده ) مطلوبة علشان نفكر ونبص عملنا ايه وايه اللى قدمناه ونشوف هل خير !!
نفسي راحت لحد فين بعيد عني ؟
ولا انا واقف فين عملت ايه علشانى وعلشان غيري قدمت ايه
لكن الهروب دا اكبر غلط
الحياه مليانه معاناه وحروب ومصالح وانتصارات وخساير ومقابر ومنافقين وكدابين
صعب اننا نبقى فى عالم احنا اللى بنرسمه فى خيالنا وبنتمنى انه يكون الموجود فى حياتنا كل اللى عليكي انك تقفي وتعيشي وتعرفي انها مش هتكون حياه غير بالصورة دي
يا فنون الدنيا ممكن تبقى حلوة بس لما اعمل واحلى لما تحصدي اللى عملتيه واتاكدى انها مش هتكون كدة على طول
وانهى كلامى بقصة لاحد الصالحين كان بيقعد فى حفرة وبيقوم بدور الميت اللى رايح لربنا بعمله اللى معاه ويمر عليه شريط حياته وهو بيموت وبيتمنى انه يغير احداث ومواقف ويقول
( رب ارجعون لعلي أعمل صالحا )
وبيقوم من الحفرة ويقول لنفسه
ها قد عدت
فأرنا ماذا تفعل ؟

Fatma said...

فكرة الحفرة خرافية
انا هنفذها
مش شرط حفرة اوي بالظبط بس هنفذ الفكرة :)

شكرا يا احمد

TAFATEFO said...

المهندس تامر موافي داخل النار ايد ورجل .. منه لله اللي كان السبب

Anonymous said...

مينفعش حد فينا على فكرة,يعيش وحيد

بجد

اتمنى ليكي

انتي,وياسمين

ويسرا وإيمان ومروة

والكل

وأعز صديقاتي وعلى بالي

وكل خير :)

Anonymous said...

اطلبي من الناس يدعولك بالخير أحسن :)

بجد والله :D

بدل بس,انك تعيشي نفسك في الأحزان

بجد

بطلب منك

ومن كل حد

اكتبوا ,اطلبوا من الناس,يدعولكم بالخير

ياخدوا ثواب الدعا ليكم,يمكن

بقول اي كلام

بس ربنا يكتب ليكي ولياسمين وليسرا ومروة وسارة وهبة وإيمان وإيمان وماري ونورهان ونانسي و الكل كمان,كل خير

الدعوة أحسن مليون مرة يا ستي :)

Anonymous said...

ولو لبخت متتضايقيش :P

Anonymous said...

والكل يارب :)

leeno said...

اول حاجة وحشتيني بجد اووووووووووووووي و بتيجي على بالي كتيييير و الله


تاني حاجة هو مش حيبقى رد هادي اعذريني هو تقريبا حيبقى خناقة !

بأنهي أمارة انتي مش متفائلة؟؟؟؟ ومين اللي يصنفك غير كدة لمجرد ان نظرتك لبعيد فيها نوع من الوحدة و التعلق بعالم خيالي ؟!!!!

مش يمكن انتي كدة أسعد؟
ايوة يعني بأمارة ايييه اللي حواليه 10000 انسان هو الأسعد؟؟؟

المرسل للرسالة عاش الواقع على عيني و راسي و انتي عشتي اللي اخترتيه و دة فحد ذاته سعادة ملايين مقدروش يحققوها

نيجي بقى للوحدة:

ممكن افهم ازاي قررتي تصنفيها انها فشل؟؟؟؟؟؟؟؟؟؟؟؟؟؟!!!!!!!!!!

ممكن اوافقك لو كنتي مش قاردة تخالطي الناس او الرجال او البنات و منعزلة و منطوية و منتيش قد الحياة و العلاقات !

لكن كونك دخلتي وحدة اختيارية دة فحد ذاتنه من رأيي نجاح
الفشل هو انك تدخلي علاقة مهما كان شكلها لمجرد انه لازم !
او لمجرد انه دة اللي الكل عايزه او لمجرد انه دة الجو العام
او لمجرد ان مفيش الشخص اللي بجد عايزة اكمل معاه او لمجرد ان الحياة مع حد حيلعن ابو عيشتي احسن ما افضل لوحدي و ممكن اعد كمان مية سبب

كل دة انا بعتبره فشل

انا وزنتي الاسباب و اخترتي الحياة اللي شايفاها اصح ليكي و انس و احسن و حتبقي فيها اسعد

هنا انا بعتبرك انجح من كتييييييييييير من الفشلة اللي عايشين بقوالب فكرية جاهزة لمجرد انهم ماشيين على منظومة اللي لازم يحصل و انه غير كدة مينفعش نعيش !
و لو دخلتي فحياتهم بجد حتلاقي نسبة السعادة كم؟؟؟

غير كدة الوحدة هي الصديق الوحيد اللي عمره ما يئذيكي لو عرفتي تصاحبيها بجد و تحبيها عشان لو كرهتيها مش حتمشي بسسسس حتنتقم منك و تخنقك !

و بعدين مين اللي قال ان خلاص الوحدة دي ابدية ؟

حالنا بيتبدل فلحظات و من غير ما نبقى عارفين و لا حاسين و لا متوقعين !

تقدري تقوليلي ليييه نعيشي الوحدة على انها فكرة فشل؟ ما تعيشيها طالما موجودة على انها وسيلة للاستمتاع مكن متبقاش موجودة لو الاحوال اتغيرت؟ و دة طبعا ممكن يحصل فاي لحظة و طبعا ساعتها برضه عيشي كل اللحظات اللي حتعدي عليكي و بكل ما فيكي من امل و طالقة و عطاء و حب و كل حاجة

لحظات الوحدة دي لحظات من عمرك لو حسبتيها على انها لحظات من الفشل كل اللي حتكسبيه انك تكرهي جزء من ايام عمرك و على ايه؟؟؟؟

ياما ناس عاشو سنين لوحدهم بس كان حواليهم قلوب كتير بتحبهم و ممكن تقف جمبهم ساعة ما يحتاجوا

و ياما ناس كان عندهم اخوات و اولاد و اصحاب و لما اترموا ما لقيوش من يديهم كباية مية !

كل واحد ربنا كاتبله حياة و بيسخرلو ظروف كتير عشان يختارها او يعيشها غصب عنه هل دة فشل؟ هل دة نجاح ؟ ابدا كله ربنا بيقدرهولنا حسب اللي بيناسبنا اكتر و الخيرة فيما اختاره الله !

فشل ايه و نجاح ايه ؟؟ تصنيف مش مزبوط .... التصنيف انا بانهي حال اسعد و هل لما اخترت اخترت ابقى اسعد ؟ و لو حتى مقدرتش اختار ابقى اسعد في مجال المتاح انا اخترت الاختيار الاحسن هي تتحسب كدة

يمكن الايام دي بتجهزك انك تعيشي الايام الجاية اقدر و اسعد و احسن و تختاري تفارقي الوحدة لمين و مع مين و دة اكيييييد حيحصل لما ربنا يريد

انتي متفائلة ااااه و حتفضلي كدة لان دة الصح و مش معنى انه اللي عايزاه حصل او لا دة معناه انك تتشائمي ! لا العمر خلص و لا عدى على الفاضي لانك بكلمة وحدة انسانة غنية !

نفسي اجيلك اخبطك بدماغي على دماغك بصراحة

كتبت كتييييير و لسة ما انفش قلبي بهالموضوع

لك شو هاااااد

Anonymous said...

نفسي أقولك حاجة لكن خايفة:)
:)
مش حاجة وحشة :)
طيب سلمي على ياسمين,والكل,وأقولك بعدين :)

Anonymous said...

ف,هقولهالك

متخليش حد يظلمك
هقولهالك في التلفون,هوضحلك وجهة نظري ان شاء الله :)

Anonymous said...

مش حاجة وحشة

بس,هوضحلك وجهةنظري إن شاء الله في التلفون


ومن دلوقتي,في رعاية الله ربنا معاكي ومع الكل

Anonymous said...

امم,خرفت صح :)

انسي بقى,نعود للموضوع :D

:D


:D

The Seagull said...

مش لاقية رد بصراحة
لأني عايشة نفس حالتك تقريبـًا

:)

Anonymous said...

بجد انا مش عارفة ارد اقولك ايه بما اني اعيش حالة قريبة من حالتك دي اليومين دول بس بجد مينفعش كده انتي احر جد متفائل اعرفه

Fatma said...

مصطفى

هههههه لا حرام مش اوي كدا هو مش السبب او على الاقل مش السبب المباشر :)

Fatma said...

ايمان

كل دي ردود :)
لا مالبختيش ولا حاجة يا حبيبتي وجميل الاقتراح بتاعك ادعيلي بقى :)

Fatma said...

لين يا عمري

الموضوع شديد التعقيد وعايز قعدة

قومي تعالى فورا انا صبرت عليكي بقالي كتير

لك دخيل الله اشتفتلك سنتين صارلي مش شايفتك :) عنجد تعي

Fatma said...

يويو

:) واضح اني مش لوحدي
خير خير والله دي حاجة تدعو للتفاؤل لينا كلنا

على الاقل هنبقى شلة وحيدين هههههه

Fatma said...

اسراء

والله بتصدموني لما بتقولوا انا اكتر حد متفائل عرفتوه
دي كارثة والله

هو الناس كلها بقوا متشائمين اوي كدا ليه ؟

تصدقي بقى كلامك دا اداني روح معينة كدا وشكلي هرجع بالورود الوهمية والتفاؤل الوهمي على رأي تامر :)

leeno said...

و لك يقبر قلبي اللي عم يحكي متلنا
لابقلووووو الحلو

اول اجازة و حتلاقيني عندك

Anonymous said...

:D