Friday, October 23, 2009

ايش عرفك انت !!


حتى لو كان صوتنا واطي قصاد صوت اللي عايزينك
عشان محطوط عند بقهم ميكروفونات ومتسلط عليهم كشافات ابوللو كبيرة
وحتى لو انت كدا كدا واخدها
مش هيبقى بالساهل
ومش هيبقى وانت فاكر اننا مبسوطين
لأ احنا مش مبسوطين
عشان ايش عرفك انت ؟!
الحملة عند نوارة

19 التعليقات:

الخوجة said...

وهى الميكرفونات هينزلوا خبة بقلوبنا.القبول دة من عند ربنا
Tainted nightmare - مصل أنفلوانزا الخنازير طلع مضروب و عبارة عن سلاح بيولوجى


HUMAN ORGANS TRADE -Harvesting Human Organs -تجارة الأعضاء البشرية

Yasmine said...
This comment has been removed by the author.
Yasmine said...

انا لسه مستفزة من امباح من الحملة الغريبة العجيبة المريبة دى على فكرة!

مش شايفة سبب فى ان واحد اتعلم كويس فنرفض انه يبقى رئيس جمهورية

مش شايفة انه عشان بيتكلم انجليزى فدا سبب كافى اننا نرفض انه يبقى رئيس جمهورية

مش شايفة انه عشان هو مش فقير و ما جربش احساس الفقر يبقى ما ينفعش رئيس جمهورية

مش لازم ابقى عامية على فكرةاعشان اعرف ان العمى صعب!
و قياسا على نفس منطق الحملة يبقى نجيب شحات امى جاهل من على باب الحسين عشان يحكمنا حيث انه هيبقى عارف احساس الفقرا سكان العشوائيات اكتر من اى واحد من اللى مشغلين ميكروفوناتهم و دايرين يوجعولنا دماغنا بيها

رايي الشخصى بعد ما قريت اكتر من مدونة ان دا مش اكتر من حقد طبقى من البعض اللى قرر انه يرمى هموم فشله الشخصى على جمال كشخص كانه خايف من اللى اكبر منه فلما صدق لقى جمال عشان يطلع فيه الكبت اللى عنده

دا فى واحدة بتلومه على انه ماعرفش احساس البنت اللى بيتحرش بيها صاحب الشغل!!!!!!

كان فى مقالة اول امبارح لحسن راتب بيرد فيها على حمدى قنديل بيقله فيها ان الشؤون الخاصة ليست هما عاما
الجو بقى بتاع صحيت من النوم و لقيت المية اتقطعت و الشاى بتاعى بارد و ايش عرفك انت باحساس الواحد و هو بيشرب شاى بارد و منك لله يا جمال دا ما بياكلش معايا خالص

و قبل ما حد يفتكرنى بنت اخت حسنى
http://banoutamasreya.blogspot.com/2008/06/blog-post_06.html

غير كدا لما تقوليلي جيمى ولا اراجوزات الاخوان ولا معارضة السيشوار يبقى من غير مناقشة صوتى هيروح لجمال و ان عرفت اديله عشر اصوات هعمل كدا
طبعا انا مع ان البلد دى فيها مليون واحد يصلحوا للحكم لكن خلينا عمليين البدائل المتاحة لحد دلوقتى معروفة بالاسم..و لو بقى الوضع على ما هو عليه يبقى منتهى الغباء انى اصوت لايمن نور عشان جمال بيتكلم انجليزى كويس!

و بعدين بدال ما الحملة متشطرة اوى على جمال و بتقوله ايش عرفك انت..ما نتشطر على اللى فصل الدستور على مقاسه و معاه نوابنا العظام..كان اولى يبقى اسمها ايش عرف ابوك باحساس قهر مواطنين شايفين بلدهم بتتسرق منهم مش عارفين يعملولها حاجة!

انا مش هرفض جمال مبارك عشان هو غنى..انا ارفض التوريث عشان لا احنا ورث ولا بلدنا تكية!

Fatma said...

نينا
اختيار جمال عشان كل الاختيارات الاخرى زبالة دا مش منطقي

انا افضل في الحالة دي اني اعمل بطاقة انتخابية وامتنع عن التصويت واحاول اقول واوصل ان مافيش ولا مرشح ينفع

اكيد انا شخصيا مش عايزة اخوان ..انا اهلي حالفين لو الاخوان مسكوا يلموا حاجتهم وياخدونا ويمشوا من البلد
والمعارضة نصها اشكال ضالة ماليش فيها

بس في اتجاه لدخول شخصيات محترمة احزاب معارضة ومن الاسماء المطروحة عمر موسى ومحمد غنيم والبرادعي

انا لو محمد غنيم رشح نفسه همشي اقنع طوب الارض ينتخبه

المسألة مش حقد طبقى ما كل الاسماء اللي فوق من طبقات عالية

بس في فرق بين واحد مش اعمى وعارف ان العمى صعب وواحد مش اعمى ومش شايف ان العمى مشكلة وواحد مش عارف اصلا ان في حاجة اسمها عمى

اقري التدوينة دي بالذات هتبينلك ان المسألة مش حقد طبقى
http://tamermowafy.wordpress.com/2009/10/23/who_told_you/

Maga said...

انا لسه مستفزة من امباح من الحملة الغريبة العجيبة المريبة دى على فكرة!

مش شايفة سبب فى ان واحد اتعلم كويس فنرفض انه يبقى رئيس جمهورية

مش شايفة انه عشان بيتكلم انجليزى فدا سبب كافى اننا نرفض انه يبقى رئيس جمهورية

مش شايفة انه عشان هو مش فقير و ما جربش احساس الفقر يبقى ما ينفعش رئيس جمهورية

مش لازم ابقى عامية على فكرةاعشان اعرف ان العمى صعب!
و قياسا على نفس منطق الحملة يبقى نجيب شحات امى جاهل من على باب الحسين عشان يحكمنا حيث انه هيبقى عارف احساس الفقرا سكان العشوائيات اكتر من اى واحد من اللى مشغلين ميكروفوناتهم و دايرين يوجعولنا دماغنا بيها

رايي الشخصى بعد ما قريت اكتر من مدونة ان دا مش اكتر من حقد طبقى من البعض اللى قرر انه يرمى هموم فشله الشخصى على جمال كشخص كانه خايف من اللى اكبر منه فلما صدق لقى جمال عشان يطلع فيه الكبت اللى عنده

دا فى واحدة بتلومه على انه ماعرفش احساس البنت اللى بيتحرش بيها صاحب الشغل!!!!!!

كان فى مقالة اول امبارح لحسن راتب بيرد فيها على حمدى قنديل بيقله فيها ان الشؤون الخاصة ليست هما عاما
الجو بقى بتاع صحيت من النوم و لقيت المية اتقطعت و الشاى بتاعى بارد و ايش عرفك انت باحساس الواحد و هو بيشرب شاى بارد و منك لله يا جمال دا ما بياكلش معايا خالص

و قبل ما حد يفتكرنى بنت اخت حسنى
http://banoutamasreya.blogspot.com/2008/06/blog-post_06.html

غير كدا لما تقوليلي جيمى ولا اراجوزات الاخوان ولا معارضة السيشوار يبقى من غير مناقشة صوتى هيروح لجمال و ان عرفت اديله عشر اصوات هعمل كدا
طبعا انا مع ان البلد دى فيها مليون واحد يصلحوا للحكم لكن خلينا عمليين البدائل المتاحة لحد دلوقتى معروفة بالاسم..و لو بقى الوضع على ما هو عليه يبقى منتهى الغباء انى اصوت لايمن نور عشان جمال بيتكلم انجليزى كويس!

و بعدين بدال ما الحملة متشطرة اوى على جمال و بتقوله ايش عرفك انت..ما نتشطر على اللى فصل الدستور على مقاسه و معاه نوابنا العظام..كان اولى يبقى اسمها ايش عرف ابوك باحساس قهر مواطنين شايفين بلدهم بتتسرق منهم مش عارفين يعملولها حاجة!

انا مش هرفض جمال مبارك عشان هو غنى..انا ارفض التوريث عشان لا احنا ورث ولا بلدنا تكية

Maga said...

مفيش فرق بين جمال واى حد تاني ولا ايش عرفك انت ولا يا حلوة شوفيني ولا دا تربية ارستقراطية ولا تربية شوارع ولا اخلاق ولا تعليم ولا ثقافة ولا دين
طول ماالسلطة من غير محاسبة ومن غير رقيب مش هتمنع الانسان من الاستخدام السىء للسلطة
وامثلة كتير من الرؤساء مكنش من الممكن انهم يتحاسبوا لو كانت السلطة المطلقة في اديهم
واللى يفتكر اننا هنعمل وهنغير وهنطور سواء بجمال او غيره واهم
طالما في شخص واحد بس هو اللى بيحكم وهو عنده السلطة المطلقة
مش ممكن هنتقدم وهنتطور والدليل اهو بقينا نعانى من تخلف شديد فى كل حاجة وفوضى وتشدد ديني وانحلال وفساد وفقر وبطالة وبيع وخراب واللى يفكر ان المشكلة فى الاخوان والشعب والثقافة فهو باردو واهم تناقضات تناقضات
اى انجاز للريس ايا كان
واى تخلف وفوضى للشعب والدين والثقافة والاخوان
الحاكم واحد والرقيب واحد والمسؤول واحد واللى بيحل ويربط باردو واحد والهدف واحد
مفيش فرق بين الاغلبية والاكثرية والاقلية الريس يقول كله ينفذ

مفيش ديمقراطية معندناش المفهوم دا كاننا هنصوت فى ستار اكاديمي ميهمناش دا عنده ايه ولا مؤهله ايه ولا يصلح او لاء اهم حاجة انه من الجماعة اخوانى شيوعي وطني علماني او حتى ضد
اهم حاجة انه مننا
تناقضات تناقضات
حتى انا مش عارف انا بكتب ايه ولا بقول ايه

هى كلها تناقضات
البلد بقيت غريبة افكارنا غريبة توجهاتنا غريبة حتى معارضتنا غريبة
تناقضات
انتظار خوف على بكرة
ع المستقبل على البلد
خايف يجي اليوم اللى اللى ندور فيه على وطن غير وطنا

هى حياتنا كلها تناقضات

Here i'm said...

البنت مش حرة دى قالت كل الكلام اللى كنت عمال أفحت فيه فى المنتدى :D

و أحب أضيف .. مش علشان أحمد زويل اخد نوبل و البرادعى رئيس الوكالة و عمرو موسى عنده كاريزما و قال لمادلين أولبرايت نزلى رجلك يا ولية .. يبقوا دول ينفعوا

من كتر حيرتى انا زى ما قولت و حعيد .. حعمل صوتى باطل .. و أحب أقول أن أنشاء الله مفيش اخوان حينزلوا .. علشان بصراحة لو نزل اخوان او أيمن نور .. صوتى حيروح لجيمى

تسلم أيدك يا مش حرة .. كنتى فين و انا طالع عينى على المنتدى فى الموضوع دا :D

mido said...

@ Here i'm

@Maga





واضح انكم مش فاهمين الحملة و معناها

الحملة مش بتقول لجمال ابقى فقير و عدمان و ما الى ذلك من مظاهر البهدلة

الحملة بتقوله انت مش عارف و لا حاسس بالناس دى

لأنك و كل اللى حوليك بيزيفوا الواقع قدام عينيك

و الامن هو اللى بيحضر مؤتمراتك

وو بيهتف باسمك و كله تمام يا ريس

انزل من غير البهرجة و كدابين الزفة اللى حواليك و شوف بنفسك حال الناس


انا حختار اى حد غير جمال مبارك

mido said...

دى لو فى فرصة أصلا علشان أختار

mido said...

الصورة دى أختصرت الهدف من الحملة

Maga said...

mido

شوفت انتا بتقول ايه

انا حختار اى حد غير جمال مبارك

هو دا استار اكاديمي اللى بقول عليه

انتا هتصوت وهتختار مش مهم مين

او معاه ايه ولا مؤهل ولا لاء

المهم انه مش ننوس عين ابوه

وباختيارك دا انتا كمان وقعت فى نفس اللى هما واقعين فيه

يبقى ايه الفرق ؟!

mido said...

بصراحة معرفش ايه ستار اكاديمي ده و لانظامه ايه عشان افهم تعليقك اصلا

Maga said...

اشرحلك ايه هو ستار اكاديمي برنامج لاكتشاف مواهب فى الغناء وفى الاصل
دى مجموعة من الشباب مالهاش لازمة وصوتها زفت ولا واحد فيهم مؤهل انه يبقى مطرب داخلين فيها زق وخلاص بس بقة كل واحد ليه جماعته المنتمي ليها ( بلده ) فبيبدأ تصويت على الناس دى قال ايه لاختيار افضلهم فكل واحد بيختار المطرب دا على اساس انه معانا ومننا مش على اساس هيعرف يغني ولا لاء فى منه احسن ولا اصلا كلهم مالهمش فيها
ونختار ويطلع الفايز مثلا زي محمد عطيه ويبقى عطية نجم النجوم واحسن مطرب
هو دا ملخص ستار اكاديمي

mido said...

بتقولى :

انتا هتصوت وهتختار مش مهم مين او معاه ايه ولا مؤهل ولا لاء المهم انه مش ننوس عين ابوه

فعلا لأن جمال الاقل فى المؤهلات بالمقارنة ببقية المرشحين

ده فعلا

مفيش مقارنة أصلا

حتى الحاجة اللى متخصص فيها و هى الاقتصاد

طينها أكتر من الاول

Maga said...

انا محددتش اسماء وانا لا مع جمال ولا غيره

كل اللي عايز اقوله اننا كلنا جناه وباردو كلنا مجنى علينا

يعني شعبنا محتاج حاجتين بس حاليا

ياكل ويتربى من جديد

بس

mido said...

شعبنا متربى كويس اوى

عايزة تربى شعب عمره الالاف السنين

:))

انا كل تعليقاتى كانت بترد على اعتراضك على الحملة

و بعد كده دخلتى فى موضوع تانى
!

Maga said...

الظاهر ان انا مش قادر افهمك :D

mido said...

باختصار اى شخص مسئول ينفع توجه ليه الحملة دى

طالما مغيب عن الواقع

محمد فوزي said...

أولاً بعتذر جدا يا فنون والله عن تقصيري معاكي في تقديم واجب العزاء بس لسه دلوأت قاري موضوعاتك اللي فاتت
البقاء لله غفر الله له وصبر أهله

بالنسبه للحمله تعليق انا حره مش فاهمه , حضرتك بتقولي انك ضد التوريث وإن مصر مش تكيه , طيب وهو مين عاوز يورث مصر دلوأت مش جمال ؟ يبقى طبيعي نبقى ضده ولا إيه ؟

كون بقى إن فيه ناس بترفضه من منطلق حقد طبقي فأنا أشك إن دول كتير لكن حتى لو وجدوا ده ميخليش اللي بيرفضه لأسباب وجيهه يغيروا قناعاتهم

على فكره من وجهة نظري الشخصيه كلمة توريث لما بقولها مش بقولها من منطلق إن جمال هيستلم الحكم من أبوه لأ انا بقولها من منطلق إنه هيستلم الحكم من أبوه عنوه دون إرادة الناس

بمعنى إنه لو جمال مبارك الناس شايفاه إنه أهل للرئاسه وإنه قريب من الناس وحاسس بيهم و هيروحوا ينتخبوه بكامل إرادتهم في إنتخابات حره ونزيهه فأنا معنديش مشكله إنه يتولى بعد والده ومش هيكون عندي مشكله إن رامي إبنه يتولى بعدين لو إنطبقت عليه نفس الشروط دي

لكن اللي حاصل دلوأت غير كده خالص

وبتفق مع كلام اللي قال إنه مش لازم يبقى فقير عشان يعرف يحكم إنما لازم يبقى حاسس الناس وعايش مشاكلها ومقرب منها

انا شوفت حوار ليه مره على هامش مؤتمر الكوميسا المذيعه بتسأله إيه تعليقك على الإحصائيه اللي بتقول إن نصف الشعب المصري تقريبا يعيش تحت خط الفقر بالمعدلات العالميه , ابتسم في إندهاش وقالها أعتقد إن النسبه دي فيها مبالغه شويه
يعني بغض النظر النسبه صح ولا غلط هو ميعرفش النسبه كام ولا حتى عارفها وحافظ إنه يقول نسبه تانيه لما يتسأل

تحياتي