ايام فاروق كان اللي بيحكم مصر واحد بيحبها بالرغم من عيوبه
ايام ناصر كان اللي بيحكم مصر واحد عنده ضمير بالرغم بردو من عيوبه
ايام السادات كان اللي بيحكم مصر واحد عنده مخ بالرغم من كل شيئ
دلوقتي ايه !!! لا حب ولا ضمير ولا مخ ...ايه بقى !!!
Sunday, October 05, 2008
6 اكتوبر
ايام فاروق كان اللي بيحكم مصر واحد بيحبها بالرغم من عيوبه
ايام ناصر كان اللي بيحكم مصر واحد عنده ضمير بالرغم بردو من عيوبه
ايام السادات كان اللي بيحكم مصر واحد عنده مخ بالرغم من كل شيئ
دلوقتي ايه !!! لا حب ولا ضمير ولا مخ ...ايه بقى !!!
Subscribe to:
Post Comments (Atom)
14 التعليقات:
دا اليوم الوحيد اللى بكرهه فى حياتي
دا مش احتفال باكتوبر
دا بيكون احتفال بمحمود ياسين
الله يرحمة ... عاش راجل ... و مات راجل
كل سنة و انتي طيبة
هههههههههههههههه
موتني من الضحك يا احمد
اقفل التيليفيزيون المصري المتخلف دا اصلا
قال محمود ياسين قال
جاتهم القرف
دلوقتى اللى بيحكمنا واحد لا بيحب مصر ولا عنده مخ عشان نقول نضيف ولا
بمناسبة محمود ياسين انا فيلم بدور ده كان من افلامى المفضلى كطفلة:D
ما تتريقوش عليه لو سمحتم :D
السادات .. انا شايفه أنه كان أحسن واحد قادر على أنه ينقل مصر من مرحلة دول العالم الثالث .. للثانى و الأول كمان ..
كان تفكيره سابق عصره .. الناس كلها كانت بتقول أشتراكيه و هوا قال أنفتاح و رأسمالية ..
لما قال حنعبر كان الشعب بيضحك .. لما عبر الشعب مصدقش .. و لما أحتفل بعبوره أستكتروا عليه الفرحة .. و لما بنقول الله يرحمه بيستكتروا عليه الرحمة ..
الله يرحمك يا سادات ..
دلوقتى .....
حسبى الله و نعم الوكيل فى اللى ناهبين البلد و ممرمطينا معاهم
حسبى الله و نعم الوكيل فيه بجد :(
سمر
انا نفسي اوصل لحل منطقي وعقلاني واحاول اوصله للريس
حل مننا
حد يا جماعة عنده حل
اصل اللي سرق سرق والمنطق بيقول ان زمانه شبع
الحال ما بينصلحش ليه
سؤال محتاج اجابة
ليه احنا من سيئ لاسوأ واللي جاي انيل
ليه بجد
بصــى ...
انــا بقيــت حــاســه إن المصرييـن مـش ينفعــوا يمسـكوا البلـد عشـان كـل واحـد بيبـدأ كويـس و لمـا الكرسـى يزغلل عينيـه بيبـدأ يعمـل كـل اللى يضمنـله الجـلوس عليــه لحـد المـوت :D
عشــان كــده انــا بقتـرح نجيـب رئيـس اجنبــى يمسكنـا !!!
ياااه يا رنين
يعني ناس ماتت عشان اللي يحكم مصر مصري ابن البلد وفي الاخر يطلع الغريب احسن من المصري
وجعني كلامك اوي
انا شايفه اننا محتاجين حد بيحب البلد وعنده ضمير وعنده مخ
ال 3 حاجات دول كفيلين ان مصر يحصلها طفرة in no time
مـا هـو يـا امـا انـا بقيـت واقعيــه اوى يـا امـا بقيـت متشـائمـه اوى
بـس بجـد انـا بلاحـظ إن فينـا كعـرب عمومـا و كمصرييـن بشـكل خـاص صفـه تقريبـا وراثيــه
انـى لو إشتغـلت فـى مكـان معيـن فـأول مـا ببـدأ شغـلى بقـدم احسـن اداء و احسـن نتيجـــه و لمـا ببـدأ اكسـب ثقــة اللى حواليـا بيبتـدى ادائـى ينـزل تـانـى و كـأنـى وصـلت لهدفـى بعـد المـدح اللى جـالى و الثقــه اللى اخدتهـا
لكن إنـى اكمـل و اتعـب اكتـر و انجـح و اقـدم للنـاس شغـل احسـن و نتـايـج اكبــر
دى انـا شوفتهــا فـى جنسيـات تانيــه مكنتـش Made in Egypt or Arabic eria
احنــا كــده و دى طبيعتنــا إللى اتعودنـا عليـها
وكـل الرؤسـاء اللى حكمـوا مصـر بـدأوا بقـوه و نزاهـه إنمــا لما لقـوا الكـل بينـافقهـم و بيكسـب ودهـم عشـان مصلحتــه الخـاصـه فبتبـدأ تدخـل المصلحــه المشتركـه و بيضيـع حقنـا وبيـاخـده اصحـاب المصـالح الخـاصـه
فعلا يا ماجا اسوأ نتيجة لحرب اكتوبر هي وجود محمود يس
واسمحولي انضم لفلة واقول اني كنت من اشد المعجبين في طفولتي بفيلم بدور وده لأن عندي حالة جنان بنجلاء فتحي لحد دلوقتي
كل ما بييجى اليوم ده
باتخنق من السادات وابقى عايز أشوفه بيتحرق
لولا السادات وديكتاتوريته وقراراته المنفردة فى اللى مش بيفهم فيه كان زمان الحرب انتهت نهاية تانية خالص
لا كان هيبقى فيها حصار جيش تالت
ولا مفاوضات مخزية
وكان عدد شهدائنا هيبقى أقل بكتير
الناس اللى ماتت دى دمهم فى رقبة السادات
الحل على فكرة مش فى واحد بمواصفات معينة
الحل فى نظام يخلينا نستفيد من الصفات دى وهى متوزعة على 3 أفراد
Post a Comment