Wednesday, April 30, 2008

تخاريف مخنوق !؟




عارف لما تبقى مخنوق ...مخنوق بجد ...مش قادر خلاص
عارف لما احساس الخنقة النفسي دا يبتدي يتحول لاحساس ملموس
لما تحس زي ما يكون في حد ماسكك من زمارة رقبتك
او زي ما يكون حد شفط الهوا من حواليك
لما تحس انك فعلا عاجز عن التنفس
وانك هيجرالك حاجة
عارف لما دموعك تغرقك من جوا
وانت مش قادر تطلعها برا عشان مش هينفع انت ماتبقاش قوي لانك كنت كتير اوي رمز للقوة
عارف اللحظة دي
عارف لما تقول لنفسك انا قوي الايمان ومافيش حاجة هتهزني لانه مهما حصل دا قضاء ربنا
عارف لما من كتر ما بتقول الكلمة دي لنفسك قربت تصاب بلا مبالاة
وقربت توصل لمرحلة ماعادش شيئ فارق وكله محصل بعضه
عارف كل دا
طيب كويس
اصل انا خلاص يظهر ما بقتش عارفه حاجة

5 التعليقات:

""""" said...
This comment has been removed by the author.
""""" said...

فى اللحظه اللى بكتب فيها دى ايوا عارفه

هوا دا احساسى دلوقتى

احساس الخنقه بقى شئ ملموس وذى ما يكون فى حاجه واقفه فى ظورى !!

مدونتك شكلها حلو اوى يافنون :)

Fatma said...

ربنا يفك خنقتك يا امل يا رب

نورتي المدونة :)

Anonymous said...

هو ليه قضبان السكة الحديد داخلة على البحر؟!!

Fatma said...

ممممم

يمكن عشان تدل على النهاية !

يعني سكة رايحة ومش راجعه